معلش ربنا يعوض عليك
رقم العضوية : 52685
تاريخ التسجيل : 10Nov2009
المشاركات : 9
النوع : ذكر
الاقامة : benha
السيارة: none
السيارة[2]: nissan sunny
دراجة بخارية: لا يوجد
الحالة :
انا مهندس معماري من بنها -قررت اشتري سيارة زيرو و استقريت علي النيسان صني 2011 و دفعت مقدم 20 الف جنيه مقدم و قسطت الباقي علي خمس سنوات مع البنك الاهلي و اشتريت السيارة من معرض نيسان اوتو ايجيبت في المهندسين
دفعت المقدم يوم 10/يناير2011 و استلمت السيارة يوم 11 الساعه 8 صباحا و كان معايا مندوب المعرض علشان هنروح نرخص العربية في بنها
لما ادوني ورق العربيه سالت الناس في المعرض انا هروح ارخص العربية في بنها في مشكلة اني امشي من غير نمر . قاللولي مفيش مشكله خالص معاك ورق العربية و محضر الاستلام و مندوب المعرض و لو فيه اي مشكله او حد وقفك او كلمك وريله الورق هيسيبك علي طول و مفيش مانع تحليله بقه و صدقتهم و اخدت العربية و مشيت ...
خرجت بالعربية من المهندسين و طلعت كوبير اكتوبر و معرفتش انزل كورنيش فنزلت نزلت شارع رمسيس فعلقني السيد مساعد وزير الادخلية مدير امن القاهرة اللواء اسماعيل الشاعر و امر الرجاله بتوعه يجيبو الواد ابو عربية من غير نمر ده ...
طبعا تحاول تكلم مين او تفهم مين انا طبعا احتسبت و توكلت علي الله و قولت مطرح مترسي هدقلها بس اللي حصل انهم عملولي محضر سير بدون لوحات و اخدو العربية مني و حطوها في وحدة مرور معروف و اخدوني علي قسم الازبكية و لما الظابط عرف ظروفي امر الامين انه يخلص المحضر و يوديني نيابه صباحية بدل ما ادخل الحجز . و تم ترحيلي علي نيابه العتبة مقيدا بالكلبشات و لم تفك من يدي الا امام وكيل النيابه الذي امر بغرامه 600جنيه و هي الحد الادني و قالي لازم مكنتش تخرج من المعرض الا مرخص العربية او مركب نمر تجاريه او مؤقته ولما قلتله اني سالت وقولتله اللي قاللولي عليه قالي الكلام ده غلط و عدم علمي بالقانون لا يعفيني من العقوبة . وامر بالافراج عني بعد دفع الغرامه بس رجعو لبسوني الكلبشات مرة تانيه لحد ما ادفع الغرامة و يصدر قرار الافراج عني رسميا و ده حصل بعد حوالي 3 ساعات و طلع ان قرار النيابه لازم يتنفز من القسم فرجعت لقسم الازبيكية و كانو هيلففوني كعب داير برضه لولا الظابط افتكرني و قالهم كفايه كده افرجو عنه و ادوله جواب للعربيه علشان يفرجو عنها في مرور معروف.
كان الساعة بقت حوالي 2:30 تقريبا و جريت علي مرور معروف بسرعه بس دخول الحمام مش زي خروجه . قالولي لابد من اتباع اجرائات الافراج اولا نعمل فحص للسيارة و نبعته يعتمد من نيابه العتبة ثم نرسله لمرور الدراسه و عملت كده و لما وصلت مرو ر الدراسه كانت الساعة بقت 3:45 و الباشوات هناك كانو مشيو و قالولي فوت علينا بكرة و انا طبعا لسا ماسك اعصابي مش عارف ازاي و رجعت مرور معروف اطمن علي العربية و امن حراستها و اظبط الناس هناك لان الناس خوفتني ان العربية لو باتت هناك ممكن تتقلب بس مدير وحدة الحجز كان ظابط محترم و طمني و قالي متخفشي خلص اجرائاتك و تعالي استلمها .
تاني يوم روحت مرور الدراسه من الصبح معايا الفحص و ورق العربية و المستندات كلها اول حاجه طلعو عنيا علي ما قدرو ضريبة العربية و فهموني انها هتضيع عليا لانها مش في المرور اللي هرخص فيه و دي حوالي 340 جنيه و بعد التخفيض لما عرفو ظروفي و صلوها 200 جنيه بس لاني هدفع ضريبه في مرور بنها تاني لما اجي ارخص العربيه . و بعد ما دفعت بعتو الورق كله للمباحث يتاكدو لتكون العربية مسروقه او ان يكون عليا انا شخصيا احكام و خلافه و بعد كده ادوني شهاده افراج اسلمها للناس في مرور معروف و ده كان حوالي الساعه 12:30 وصلت مرور معروف و قابلني مندوب المعرض و معاه نمر تجاريه لانهم قالولنا هناك العربية مش ممكن تخرج من هنا من غير نمر و شهاده افراج . الحمد لله خلصت و خرجت من عندهم الساعة 1:45 و مندوب المعرض كان عازني ارجع العربية المعرض و نروح نرخصها تاني يوم الصبح فرفضت و قولتله يقابلني في بنها تاني يوم علشان انا هروح بيها بنها دلوقتي .
اليوم التالت بدء الحمد لله كويس و رخصت العربية و خلصت الساعه حوالي 12:30 بعد ماطلع عيني و فعلا دفعت الضريبة تاني في بنها .و مندوب المعرض اخدد ورق البنك و صورة الرخصة و النمر التجارية بعد ما ركبت النمر الجديدة .
لما فقت و ارتحت و كلمت المعرض و حاولت افهمهم ان دي غلطتهم حلقولي و قالولي معلشي اصل حظك انت اللي وحش و دي قرف لمؤخذه و كلام فارغ من ده و احنا بقالنا ستمئاة قرن بنبيع عربيات عمر ده محصل مع حد من زبائنهم و علشان متزعلتش و تبقي مبسوط ادوني غطي عربيه و دوسات وسينسور باك عرفت بعدين انهم بيدوهم هديه للعربيات اللي بتتباع كاش ....
كلمت جمعية حماية المستهلك ...ايدك منهم و الارض ملهومشي ايتها لازمة معملوش حاجه مرة رجعو الشكوي لعدم الاختصاص و مرة لاني انا اللي غلطان و المفروض معملشي كده تاني...
كلمت نيسان الشركة و المصنع اعتذرولي اعتذار رقيق و قالولي ان ده متعارف عليه و كلام مفهمتوش تقريبا لاني مكنتش مهيا اسمع غير انهم غلطانين ...
الخلاصه :
1- السير بون لوحات جريمة يعاقب عليها القانون حتي في هذه الحاله ولابد من تركيب لوحات تجارية او مؤقته و لايوجد استثنائات و عرفت ان فيه معارض كتيرة مبتخرجشي العربيات من غير لوحات لحد ماتترخص او يرخصولك هما العربية نظير رسوم و بالمرة لابد من نزع الاستيكر الابيض من علي العربية قبل الخروج من المعرض لان السير بها تغيير ملامح السيارة و ده طبعا في حاله الحوادث و خلافه
2 لابد من تشريع يحمي المستهلك او يعرفه بالقانون قبل استلامه السيارة لان مش كل الناس بتشتري سيارة زيرو كل يوم ..
3-من يعوضني عن كمية المصاريف و الوقت حوالي 2500ج و ثلاثة ايام عمل
4و من يعوضني عن الاضرار المعنوية فقد لبست الكلبشات لاول مرة في حياتي لاني اشتريت سيارةجديدة زيرو
5- لو كان ده عرف تسليم السيارات من المسئول عن التعسف معي في استخدام القانون بدون استعمال روح القانون
6- مازلت عند رايي ان المعرض لو اعلمني بانه علي استاجار لوحات او طالبوني بمبلغ نظير استخدام لوحاتهم لفعلت او كنت اخذت السيارة علي مسئوليتي لكن هم لم يفعلو بل ضللوني سواء عن جهل او عن علم و تلك مسئولياتهم تجاة العميل التي انكروووووها تماما و انا غير متقبل اعتذارهم او انكارهم للجريمة في حقي كعميل ...
....اسف للاطاله بس لو مكنتش حكيت كنت هطق ...برجاء الافادة و التعليق و اتخاذ مايلزم
م اسامة عبدالفتاح حسن عفيفي 0123311963 بنها قليوبيه
رقم العضوية : 2846
تاريخ التسجيل : 28Oct2007
المشاركات : 2,776
النوع : ذكر
الاقامة : Cairo
السيارة: Lancer 1600 cc F/O A
السيارة[2]: Fiat tempra 94 1600cc
دراجة بخارية: لا يوجد
الحالة :
معلش ربنا يعوض عليك
رقم العضوية : 52685
تاريخ التسجيل : 10Nov2009
المشاركات : 9
النوع : ذكر
الاقامة : benha
السيارة: none
السيارة[2]: nissan sunny
دراجة بخارية: لا يوجد
الحالة :
معلشي دي بتحسسني بالعجز .....لازم يكون فيه حل انا مش عايز حد تاني يتعمل معاه كده و عاوز تعويض ادبي و معنوي و مادي كمان...
رقم العضوية : 2452
تاريخ التسجيل : 04Oct2007
المشاركات : 8,022
النوع : ذكر
الاقامة : ج ع ع .... للآسف الشديد
السيارة: Proton Gen2 ...2007
السيارة[2]: Proton Gen2 ...2007
دراجة بخارية: لا يوجد
الحالة :
أولا مبروك عليك العربية و ربنا يكرمك فيها و يباركلك فيها و ينشر فيها البركة و يستر طريقك .
بس معلش
حماية المستهلك مالهم ؟؟؟
و شركة نيسان مالها ؟؟
العيب على المعرض 100 %
بس في الآخر انت لو حد أعطاك شنطة و قالك ما تشوفش أيه اللي فيها ووقفت في لجنة و طلع فيها حشيش
مين اللي هايلبس .... صاحب الشنطة و لا اللي أتمسك بها ؟
يبقى في النهاية دي غلطة حضرتك
بس فيه حاجات كتيرة في القانون ما نعرفش تفاصيلها و لكن السير بسيارة بدون لوحات ضد القانون علشان لو عملت حادث بالسيارة هايجبوك ازاي ؟
و طبعا لأن في بلدنا الدنيا ماشية بالبلدي و البركة يبقى خلاص .... أستعوض ربنا في الفلوس اللي صرفتها و أكنك أتعلمت بهم درس في القانون .
على فكرة أنا عملت زيك بالظبط
بس ربنا ستر و ما أتمسكتش بالعربية خالص .....
على فكرة أنا شايف أن المفروض يكون فيه قانون يجبر أصحاب المعارض على ترخيص السيارة قبل خروجها من المعرض .
[img2]http://i59.tinypic.com/2vxpukz.jpg[/img2]
رقم العضوية : 45383
تاريخ التسجيل : 24Aug2009
المشاركات : 358
النوع : ذكر
الاقامة : القاهره
السيارة: كيا سيراتو 2010
السيارة[2]: suzuki -swift 94-لانسر99
دراجة بخارية: سوزوكي
الحالة :
الغلط على صاحب المعرض
انتا ممكن تعمله محضر و تطالبه بالتعويض
[shr71=http://dostor.org/sites/default/files/10/Feb/05/gallery/ent.jpg]مـــــــصـــــــــر[/shr71]
رقم العضوية : 68210
تاريخ التسجيل : 17Apr2010
المشاركات : 2,398
النوع : ذكر
الاقامة : Saskatchewan - Canada
السيارة: NISSAN MAXIMA SE
السيارة[2]: PEUGEOT 505
دراجة بخارية: مابعرفش أسوقها للأسف !!!!
الحالة :
السلام عليكم و رحمة الله و بركاته
أولا ربنا يعوض عليك و الحمد لله, أنها جت على أد كده و تذكر أنه فى الأيام دى, فيه ناس للأسف عربياتها بتتسرق بالكامل.
أنا بس اعتراضى على موضوع الكلبشات ده, بأه أنت لو ماشى من غير لوحات عشان شارى عربية زيرو, عملوا معاك كده, لكن الخنازTEEEEEEEEEEEEEEET بتوع الداخلية اللى بيمشوا بالعربية و هما كاتبين بدل النمر Number is busy و لا No number سايبينهم !!!!!!!!!!!!!!!
هنا معاك عشان أنت مهندس و عشان هما عندهم مركبات نقص و احساس عنيف بالدونية و القذارة, مش كفاية أنك مهندس و هما شوية فشلة, لأ و كمان جايب عربية زيرو, و أنت متوقع أنهم يسيبوك تتهنى بيها, ده على جثتهم, يطبقوا معاك القوانين بحذافيره و يلبسوك الكلبشات عمال على بطال, أومال مابيلبسوس الكلب مبارك, هوا و جوز الخيل اللى واقفين جنبه الكلبشات ليه, دول على كده, المفروض يلبسوه الكلبشات فى زماره رقبته, مش دول كانوا الداخلية قبل الثورة و دلوقتى بأوا الداخلية بعد الثورة !!!!!!!!!!!!!!.
عالم كلاTEEEEEEEEEEEEEEEET صحيح.
Maserati Quattroporteبسم الله الرحمن الرحيملقد كفر الذين قالوا إن الله هو المسيح ابن مريم وقال المسيح يا بني إسرائيل اعبدوا الله ربي وربكم إنه من يشرك بالله فقد حرم الله عليه الجنة ومأواه النار وما للظالمين من أنصار(72)لقد كفر الذين قالوا إن الله ثالث ثلاثة وما من إله إلا إله واحد وإن لم ينتهوا عما يقولون ليمسن الذين كفروا منهم عذاب أليم(73)صدق الله العظيم
رقم العضوية : 109414
تاريخ التسجيل : 04Aug2011
المشاركات : 241
النوع : ذكر
الاقامة : cairo
السيارة: dream
السيارة[2]: lanos
الحالة :
على فكرة انت من اكتر الناس حظ فى الدنيا عربيه زيرو وكلبشات يا بختك على الاساور والعربيه يا محظوظ
الناس كلها بتمشى من غير نمر ومحدش بيمسكها يا محظوظ يا بختك عموما ربنا انتقم ليك من الظلمه والكلبشات اتحطت فى اديهم يا محظوظ
رقم العضوية : 83055
تاريخ التسجيل : 07Dec2010
المشاركات : 67
النوع : انثى
الاقامة : mansoura
السيارة: lanos
السيارة[2]: lanos
الحالة :
انا فعلا لما جبت عربيتى سالتهم فى المعرض على نمر مؤقته قالولى مفيش وامشى بيها وكده ومعاكى ورق العربيه
وكنت مرعوبه اقف فى كمين كنت بستخبى ورا العربيات
بس الحمد الله محدش وقفنى وعدت
ربنا يباركلك فى العربيه
نفس الموضوع امبارح برضه عربيه افيو خارجه من المعرض وجت فى الكمين وقفوها ومعرفش عملوا معاه ايه بقى
قلت فى بالى يعنى بدل ما تتشطروا على دول اتشطروا على البلطجيه اللى بياخدوا عربيات من بلد لبلد ومحدش بيكلمهم
معلش هى مصر دلوقتى بايظه ربنا يستر وتتعدل بقى كفايه اوى كده
رقم العضوية : 842
تاريخ التسجيل : 01Jun2007
المشاركات : 5,773
النوع : ذكر
الاقامة : Cairo , Egypt
السيارة: Fiat Palio 1.2 FIRE - 2006
السيارة[2]: Hyundai Elantra GL 2012
دراجة بخارية: مكواة بخار
الحالة :
حضرتك متاكد ان اسماعيل الشاعر هو الي قبض عليك ؟
أمرت النيابة العامة بالقاهرة والإسكندرية الجمعة حبس أربعة من قيادات وزارة الداخلية السابقين وثلاثة ضباط شرطة أربعة أيام على ذمة التحقيق لاتهامهم بقتل المتظاهرين والتسبب في إصابة العديد منهم بإطلاق الرصاص الحي عليهم.
في القاهرة، أمرت النيابة العامة بحبس أربعة من قيادات وزارة الداخلية السابقين من المتهمين بارتكاب جرائم قتل المتظاهرين والتعدي عليهم خلال تظاهرهم السلمي يوم 28 يناير الماضي وذلك على ذمة التحقيقات التي تجرى معهم ومع آخرين في تلك الوقائع.
والمتهمون الأربعة هم كل من اللواء إسماعيل الشاعر مساعد أول وزير الداخلية ومدير أمن القاهرة السابق واللواء عدلي فايد مساعد أول وزير الداخلية ومدير مصلحة الأمن العام السابق واللواء أحمد رمزي مساعد أول مدير أمن القاهرة السابق ومدير أمن القوات المركزي السابق واللواء حسن عبد الرحمن مساعد أول وزير الداخلية السابق ومدير جهاز مباحث أمن الدولة السابق.
رقم العضوية : 93022
تاريخ التسجيل : 31Mar2011
المشاركات : 2,657
النوع : ذكر
الاقامة : FAISAL- Eltalbia
السيارة: Daewoo Nubira2 05 A/T
السيارة[2]: Daewoo Lanos 99 A/T
الحالة :
يا ريت لو تعرف حد فى التليفزيون او القنوات الفضائية
او تحاول تطلع فى برنامج من بتو ع التوك شو وتقول للناس على اللى حصل
علشان اللى مشيين ورا مبارك وكلابة يعرفوا برضوا هم كانوا بيعملوا اية
[img2]http://nileup.com/up/uploads/nilemotors_14050294221.jpg[/img2]
المفضلات