سحبوا مني سيارتي الزيرو بعد نصف ساعة من استلامها

**asemx1** · 18-09-2011 09:58 PM

والله يا باشا حلتك صعبه بس وانا حاسس بيك لانها حصلتلى مره
بس لو المرور على كل الناس كدا اى عربيه بدون نمر يتكلبش كدا كانت الدنيا بقت حلوه

**usasoso** · 19-09-2011 02:37 PM

شكرا لكل المشاركات بس انا مازلت محتاج اعمل رد عملي يرجعلي حقي و منتظر اقتراحاتم و مساعدتكم

**askanas** · 19-09-2011 04:25 PM

مقدمكش غير برامج التوك شو فعلا بيحبو الحاجات دي شوف معتز الدمرداش كده ابعت علي اميل الاعداد

**mido90** · 19-09-2011 08:55 PM

هو حضرتك افتكرت الموضوع دة دلوقتى لية؟؟؟ احنا بقا لنا 9 اشهر

**mohammedabdallh** · 19-09-2011 09:22 PM

المشاركة الأصلية كتبت بواسطة newuser2009

الغلط على صاحب المعرض
انتا ممكن تعمله محضر و تطالبه بالتعويض

انا مع هذا الراى ضرر مادى ومعنوى وارفع عليهم قضيه
والف مبروك دى العين اكيد بتاعه العربية

**WalidAdel** · 19-09-2011 10:09 PM

ايييييييييه كل دا ياجدعان ماحنا بنشوف عربيات كتير من غير نمره ماشيه علي الطريق و طرق سفر و بتعدي من الكماين عادي و قدام عيني وانا شخصيا بعربيتي الصني بردوا ماشي بيها اسبووووووع بحاله من غير نمر الكلام ده م 3 سنين
وانا راجع اخر مره من اسكندريه كان فيه عربيات رايحه القاهره بس للامانه كانت حاطه نمر تجاريه
هو عموما ياباشا حظ حضرتك البحت انك اتمسكت و تقريبا كانوا رخمين او بقوا رخمين علشان العين عليهم الايام دي و في كل مصيبه تحصل يقولوا الشرطه الشرطه الشرطه
قدر الله و ماشاء فعل ياباشا

**أحمد كمال** · 19-09-2011 11:43 PM

باختصار حضرتك غلطان و القانون مش في صفك و ده كلام من غير تزويق

انا لو قلت لك روح اشرب حشيش و شربت حشيش عادي مفيهاش حاجة لو هتشرب بس مش هتتاجر و اتمسكت ينفع تقول للقاضي احمد كمال اللي قال لي؟

المعرض قالوا لك معلومة غلط و مشيت عليها و تحملت عواقبها القانونية ...... و الله يعوض عليك و يعينك و احمد ربنا ان العربية ما اتبهدلتش

**FBIAhmed** · 19-09-2011 11:47 PM

المفروض فعلا تطلع بنمر تجاريه و الي حصل ده عشان فيه حمله اليومين دول لزبط العربيات المسروقه و التقليل من سرقه العربيات الي انتشرت اوي و ارجع و اقول المفروض تروح للمعرض و يعوضك ماديا او معنويا (باركينج سينسور-دواسات- مرايات ضم - اشارات مريات) كده يعني والمندوب بتاعهم شاهد طبعا