الموضوع: ايه الضرر لما انقل علي 5 او 6 !!rpm

المشاركة الأصلية كتبت بواسطة MMamdouh

الموضوع دة بالضبط زى ما تجيب واحد بيلعب رياضة وواحد مدمن مخدرات.... مينفعش تقول ان اللى بيلعب رياضة هيموت بدرى او حتى هيعجز بدرى لانة بيبذل مجهود و بيهلك عضلاتة... دة بيعمل حاجة طبيعية و متوافقة مع الغرض اللى ربنا خلق العضلات عشانة... بالعكس دا هتلاقى صحتة احسن من الشخص العادى... بس بشرط طبعا انة يتغذى كويس و يعوض الطاقة اللى بيحرقها و الا يفيص

اما اللى بياخد مخدرات فا دة بيهلك فى جسمة و بيبوظة و لازم يخرالة حاجة وحشة عاجلا او اجلا... هو اساسا جسمة مش معمول لاستيعاب المخدرات و تراكمها لازم يسبب اضرار و تلفيات بدون ادنى شك

MMamdouh

بجد بجد لايك
وعلى فكرة انا بكرة ان شاء الله في الرحاب

المشاركة الأصلية كتبت بواسطة momo44

متابع معاك يا جرجاوى
بس برده مش هتسد معايا
هههههههههههههههههه

ههههههههههههههههههههههههه ههههههههههههههههههههههههه
يا بني هقطعك انا 1300 كاربراتير وانت 1500 انجكشن هقطعك بس اصبر عليا بكرة انا في الرحاب واروح للاستاذ ممدوح يديني دروس في الشد هههههههههههههه وبعد كدا هظبطك يعني هظبطك

اعتقد انه : خير الامور الوسط - حكمة

MMamdouh باشا :)

مش معنى ان ال Max Hp بيطلع عند 6000 لفة او اكثر ان المحرك مصمم انى امشى بية على 6000 لفة على طول و ساعات بيبقى مكتوب فى الكتالوجات اقصى سرعة على كل نقلة هل معنى كدة انى امشى على السرعات دية على طول ؟؟؟؟؟؟؟

و على فكرة اقصى عزم عمرة ما بيطلع على RPM عالى جدا كدة و بعدين ال Hp ما هو الا Torque مضروب فى RPM

و مثلا لو قولنا محرك بيطلع XXX حصان عند 6000 لفة و XXX عزم عند 3000 لفة معنى كدة ان اقصى عزم تاخدة من المحرك هو عند 3000 لفة مش 6000 لفة يعنى لو عاوز تجر حاجة تجرها على 3000 RPM مش على 6000 RPM

انا حتى قولت فى المشاركة الى فاتت انى اوقات الجرى بنقل عند 6000 RPM عادى جدا و دة وقت الحاجة فقط لكن فى الطبيعى عمرة ما حمشى على 6000 RPM

مثال اخر بسيط

الكاسيت و السماعات لو انت جايب كاسيت للبيت هل هو مصمم انك تفضل معلية على طول على الأخر ؟؟؟؟؟؟؟؟

حتقولى لأ

حقولك امال هما عاملين لية انك ممكن تعلية للأخر ؟؟؟؟؟؟؟؟؟؟؟؟

لو انت فضلت معلية على الأخر اية الى هيحصلة ؟؟؟؟؟؟؟؟ اكيد السماعات حتضرب !

لأن بيبقى مكتوب ال Peak watts مثلا 1000 و لكن انت مش ممكن تفضل كدة على طول

زى ال Peak HP عند 6000 RPM !

دة مثال مشابة لمحرك السيارة

ممكن اة تلففة ل 6000 RPM بس دة فى اوقات معينة يعنى مش كل يوم يعنى

و كمان البنى ادم

ممكن يمشى و ممكن يمد و ممكن يجرى صح ؟؟؟؟؟

بس هل ممكن انة يفضل يجرى على طول ؟؟؟؟ اكيد هيتعب فى فترة مهما طالت

دة حتى طبيا الجرى الكتيير غلط ( على الأسفلت ) لأنة بيحصل تأكل فى الغضاريف و فى الكبر بيسبب مشاكل

لكن لو انت بتجرى فى المعقول مش هتعانى من اى مشاكل

و بعدين فى كل حاجة خير الأمور اوسطها

و بعدين اثناء ما انت على 6000 RPM كل مكونات المحرك بتبقى شغالة بكامل طاقتها يعنى نظام حقن الوقود , نظام الأشعال , نظام التبريد , نظام ال Lubrication , ... و طبعا الحاجات دية حتتعب بدرى دة غير طبعا الأجزاء الميكانيكية !

و طبعا لو فية اى Defect فى الأجزاء الميكانيكية مثلا فى ال Connecting rod حتلاقيها اتكسرت لأنك كدة بتحملها على طول بأقصى حمل هية مصممة انها تتحملة فا بالتالى اى عيب صغير بيكون موجود بيتزايد لغاية لما بتحصل مشكلة كبيرة

و فى النهاية اتمنى ان الأختلاف فى الرأى ميعملش اى مشاكل احنا بنتناقش و كل واحد حر يقتنع بأنهى رأى

و اخر نصيحة اقدر اقدمها لأى حد بيسوق على RPM عالى على طول انه يغير الزيت قبل معادة علشان يحافظ على المحرك لأطول فترة ممكنة !

و بالنسبة لتشبية المحرك بالبنى ادم

مينفعش خالص

البنى ادم ممكن تمرنة يشيل حديد حيبقى اقوى و صحتة احسن لكن عمر ما المحرك لما تخلية يجر حمل كل يوم حيبقى اقوى

المحرك هو محرك فى الأخر مجرد اجزاء ميكانيكية شغالة مينفعش تزيد قدرتها فى الظروف العادية و لكن ممكن تقل مع الوقت و العمر

و للعلم برضة لاعب الحديد مثلا مفاصلة بتبقى مستهلكة اكثر من واحد مش بيلعب حديد مثلا

اولا نورت الموضوع يا بشمهندس فهد
ثانيا انت كده حيرتني خالص حضرتك بتقول اهلاك للمكنة وناس بتقول هوا تحميل علي المكنة بس عادي
طب يعني ممكن كده بالتقريب لو هنقول ان عمر الموتور الافتراضي مثلا 500 الف كيلو يبقي المكنة اللي بمشي بيها 6 ار بي ام هتعمر بعد 300 الف مثلا ؟
وبردو انا عامل الموضوع ده علشان ليه واحد صاحبي الطبيعي بتاعه انه بينقل 5 , 6 ار بي ام فكنت عاوز اعرف العربيه هتعمر معاه اد ايه ؟ -- صني --
واخر حاجه وهي النقطه المهمه ازاي المكنة اللي بيتجري بيها هتفوت بدري وبطلع دخان وحالتها تعبانه وفي نفس الوقت بتعلم علي المكنة اللي متحافظ عليها -- الحته دي هتجنني --
واخيرااا بالتوفيق ان شاء الله في الدراسة ونشوفك بشمهندس اد الدنيا :)

انا متشكر جدا لحضرتك

بالنسبة لموضوع الموتور عمرة الأفتراضى حيبقى كام لو بيتحرق علية او مش بيتحرق دة محدش فى الدنيا ممكن يقدرة

دة حسب عوامل كثيرة جدا جدا

و لكن مما لا شك فية ان اى محرك بيتحرق علية هيحتاج يتعمر قبل محرك مش بيتحرق علية تحت نفس ظروف الصيانة و التشغيل و حاول تقنع صاحبك انة يحاول يهدى نفسة فى السواقة و يحرق وقت الازم مش عمال على بطال :)

و متشكر جدا على الدعوة الجميلة