ايه الضرر لما انقل علي 5 او 6 !!rpm

**sayed911** · 17-09-2011 06:11 AM

نسيت اضيف معلومة انه البروف كان محدد انه القرص له شروط ... المكنة تكون حامية .. الزيت مش عارف قال كلمة كده ولكن مخصص لععمل في ظروف قصوى يعني .. واهم اهم اهم اهم حاجة فلتر الهوار اولا واخيرا ...!!!!!!!!!!!!!!!

**momo44** · 17-09-2011 12:45 PM

المشاركة الأصلية كتبت بواسطة محمد الجرجاوي

ههههههههههههههههههههههههه ههههههههههههههههههههههههه
يا بني هقطعك انا 1300 كاربراتير وانت 1500 انجكشن هقطعك بس اصبر عليا بكرة انا في الرحاب واروح للاستاذ ممدوح يديني دروس في الشد هههههههههههههه وبعد كدا هظبطك يعني هظبطك

طيب ما تاخدنى معاااااااااااااك

ههههههههههههههههههههههههه ههههههههههههههههههههههههه ههههه
:b4_048::b4_048:

**MohssenRashed** · 17-09-2011 01:29 PM

موضوع جميل و كلام علمي مفيد.

عن تجربه و احد صاحبي معاه فيات لينيا 2009 1400 سي سي بس مش تربو من نوع الناس اللي بتلبس العربيه شرابات ههههه بينقل علي 2000 او 3000 rpm بالكتير اوي, انا بطلع منه بالاكسنت 1300 مرتاح حتى و هو حارق و السرعه القصوه ليه 160 تحت كل الظروف.

**إبراهيم المصرى** · 17-09-2011 03:16 PM

فى اعتقادى ان سماع صوت الموتور بالاذن مع النظر الى الار بى ام مهم جداً وطالما الزيت كويس والفلتر وبيتغيرو قبل ميعادهم يبقى مفيش مشكله ويبقى من حين لاخر الار بى ام يعلى شويه طالما الموتور مستريح وصوته ناعم والضغط على دواسة البنزين سنه سنه مش كبس مره واحده و بيبقى تمرين للسياره علشان الاستجابه تكون سريعه
وبجد المناقشه ممتعه واستفدت كتير منكم
والف شكر لصاحب الموضوع وللباشا استشارى القسم ولكل من شاركو فى الموضوع

**moh19227** · 17-09-2011 04:19 PM

المشاركة الأصلية كتبت بواسطة mohssenrashed

موضوع جميل و كلام علمي مفيد.

عن تجربه و احد صاحبي معاه فيات لينيا 2009 1400 سي سي بس مش تربو من نوع الناس اللي بتلبس العربيه شرابات ههههه بينقل علي 2000 او 3000 rpm بالكتير اوي, انا بطلع منه بالاكسنت 1300 مرتاح حتى و هو حارق و السرعه القصوه ليه 160 تحت كل الظروف.

اهو هو ده الكلام اللي انا بتكلم فيه لازم الواحد يدوس علي الموتور شويه والا هيلاقي العربيه بتاعته بقت عامله زي -- التوك توك

--

**superb** · 17-09-2011 05:35 PM

يا جماعه الموضوع دا الناس بتقول فيه اى كلام و بنسمع كلام كتير ... نجيب المفيد فى اختصار:
1. اختراع المحرك او موتور العربيه دا موضوع عدى عليه اكتر من 100 سنه .. يعنى كل سنه فى جديد و تطوير و الأهم هو الأمان و الشركات دايما بتدور على الأعتماديه و فى نفس الوقت تطلع احسن قدره و عزم من المحرك بأقل تكاليف فى الأستهلاك ..
2. لو الأر بى ام مش امان بعد ال 4000 لفه فى الدقيقه كان زمان كل العربيات بتقف عند 4000 و ريحو و ريحونا

الفكره مش فكرة الحرق بيهلك العربيه .. بس حط فى دماغك العربيه عباره عن حاجات كتير مبنيه على بعضها يعنى عاوز تحرق تشيك ولو كل يوم ولا اتنين على السوائل و ضغط الهوا فى الكاوتش و مش لازم تعلى الكاست علطول عشان تسمع صوت العربيه و اى صوت ممكن يظهر جديد و صدقونى عن تجربه شخصيه و تجارب ناس كتير مع عربيات قديمه كمان و كانت بتحرق 24 ساعه وصلنا ان اهتماك بالسوائل بالذات و التبريد الكويس بيحافظ على الموتور .. بس اللى المفروض يشغل بالنا هو العفشه لأن فى بلدنا الجميله تبقى ماشى فى امان الله تلاقى حاجه بترزع .. تسأل يقولولك بلاعه عم عبده فتحها و ام العيال كلمته روح ونسيها ...

يعنى ايه موتور مفتوح :
دا كلام منقول من ناس اجانب .. ان القياده على سرعات بطيئه بتكون رواسب على جدران مسار البنزين اللى فى العربيات الجديده الرشاشات و بالتالى بتعمل نوع من تضيق طريق البنزين لغرف الأحتراق .. فى الحاله دى هيحصل تهدير فى البنزين و العربيه تدوسلها تلاقيها مخنوقه .. و عشان كدا بدأنا نلاقى اختراعات عن منظفات البنزين و تنظيف دايرة البنزين و كلها اضافات تتحط فى التانك مع التفويل ..
لكن بقى لو سيادتك زى مبنقول كبيييس و بتحرق مش هيكون فى مجال لوجود اى رواسب فى دايرة الوقود و بالتالى العربيه هتاخد و تدى معاك حلو اوى .

نصيحتى :
طول ما قدامك طريق حلو احرق على الأر بى ام من فتره للتانيه و متعودش العربيه انها نايمه
لو بتحب الجرى علطول متقلقش بس تابع السوائل علطول و متنمش فى العسل و تقول استنى الصيانه الجايه .. تابع عربيتك بنفسك و التوكيل عمره مكان بيخاف على عربية حد اكتر منه نفسه .
الأهم و محدش فكر فيه : الفتس و زيت الفتيس .. اللى بيحرق لازم يتابع الموضوع دا بالذات فى العربيات اللى هى بعد 2005 بعد ظهور انواع جديده من التكنولوجيا زى ال تيب ترونك و السى فى فى تى و الدويال كلتش .. و على فكره الفتيس النهارده بقى ميقلش تكنولوجيا و تعقيدا عن المحرك بل بالعكس دا ممكن فتيس يزود القدره بتاعة العربيه ..

و اتمنى اكون فدتكو ..

ملحوظه اخيره : السرعه خطر .. لا تشرب الدواء هههههههههههه :)

**Amr_Azab** · 17-09-2011 07:06 PM

بصراحة موضوع اكثر من رائع ومعلومات قيمة جدا جدا واشكر كل من ساهم فيه بجد
انا لسة شاري فابيا 2002 صاحبها كان محافظ عليها اوي وزياده عن اللزوم فمكنش بيجري بيها نهائي
وبالتالي وانا بسحب بالعربية حاسس فعلا ان سحبها ضعيف اوي وكنت شاكك ان الموضوع ده عيب فلاتر او زيت او طرمبة بنزين او تنظيف رشاشات واتأكدت ان الحاجات دي كلها تمام وكنت مستغرب جدا بصراحة لآن كانت معاية بيجو 305 موديل 78 قبليها وسحبها كان احسن من الفابيا بكتيرمع العلم ان موتور الفابيا حالته ممتازة جدا جدا وليس به اي عيب
بس بعد الكلام اللي شوفتو في المشاركة دي اعتقد فعلا ان ده هو السبب ان الموتور علطول نايم وانا حتي من ساعت مشترتها معدتش بيها ال100 وكل نقلاتي علي 3000

-

-

الموضوع: ايه الضرر لما انقل علي 5 او 6 !!rpm

LinkBack

أدوات الموضوع

عرض

-

-

-

المواضيع المتشابهه

إيه الضرر من تغير مقاس الكاوتش على العفشه

إيه الضرر من تغير مقاس الكاوتش على العفشه

كتاوت البنزين و الضرر اللى فيه

ايه الضرر في علبه الديفل لو اصغر ؟

عاوز انقل الملكية و اجدد الرخصة و انقل المرور ..

الكلمات الدلالية لهذا الموضوع

المفضلات

المفضلات

ضوابط المشاركة