بيجو بره التوكيل

**shark_3li** · 19-09-2011 02:10 AM

الموضوع نام كده ليه عايزين الموضوع ده مرجع كل اللي يعرف حد مايبخلش

**mostafanageib** · 19-09-2011 02:32 AM

يا ريت لو فى حد فى اسكندرية يقول الاماكن يا رجالة

**waleedabbas** · 20-09-2011 10:14 PM

بصراحة ال اتعاملت معاه واستريحتله هو المهندس صلاح في المطرية استاذ فعلا
اسعاره اقل شوية من التوكيل بس مش رخيص اوي برضه لكن خبرة ومعتمد من التوكيل

**shark_3li** · 20-09-2011 10:24 PM

المشاركة الأصلية كتبت بواسطة waleedabbas

بصراحة ال اتعاملت معاه واستريحتله هو المهندس صلاح في المطرية استاذ فعلا
اسعاره اقل شوية من التوكيل بس مش رخيص اوي برضه لكن خبرة ومعتمد من التوكيل

طيب حضرتك هو رقمه كام و يا ريت العنوان كمان فين في المطرية

**redredzone** · 21-09-2011 11:39 PM

بصراحة انامقدرتش انزل عن الاوروبي
و كان عندي ستروين ودلوقتي لسه شاري 307----وكمان الحمدلله ربنا وفقني في عربيه حلوه برغم انها غالية شويه بس محتاجه شغل صيانة بس.....يعني البيجو من الاخر

**waleedabbas** · 22-09-2011 12:30 AM

المهندس صلاح عنوانه : 1 شارع اللواء حسن مرسي النجار متفرع من شارع المطرية ناصية المطافئ ( بين ميدان السواح وميدان المطرية )
تليفونه : 22827567

**waleedabbas** · 22-09-2011 12:30 AM

المشاركة الأصلية كتبت بواسطة redredzone

بصراحة انامقدرتش انزل عن الاوروبي
و كان عندي ستروين ودلوقتي لسه شاري 307----وكمان الحمدلله ربنا وفقني في عربيه حلوه برغم انها غالية شويه بس محتاجه شغل صيانة بس.....يعني البيجو من الاخر

طبعاااااااااااااا:b4_388:

**shark_3li** · 24-09-2011 12:34 AM

المشاركة الأصلية كتبت بواسطة redredzone

بصراحة انامقدرتش انزل عن الاوروبي
و كان عندي ستروين ودلوقتي لسه شاري 307----وكمان الحمدلله ربنا وفقني في عربيه حلوه برغم انها غالية شويه بس محتاجه شغل صيانة بس.....يعني البيجو من الاخر

ألف مبروك يا باشا

**Omar_H** · 27-09-2011 05:48 PM

المشاركة الأصلية كتبت بواسطة shark_3li

طبعا أنا مقدرش أقول إن التوكيل وحش التوكيل بيعمل الصح في العربية وبتكون ضامن العربية وهي هناك ومتأكد انهم هيصلحو العيوب اللي فيها بغض النظر عن السعر اللي هتدفعوا وحُط خط تحت اللي هتدفعوا لأن مفيش اتنين مختلفين على إن توكيل بيجو من أغلى التوكيلات في مصر
طبعا في ناس راضية بالاسعار بتاعت التوكيل مقابل راحة البال وإنهم بيكونوا مطمنين على العربية
بس في ناس طبعا شايفة الاسعار مبالغ فيها وانهم ممكن يوصلوا لنفس النتيجة بره التوكيل بسعر اقل بكتير وانا إلى حد ما من الناس دي
بغض النظر عن المقدمة الطويلة دي أنا عامل الموضوع ده عشان نجمع فيه عناوين وتليفونات الناس اللي بيوصلونا لنفس نتيجة التوكيل بأسعار اقل زي الميكانيكية وبتوع الكهربا وبتوع العفشة والتكيف وكل ال ليه علاقة بالعربية البيجو وفي طبعا ناس عندها كل ده في مكان واحد بس أهم حاجة في ده كله إنها تكون ناس شغالة في البيجو بس يعني مش ميكانيكي شامل يحط ايده في أي عربية وطبعا يكون عنده الامكانيات والأجهزة اللي يقدر يشخص بيها الاعطال . فياريت لو أي حد بيتعامل مع واحد واثق فيه وشايف إنه بيفهم يحط عنوانه ورقم تليفونه عشان كلنا نفيد بعض . وأنا هبدأ بالبشمهندس اللي اتعاملت معاه وكان كويس جدا

اسمه فريد شوقي موجود في مدينة نصر الحي العاشر في الشارع بتاع بنزينة كار جاز ورقم تليفون مهندس شغال هناك هو 0122735322
يا ريت كل الناس تشارك في الموضوع ده لانه مش هيكمل غير بمشاركتكم

فكرة الموضوع هايلة يا باشا ... ممكن لو تقدر توصفلي أروح لفريد شوقي ده إزاي من شارع ذكر حسين من عند مسجد السلام ؟ اللي أعرفه إني لو كملت فيه على طول بوصل الحي العاشر بس معرفش حاجة أكتر من كده ... و هو بيبقى زحمة ولا فاضي ؟
و لو تعرف مثلا بيغير بيكات الكربيراتير بكام ؟ و ظبط التاكيهات أو الكهربة أو التقسيمة يتكلف كام مثلا ؟ عشان أنا محتاج اظبط الموتور لإنه بيخرف و بياكل بنزين قوي 100 كيلو في الصفحة والعربية سحبها ضعيف و بتهبب البوجيهات على طول

**shark_3li** · 28-09-2011 01:19 AM

انا والله مش هعرف اوصفلك بس هحاول ارفع صورة خريطة عمتا لو انتا تعرف سوق السيارات هو عند سوق السيارات لو وصلت هناك اسأل بس عن بنزينة كار جاز وطبعا يوم الجمعة الطريق زحمة جدااااا عشان السوق والحد طبعا قافل بالنسبة للاسعار انا مش عارف الحاجات اللي عندك تتكلف كام بس هو اسعاره مش غالية يعني ان شاء الله مش هتتكلف كتير.