سحبوا مني سيارتي الزيرو بعد نصف ساعة من استلامها

**A_H_M_A_D** · 20-09-2011 12:20 AM

المشاركة الأصلية كتبت بواسطة أحمد كمال

باختصار حضرتك غلطان و القانون مش في صفك و ده كلام من غير تزويق

انا لو قلت لك روح اشرب حشيش و شربت حشيش عادي مفيهاش حاجة لو هتشرب بس مش هتتاجر و اتمسكت ينفع تقول للقاضي احمد كمال اللي قال لي؟

المعرض قالوا لك معلومة غلط و مشيت عليها و تحملت عواقبها القانونية ...... و الله يعوض عليك و يعينك و احمد ربنا ان العربية ما اتبهدلتش

أنا برضه مؤيد لكلام استاذ أحمد كمال

معلش أنا عارف إن كلامي ده ممكن يضايقك أكتر بس حاول تفهمني

اللي حصل معاك ده المفروض إنه يحصل مع كل واحد ماشي من غير نمر سواء كان عربيه زيرو أو عربية ظابط شرطة ماشي مش همه أي حاجه و مستبيع

يبقى الغلط مش في اللي حصل معاك إنت بالذات

الغلط في إن ده مابيحصلش مع كل الناس و بيحصل بس مع اللي معندوش ضهر يتسند عليه

أما اللي مسنود بشخص عنده نفوذ وسلطة فده بيمشي بالNumber Busy وهو مطمن تماما إن محدش هايقربله في البلد دي

**ahmed_su** · 20-09-2011 01:17 AM

المشاركة الأصلية كتبت بواسطة أحمد كمال

باختصار حضرتك غلطان و القانون مش في صفك و ده كلام من غير تزويق

انا لو قلت لك روح اشرب حشيش و شربت حشيش عادي مفيهاش حاجة لو هتشرب بس مش هتتاجر و اتمسكت ينفع تقول للقاضي احمد كمال اللي قال لي؟

المعرض قالوا لك معلومة غلط و مشيت عليها و تحملت عواقبها القانونية ...... و الله يعوض عليك و يعينك و احمد ربنا ان العربية ما اتبهدلتش

+1111111111

كلام سليم وكلنا مرينا بهذا الظرف ( السير بدون نمر) حتى الترخيص

وكلنا عارفين اننا غلط وحطين فى بالنا اننا هنعرف نتصرف سواء بجواب المرور

او "بالحلاوة" وانت كان ممكن يمشى معاك الموضوع كده لولا انها حملة بقيادة مدير الامن "ساعتها"

علشان كده تم تطبيق القانون بحذفيره ....هو مجرد حظ عثر ولكن لاينفى انك فعلا غلطان

ولكن فعلا التجربة اليمة اتمنى ان تمحى من ذاكرتك .. ويعوض عليك ربنا ان شاء الله

**sab3aawy** · 20-09-2011 01:28 PM

ربنا يعوض عليك فى مالك ووقتك وكرامتك ، لكن سؤال، هو مش اسماعيل الشاعر فى السجن؟

**sab3aawy** · 20-09-2011 01:36 PM

بمراجعة الردود اكتشفت ان الموضوع من يناير الماضى قبل الثورة ولى ان اسأل لماذا يعاد نشره بتاريخ 18 سبتمبر والبدل غير البلد والشرطة غير الشرطة؟ هل هى حملة تحريض ضد الشرطة كما يحدث قبيل كل جمعة؟ طب لو هو تحريض كان على المحرض ان يرفع اسم مساعد وزير الداخلية حتى لا يأتى واحد عامل فيها فكيك زى حالاتى ويلاحظ ان الشخص ذو الاسم المذكور لم يعد يعمل فى الشرطة لأنه قيد السجن والمحاكمة حاليا

بصراحة الواحد بقى فى حالة قرف شديدة جدا سواء من الهرجلة وسوء الادارة فى الشرطة او من عناد و..... و.... و..... الناس اللى بتحض ضد الشرطة بقصص كاذبة او قديمة (ليست هذة المرة الأولى أو الثانية او العاشرة التى تقابلنى فيها نماذج لقصص قديمة من قبل الثورة يعاد نشرها هذة الأيام مع طمس التواريخ للتحريض ضد الشرطة، واجد فى هذا وحده قرينة تقنعنى على ان الموضوع ليس مجرد شعب يبحث عن العدل وانما وراءه ابعاد اكبر من ذلك تستهدف صالح البلد ككل)

**Amrrr** · 20-09-2011 04:22 PM

المشاركة الأصلية كتبت بواسطة MASERATI

السلام عليكم و رحمة الله و بركاته

أولا ربنا يعوض عليك و الحمد لله, أنها جت على أد كده و تذكر أنه فى الأيام دى, فيه ناس للأسف عربياتها بتتسرق بالكامل.

أنا بس اعتراضى على موضوع الكلبشات ده, بأه أنت لو ماشى من غير لوحات عشان شارى عربية زيرو, عملوا معاك كده, لكن الخنازTEEEEEEEEEEEEEEET بتوع الداخلية اللى بيمشوا بالعربية و هما كاتبين بدل النمر Number is busy و لا No number سايبينهم !!!!!!!!!!!!!!!

هنا معاك عشان أنت مهندس و عشان هما عندهم مركبات نقص و احساس عنيف بالدونية و القذارة, مش كفاية أنك مهندس و هما شوية فشلة, لأ و كمان جايب عربية زيرو, و أنت متوقع أنهم يسيبوك تتهنى بيها, ده على جثتهم, يطبقوا معاك القوانين بحذافيره و يلبسوك الكلبشات عمال على بطال, أومال مابيلبسوس الكلب مبارك, هوا و جوز الخيل اللى واقفين جنبه الكلبشات ليه, دول على كده, المفروض يلبسوه الكلبشات فى زماره رقبته, مش دول كانوا الداخلية قبل الثورة و دلوقتى بأوا الداخلية بعد الثورة !!!!!!!!!!!!!!.

عالم كلاTEEEEEEEEEEEEEEEET صحيح.

الحمد لله خلصت و خرجت من عندهم الساعة 1:45 و مندوب المعرض كان عازني ارجع العربية المعرض و نروح نرخصها تاني يوم الصبح فرفضت و قولتله يقابلني في بنها تاني يوم علشان انا هروح بيها بنها دلوقتي

انا لو مكانك مش عارف كنت هاعمل ايه معاه بالبق اللي هو قاله دا
عموما شوف المحامي اللي قال لك على قضية التعويض على المعرض ممكن دا يبقى أحسن حل ، ولو معاك مايثبت الواقعة دي بالتواريخ وورق رسمي ، شهر بالمعرض وافضحهم عشان واضح انك مش هتنسى القصة دي غير لو أخدت حقك

**firstknight_eg** · 20-09-2011 11:25 PM

أحسن حل يا باش مهندس انك تنسي وماتحطش الموضوع في بالك، يا سيدي اعتبره تخليص ذنوب

لو رفعت قضية علي المعرض هتخسرها، وعلي الشركة هتخسرها، ومش هتغرم غير وجع القلب والمصاريف

الغلطة في الاساس غلطتك

**aif** · 21-09-2011 12:19 AM

سؤال بسيط
لو عربية لسة خارجة من المعرض وبدون نمر وخبطت واحد قتلته ...... ح يجيبوها ازاي
وح يعرفوها منيييين
السير بدون لوحات جريمة
لكن الغباء هو من المعارض اللي بيسلمو السيارات للناس من غير نمر
في الدول المحترمة المعرض بيسلم السيارة بعد تركيب النمر عليها .... مفيش مؤقت وتجاري والتخلف ده
النظام كله عاوز يتعمله restart game