إبعد عن المصرية .. وحسن السلالة !

**Samah AbdAllah** · 14-09-2011 02:42 PM

المشاركة الأصلية كتبت بواسطة shaddadfalcon1

طيب نتكلم جد شويه

طول مانت حاطط عيوب الست قدامك عمرك ماهتحبها ولا هتطيقها وهتفضل تكره فيها اكتر واكتر
لازم تبص لربع الكوبايه المليان او حتي شوية التفل اللي بيبقو في القعر دوول وتفضل تبص تبص لحد ماتقوم رامي الكوبايه من ايدك جايبها 100000 حته وتشتري كوبايه جديده

ههههههههههههههههههههههههه ههههههههههههههههههه
حرام عليك
مش خسارة الكباية

احنا نجيب الموضوع ده عالموضوع بتاع التعدد وندمجهم فى بعض
نطلع بموضوع جديد
اتجوز مصرية واتجوز عليها روسية او ماليزية

جد شوية
مينفعش فعلا ناخد ثقافتنا ونكون ارءنا عن الغرب من خلال الافلام الخايبة
والا منزعلش بقا اننا لينا اسوا صورة فى الغرب بسبب افلامنا الفاشلة مش هقول امثلة كلنا عارفنها :-)

**No Comment** · 14-09-2011 02:43 PM

المشاركة الأصلية كتبت بواسطة abou_ruqi

السر هو التطلع للكمال ، الغير موجود لو حنتكلم جد بقه
انما النقصان درجات ، ومحدش محدد قوي نوع النقصان اللي يعرف يتعايش معاه والنوع اللي ما يعرفش

أولاً الكمال لله وحده .
ثانياً بما ان الكمال لله وحده فمفيش بنى أدم كامل سواء راجل أو امرأة .
ثالثاً يبقى لازم تكون المعادلة بعد كدة تاخد أأأيـــــــه فى مقابل أأأيــــــــه علشان تحقق المعادلة اللى انت عاوزها ليك وتكون اقرب للكمال .
رابعاً المهم اننا نقتنع دائماً ان الكمال مهما حاولت ودورت عليه مش هيكتمل ابدااااااااااااا .
خامساً لو فرضنا ان الطوبة جت فى المعطوبة كما يقال فى الأمثال يبقى الأختيار كان خاطئ فى أغلب الظن أو يبقى نوع من التكفير عن حاجات عملتها فى حياتك السابقة وهتتخلص فى جوازتك دى .
سادساً يتبقى لك فى حالة حدوث خامساً السابقة اما ان تصبر وتحتسب (وربنا يكون فى عونك ) يا أما تنفصل وتتحمل نتيجة اخطائك واختيارك وأكيد ان محدش بيتعلم بالساهل .
سابعاً بقى ... دمتم بود وربنا يكون فى عوننا جميعاً .

**Samah AbdAllah** · 14-09-2011 03:07 PM

المشاركة الأصلية كتبت بواسطة abou_ruqi

يبقى حضرتك تحضر حالا معاك تلت تربع تفاحة ميزو وربع علكة فاخر وتحضر حالا ، واللي فيه الخير يقدمه ربنا

حد جاب سيرة الجواز من ماليزية ؟ انا قلت ماليزية ؟
انا قلت فلبين تايلاند الصين!

هم الماليزيات مش نافعين خالص كده ولا ايه
ملهومش فى الشمع :-))

وبالنسبة للفلبينيات
انا سمعت انهم فعلا زوجات رائعات
يلا على بركة الله يا ابورقية
والاكياس هدية منى للمدام والوان كمان :-)))

**shaddadfalcon1** · 14-09-2011 03:16 PM

كل اللي اقدر اقوله ان مفيش ست فيها كل حاجه
مفيش ست حلوه ورشيقه ومهتمه بنفسها وبتدلع جوزها وبيتها ملوش حل ومثقفه ودمها خفيف واهلها ملهومش حل ووووووو

وبرده مفيش راجل فيه ربع اللي اتقال ده

كل واحد بيحب حاجات وبيكره حاجات

وظيفتك انك تنبها للي بتحبه وتحذرها من اللي بتكره وانت كمان تعمل معاه كده في حدود المستطاع
وتحاول معاها بشتي الطرق (كلام - خصام - اهلها - اهلك) اي حاجه بتخليها تقتنع حتي لو كانت واحده زميلتها حتي لو بالفلوس)

اللي اقدر اقوله عن تجربه انك لو شايف حاجه وحشه في مراتك وانت حطيتها في دماغك وفضلت تشتكي منها واقتنعت انها خلاص صدقني علاقتك هتدمر تماما بيها

الراجل ليها القوامه ويقدر يخلي مراته تعمل اللي هو عايزه باي طريقه وانت اكتر واحد ادري بمرااتك وتعرف الطرق اللي تقدر تاثر عليها

ودمتم

**shaddadfalcon1** · 14-09-2011 03:25 PM

مكرر

**shaddadfalcon1** · 14-09-2011 03:30 PM

المشاركة الأصلية كتبت بواسطة نور القمر

كلامك منتهى العقل وواقعي وزي ما الراجل شايف عيوب في زوجته اكيد هي كمان شايفه فيه عيوب يعني مهواش ملاك
انا لسه قايلة الكلمتين دول بالليل بس بالعكس لواحدة بتشتكي من جوزها

المشكله ان رجاله كتيير عايزه زوجاتها ملايكه ومش مهم هما عايزين ايه
يعني عايزين دلع وروشنه وهما مش بيقولو كلمه حلوه ليهم طيب ازاي

وده ميملنعش ان في ستات بتبقي عايزه الحرق لان جوزها بيبقي مش حارمها من حاجه وهي في منتهي البخل ومش عايزه حتي تقوله كلمه وللأسف في ستات بتنصح صاحبتها بكده قال يعني من انواع التقل ومتعوديهوش علي كده عشام ميوجعش دماغك وتلاقيها هي مروقه جوزها

غالبا اذا اجتمعت الستات مع بعض او الرجاله مع بعض بيحصل مصايب

خلي دايما في بالك الأم اللي ابنها بيفضل صغير في نظرها وبيبقي احلي ابن طول عمرها
تفتكرو ليه؟ لانها مبصتش لابن واحده تانيه ولا قارنت مابين ابنها وابن الجيران ولا قالت ابني في صفات وحشه دايما تبص للحلو اللي فيه وتحاول تقوم الوحش حتي لو الأبن ده عاق ومش كويس برده بيفضل حلو في نظرها

ليه ميقاش الزوج كده في نظر زوجته والعكس؟

فاهمين حاجه؟

**human** · 14-09-2011 03:32 PM

فيه نقطه احب اقولها

الزوجه فى عين زوجها

يعنى الزوجه ممكن تقول حلوه و يشوفها امنا الغولة
ممكن تكون وحشه و يشوفها ميجان فوكس
و ممكن تكون مهمله و يشوفها ست نظيفه
و ممكن تكون محسوكه و يشوفها مهمله

يعنى الموضوع بيرجع للطريقه اللى الزوج بيقدر يشوف بيها

فيه ناس بتقدر تبقى سعيده باقل الاشياء و فيه ناس عينها فارغة:)

زى برضه ممكن تشوف واحد تقول ده ايه ده و هو بالنسبه لمراته احسن حاجه فى الدنيا
زى ما يكون فيه واحد مراته مش مقتنعه بيه فى الوقت ان ستات تانيه ممكن تموت نفسها عليه

تانى - الحياه الزوجيه ليس لها مرجعيه او كاتالوج - كل علاقه ليها خصوصيتها
ممكن نضحك و نقول الستات كلهم كذا و الرجاله كذا بس فعليا لا مافيش الكلام ده