الموضوع: ملاحظاتى وتقريرى على الصنى بعد استلامها مع شرح وافى للسيارة.

السلام عليكم .... لقد استلمت يوم 22-10-2007 سيارة نيسان صنى مانيوال سوداء بها كل الكماليات وهى كالاتى :-
-- كاسيت كلاريون ديجيتال شرايط بريمت كنترول مش سى دى. + 4 سماعات لابد من برمجة الكاسيت لكى يعملوا. ويبرمج للبيس والتريبل والسمعات جنب وجنب وهكذا.+ راديو ديجيتال واريال سقف.
-- عدادات شكلها الافضل من السيارات اليابانى الاخرى .
-- طبعا استبن ومفتاح عجل وشنطة عدة .
-- طاسات .
-- المفاجاءة ان ريموت العربية مش مفتاح انما ميدالية مستقلة ومفتاحين احدهما احمر والاخر اسمر.
-- حزام الامان يعلى ويوطى + له لمبة فى التابلوه تفضل منوره لو مش مركبه.
-- دريكسيون يعلى ويوطى. حسب الاحتياج.
-- كراسى متحركة الى الامام والخلف و بها بكرة تعلى وتوطى الكرسى حسب الاحتياج وبها مساند رأس . وكنبة خلفية بدون مسند فى منتصف الكنبة.
-- اللون الاسود لون سقفه بيج والقوايم بيج والفرش رصاصى والتابلوه اسود فى رصاصى وانا ركبت فرش بيج للكراسى جلد ودواسات بيج وكان المنظر العام جميل لا بأس به.
-- الباب لو مفتوح تسمع صوت صفارة للتنبيه ان الباب مش مقفل.
--الفتيس المنيول له كسوة جلد شيك وعصا الفتيس قصيرة وشيك.
-- بين الكرسيين الاماميين مخدع فى النصف ممكن يتفتح لوضع الشرايط الكاسيت.
-- بها العديد من الادراج درج المنتصف ودرج الكرسى اليمين ودرج صغير للرخص بجانب الدريكسيون.
-- بها مساحات كبيرة للمطر تغطى الزجاج بالكامل وبها العديد من السرعات مع بخاخاتين للماء قويتين.
-- الكشافات الامامية بها نور واطى وعالى و نور قوى جدا بيفرش الطريق كله وعلى مدى بعيد.
-- شنطة العربية واسعة جدا ممكن اتنين يناموا فيها. بها اضاءة عند الفتح.تفتح بالريموت .ومن الداخل لها زرار احتياطى
-- استلمت العربية بعد حجز دام شهر ويومين تقريبا وماشى بلوحات تجارية ب50 جنيه فى اليوم لغاية ما الورق ياتى من المصنع بعد اسبوعيين تقريبا.< هل ده كلام سليم ام لا لانى من الاسكندرية وبيقولوا عقبال الورق ما بيجى بياخد الوقت ده 10 ايام الى 15 يوم > .
-- بها تكيف عالى الجودة رهيب لا بأس به . ب 4 سرعات مع امكان طفى الفريون وتشغلها مروحة فقط مع امكان قفل الهواء القادم من الخارج والذى يستحسن فتحه مع المدخنين لتغير هواء العربية واخراج الدخان فى حالة غلق الزجاج.
-- العزل رهيب مجرد ما تقفل زجاج العربية كل شىء انتهى عن العالم الخارجى لا تسمع اى شىء سوا من معك او الكاسيت. + العزل الحرارى بين الموتور والصالون فوق الممتاز. لا تشعر بحرارة الموتور اطلاقا.
-- جنوط 15 والكاويتش بريدج ستون يابانى مع طاسات شيك ولازم تركب لها حزام علشان متروحش منك فى مطب ولا حاجة.
-- الاضاءة للتايلوه ليلا خطيرة جدا التبلوه به عدادات بيضاء شيك جدا وليلا مع الاضاءة تسير العدادات سوداء او تبدو كذلك نور التابلوه برتقالى مع نور الكاسيت الرتقالى عامل شغل.
-- بها ريموت ميدالية مش مفتاح به 4 زراير واحد لفتح الشنطة وواحد لفتح الباب والاخر لغلقه وهناك زرار احمر لتشغيل الانذار الى هو نازل معاها - انذار فضيحة مع الكلاكس الى صوته عالى جدا - ممكن تشغله لو راكن فى مكان ونسيت انت راكن فين هتسمع صوت الفرح الى عملاه العربية مع الاضاءة -الاربعة فلاش بينوروا مع الكلاكس-
-- بها اير باج للسائق فقط ينتفخ فى وجهك مع الفرامل القوية طبعا انا مجربتهوش. لانى بلين الموتور وما بعديش ال 100 وانا كده كده مبعديش ال 100 يعنى هفضل الين طول عمرى.
-- عربية مغرية جدا للجرى التجميع هايل بل رهيب مجرد ما تضغط بنزين مجرد ما تنطلق باقصى سرعة فى ثوانى.
-- سألت فى التوكيل على طقم الابنوس مثل الى راكب فى السوبر صالون موجود ب 450 جنيه.
-- سألت على وحدات الرفع لل 4 ابواب مجودة ب 450 جنيه ايضا مع امكان غلق الزجاج اوتوماتيك مع غلق الباب بالريموت .
-- زجاج العربية ملون على لون زيتى فاتح. والزجاج الخلفى به شخان لتسقيط البخار الماء.
-- الموتور متفكرش تغتحه الا لو عايز تتفرج عليه او تكمل ماء المساحات وكمان بيبقى سخن جدا.
بها درج امام الفتيس تضغط عليه يطلع بها فتحتين لاتنين كانز او زجاجات ماء صغيرة.
-- يوجد تحت التكيف فترحة اخرى تصلح لوضع دى فى دى او جهاز كاسيت اخر يعمل باسطوانات سى دى.
-- بها ولاعة سجاير + درج طفاية بها نور ابيض عند فتح الدرج.
-- بها بطارية كلورايد جافة وليس بالماء.
-- مع استلام السيارة بتاخد ضمان البطارية مع كتالوج للسيارة مع كتالوج للكاسيت مع الماتيح 2 مفتاح مع ميدالية ريموت .
-- يوجد لمبة فى وسط السقف.
-- يوجد شماساتان الشماسة اليمنى بها مراية مغطاة بباب .
-- اربعة ابواب بفرش شيك بها ازرار كهرباء لرفع الزجاج اما باب السائق به زراير لفتح الاربعة ابواب وغلقهم مع زرار خامس لمنع فتح زجاج الثلاثة ابواب الاخرى مع زرار سادس يغلق ترابيس الابواب الثلاثة الاخرى عدا باب الساشق . زجاج باب الساشق اوتو يفتح كاملا بتكة واحدة ويغلق كذلك اما الابواب الاخرى ليست اوتو تفتح كهربائيا تحت وفوق فقط وليست بضغطة واحدة.

الاكصدام بلاستيك ضعيف نوع ما.بس ده موجود فى كل العربيات الجديدة للأسف ربما للمرونة.

-- بها فانوس استوب داخلى موجود بين السماعتان على الزجاج الخلفى.
-- فرش الكراس الامامية به جيوب خلفية.
-- طارة الدركسيون جميلة تملى اليد مع كلاكس عالى

ايه تانى ............ ايه تانى ........ اه شبكة العربية نيكل مع مقابض الابواب مع الحرف الى فوق مصابيح لوحات المرور مع حرف نيكل عل الاكصدمات.


اتمنى ان اكون افدتكم ببعض المعلومات

اخوكم محمد او حمو من الاسكندرية
hamonosha@yahoo.com

;) ;) ;) ;) ;) ;) ;) ;) ;) ;) ;) ;) ;) ;) ;) ;) ;) ;)