تيداوي قريب جدا ان شاء الله

**ahmadmabigko** · 20-09-2011 06:16 AM

السلام عليكم

انا ان شاء الله نويت على نيسان تيدا بعد حيرة كبيرة و لف كتير و سماع كلام كتير و فتاوي اكتر :d
اولا انا احب اقول العربية عجبتني ليه

اولا طبعا شركة نيسان دي اول حاجة و الي ناس كتيرة متعرفهاش كويس بسبب متطلبات السوق و تحكم التجار فيه

تاني حاجة كنا بندور على عربية تعيش و تدي كل حاجة عندها مهما حصل فيها و الميزة دي في الياباني و الالماني (بس الالماني حراق حبة ^^ )

لانسر؟ مش بستريحلها نفسيا , مازدا؟, ناس كتير قالولي لا بسبب قطع الغيار و و و , صني ؟ مش قادر اتقبل شكلها مع احترامي ليها كعربية و احترامي لملاكها بس دي اذواق

و انا بقلب في النت قابلت نايل موتورز و شفت المواضيع الي عن التيدا و اعجبت بيها بس مش عارف ليه شكلها معجبنيش * يمكن عشان مشفتهاش عالطبيعة* بس قريت كل المواضيع عنها و حبيتها جدا بس محطتهاش في دماغي و انا بلف عالعربيات

المهم رحت المصرية للسيارات بتفرج فا ورانا لانسر و اوبترا و افيو و كروز بس لا سيبك انتا دا كلو فاكسو فا قلنلو احنا عايزين عربية هاتشباك مواصفاتها كزا و كزا و كزا , قالنا طيب انا عندي نيسان تيدا جوا , احنا مشفنهاش من الاول عشان كانت جوة كدا في حتة مستخبية , المهم رحت شفت العربية و عجبتنا مع ان الاريال كن مكسور و متربة اوي , شكلها كانت مركونة عندو من فترة فا انا قلت خلاص اخش ع نايل موتورز تاني و اشوف كلام الناس ايه , و بردو استفدت كتير و استفدت من الجروب عالفيس بوك كتير الحمد لله , اعضاء قسم نيسان بجد ناس ما شاء الله على خلق و بيمدو ايد العون لاي حد جزاكم الله كل خير ^_^

و لما شفت العربية عالطبيعة لقيت ان شكلها مش زي ما كنت متخيل هيا لذيذة اوي الصراحة ^^

اهم حاجة كنت بدور عليها الامان و لقيتو في التيدا الحمد لله , خامات و تقفيل نضاف جدا ما شاء الله و ماتور قوي , واسعة من جوة بزيادة ودي حاجة حلوة و فيها اوبشنز كويسة و فتحة سقف و دي كانت حاجة مهمة جدا ملقتهاش في العربيات الي في فئتها

و ان شاء الله اول ما اجيب العربية باذن الله اعملكو تقرير متواضع و دا اقل حاجة اقدمها للمنتدى اللي انا استفدت منو كتيير جدا

بس كنت عايز التيداوية ينصحوني بقا اتعامل مع العربية ازاي مع العلم اني سواقتي مش طايشة هادي عالطريق و التيدا هتبقا اول عربية ليا فا لازم اخلي بالي منها و احطها ف عنيا طبعا ^^

بجد تحياتي لمنتدى نايل موتورز اللي مجاش اسمو من فراغ بل تالق بفضل الله ثم بتعاون و اخلاص و مجهود اعضائه الكرام

**ramykimo** · 20-09-2011 06:34 AM

انا لسه فى حيرتك .. محتار بينه و بين الانسر بومة بس بفكر فى التيد سيدان

**raedegypt** · 20-09-2011 08:09 AM

المشاركة الأصلية كتبت بواسطة ahmadmabigko

السلام عليكم

انا ان شاء الله نويت على نيسان تيدا بعد حيرة كبيرة و لف كتير و سماع كلام كتير و فتاوي اكتر :d
اولا انا احب اقول العربية عجبتني ليه

اولا طبعا شركة نيسان دي اول حاجة و الي ناس كتيرة متعرفهاش كويس بسبب متطلبات السوق و تحكم التجار فيه

تاني حاجة كنا بندور على عربية تعيش و تدي كل حاجة عندها مهما حصل فيها و الميزة دي في الياباني و الالماني (بس الالماني حراق حبة ^^ )

لانسر؟ مش بستريحلها نفسيا , مازدا؟, ناس كتير قالولي لا بسبب قطع الغيار و و و , صني ؟ مش قادر اتقبل شكلها مع احترامي ليها كعربية و احترامي لملاكها بس دي اذواق

و انا بقلب في النت قابلت نايل موتورز و شفت المواضيع الي عن التيدا و اعجبت بيها بس مش عارف ليه شكلها معجبنيش * يمكن عشان مشفتهاش عالطبيعة* بس قريت كل المواضيع عنها و حبيتها جدا بس محطتهاش في دماغي و انا بلف عالعربيات

المهم رحت المصرية للسيارات بتفرج فا ورانا لانسر و اوبترا و افيو و كروز بس لا سيبك انتا دا كلو فاكسو فا قلنلو احنا عايزين عربية هاتشباك مواصفاتها كزا و كزا و كزا , قالنا طيب انا عندي نيسان تيدا جوا , احنا مشفنهاش من الاول عشان كانت جوة كدا في حتة مستخبية , المهم رحت شفت العربية و عجبتنا مع ان الاريال كن مكسور و متربة اوي , شكلها كانت مركونة عندو من فترة فا انا قلت خلاص اخش ع نايل موتورز تاني و اشوف كلام الناس ايه , و بردو استفدت كتير و استفدت من الجروب عالفيس بوك كتير الحمد لله , اعضاء قسم نيسان بجد ناس ما شاء الله على خلق و بيمدو ايد العون لاي حد جزاكم الله كل خير ^_^

و لما شفت العربية عالطبيعة لقيت ان شكلها مش زي ما كنت متخيل هيا لذيذة اوي الصراحة ^^

اهم حاجة كنت بدور عليها الامان و لقيتو في التيدا الحمد لله , خامات و تقفيل نضاف جدا ما شاء الله و ماتور قوي , واسعة من جوة بزيادة ودي حاجة حلوة و فيها اوبشنز كويسة و فتحة سقف و دي كانت حاجة مهمة جدا ملقتهاش في العربيات الي في فئتها

و ان شاء الله اول ما اجيب العربية باذن الله اعملكو تقرير متواضع و دا اقل حاجة اقدمها للمنتدى اللي انا استفدت منو كتيير جدا

بس كنت عايز التيداوية ينصحوني بقا اتعامل مع العربية ازاي مع العلم اني سواقتي مش طايشة هادي عالطريق و التيدا هتبقا اول عربية ليا فا لازم اخلي بالي منها و احطها ف عنيا طبعا ^^

بجد تحياتي لمنتدى نايل موتورز اللي مجاش اسمو من فراغ بل تالق بفضل الله ثم بتعاون و اخلاص و مجهود اعضائه الكرام

لو على اليابانى اكيد الماذدا 3 افضل من مليون تيدا. عربيه يابانيه اخر شياكه جوة وبرة شبابيه عكس التيدا. يا اخونا لما حد يعطى راى روح وشوف بنفسك فى صاله عندك تكون جامعه العربيات دة كلها علشان تعرف الفرق

**Ahmed_selmy** · 20-09-2011 12:28 PM

انا كنت فى نفس الحيره برده
بس كنت بدور فى موديلات تابيه كتير وفى اسعار مختلفه
ومن ساعة ما دخلت على المنتدى هنا وقريت عن التيدا كان اختيارى ذى اخيارك بالضبط
وخلاص ما بقتش اقرا تانى لانى اقتنعت ومستنى اكمل بقيت المبلغ وان شاء الله انزل اشتريها
وربنا يوفقنى ويوفقك لما فيه خير

**Donzi** · 20-09-2011 12:33 PM

المشاركة الأصلية كتبت بواسطة raedegypt

لو على اليابانى اكيد الماذدا 3 افضل من مليون تيدا. عربيه يابانيه اخر شياكه جوة وبرة شبابيه عكس التيدا. يا اخونا لما حد يعطى راى روح وشوف بنفسك فى صاله عندك تكون جامعه العربيات دة كلها علشان تعرف الفرق

معاك ان المازدا 3 عربية اخر شياكة و ياباني و كل حاجة بس بصراحة متنفعش في مصر

العربية مع اخويا بقالها سنتين و مفيش مطب فيكي يا مصر الا اما بتحك فيه

انا رائيي التيدا افضل و العربية التيدا اصلا حلوة و محترمة جدا جدا و ياباني برضو

**SonaSteel** · 20-09-2011 01:24 PM

المشاركة الأصلية كتبت بواسطة raedegypt

لو على اليابانى اكيد الماذدا 3 افضل من مليون تيدا. عربيه يابانيه اخر شياكه جوة وبرة شبابيه عكس التيدا. يا اخونا لما حد يعطى راى روح وشوف بنفسك فى صاله عندك تكون جامعه العربيات دة كلها علشان تعرف الفرق

تصدق يا رائد والله زعلت
ان كنت بحسبك داخل تقنعه بالالنترا ....... الاقيك بترشحلوه المازدا !!!!
ااااااااه هي علشان تبع غبور يعني ؟؟؟
تصدق ظلمتك :))

**EhabVet** · 20-09-2011 03:47 PM

إيه يا شباب .. مش ده أسلوبنا ولا دي طريقتنا في الرد
حتى لو كان ده أسلوب غيرنا
مش بالساهل إن إحنا نتنرفز كده

وبالنسبة للتيدا والمازدا 3
فأحب أقول وجهة نظري مع العلم إني مش خبير في موضوع المقارنات ده .. لكن لأني من ملاك التيدا بدون تعصب .. والمازدا كنت هشتريها قبل التيدا وقعدت فيها وكنت خلاص هخلص
الصراحة لو بتقارن بين الاتنين يبقى أنت وقعت في عربيتين محترمين جدا .. وسواء اشتريت دي ولا دي يبقى أنت الكسبان
بالنسبة للشكل الخارجي فرأيي الشخصي إن المازدا أحلى بكتير سواء من قدام أو من ورا .. أنا عن نفسي لما بشوف واحدة في الشارع مابشيلش عيني من عليها لحد ماتختفي
وبالنسبة للثبات بيتهيألي المازدا هتكون أثبت شوية عشان ارتفاع التيدا عن الأرض .. اللي هو في وجهة نظري من أفضل مميزات التيدا في الطرق المصرية وخصوصا إن صاحب الموضوع بيقول إنه هادي عالطريق وسواقته مش طايشة
مع إني مشيت بالتيدا على 160 وماكانش في إي مشكلة
أما بالنسبة لداخل العربية فالتيدا تتفوق بوسعها الكبير .. أنا لما بقعد ورا بحط رجل على رجل وبيبقى في مسافة كبيرة بيني وبين الكرسي الأمامي مع إن طولي 183 والكرسي الأمامي بيكون راجع لورا كمان
بالنسبة للموتور والتكييف فأنا مقدرش أحكم عالمازدا لأني ممشيت بيها .. لكن بالنسبة للتيدا التكييف نادرا جدا لما بزود عن أول درجة حتى في عز الحر .. أما الموتور فسحبها حدث ولا حرج .. عمرها ما كسفتني في أي شد مع عربية تانية .. ويا سلام لما تدوس كيك داون يااااه هتتمزج قوي .. هتحس إنك راكب طيارة نفاثة
أما النقطة المفصلية في الموضوع .. التوكيل
أعتقد إن توكيل نيسان أفضل بمراحل من غبور بشهادة عملاء غبور نفسهم
ودي نقطة في غاية الأهمية
والأهم من كل ده إنك تصلي ركعتين استخارة .. وربنا يوفقك للي فيه الخير
وانت أخونا في كل حال .. سواء بقيت تيداوي أو مزداوي

**Ahmed.TV** · 20-09-2011 05:19 PM

التيدا ....

:: نتكلم على التوكيل
محترم بشهادة كل الناس .. وبيهتم بمشاكل العميل جدا فى كل مراكز الخدمة المعتمدة ليه
وبقا دلوقتى في مودرن بكل فروعه وفى السبع بفروعه وفى الاتحاد الوطنى وفى يونايتد وفى كمان اتو ايجيبت
وكل المراكز دى مغطية مصر .. وفى كمان فى الاقصر .. وان كان نفسنا يكون فى حاجة فى اسيوط

:: نتكلم على قطع الغيار

قطع غيار التيدا فى التوكيل متوافرة فى كل مراكز الخدمة .. واسعارها معقولة مقارنة باسعار الكورى حتى فى التوكيل
ده غير ان فى نقطة مهمة جدا .. اى حاجة مش متوفرة فى التوكيل بيبعتوا يجبوها من بره ومش بيتاخروا على عميل .. حتى لو انتهى فترة الضمان بتعته

وكمان متوافر للتيدا قطع غيار خارج التوكيل وباسعار ممتازة جدا .. وطبعا فى موضوع فى القسم عندنا تقدروا تحكموا على الاسعار .. وقطع الغيار متوفرة فى شارع دمشق وفى التوفيقية .. وفى الحرفين كتير جدا سواء استيراد او جديد

:: نتكلم فى العربية

كل عربية وليه ميزة وعيب .. بصراحة ومميزات التيدا وبدون تعصب والله .. عربية واسعة من جوة سواء السيدان منها سقف صالون واسع ومريح .. ومن تحت العربية عالية من المطبات .. والهاتش باك منها تعتبر اوسع عربية هاتش باك .. لان الكنبة بتتحرك لقدام ولورا وبتعطى وسع ..

غير ان التيدا ماتورها قوى جدا واستجابته رائعة وقوى جدا .. وماتور حديث .. وموفر فى استهلاك البنزين .. والباور بتاعه روعة روعة باور كهرباء .. والباور بتعها بيتقل وبيفصل بعد ال120 بالظبط
وكمان العربية فيها عوامل امان محترمة .. وبتبان وقت الحوادث الكبيرة .. فى الدعامات الفلاز اللى حطينها فى العربية من قدام يا جماعة
واحد زميلنا عمل حادثة بيها على سرعة 100 ودخل فى خرسانة .. والكبينة سليمة والجزء الامامى سليم بس الشاسية وبعد قطع الغيار عاوزة تتغير
مشاكل التيدا قليلة جدا فى التوكيل وبره التوكيل
هو العيب بس الثبات بعد ال150 بيقل .ز لكن العربية ماتورها قوى وبيكمل معاك .. وده لو انت من هواة السرعة عليك بجنوط 16 ..
بصراحة العربية محترمة جدا واختيار رائع ومريح لاى مالك بيقتنى العربية

وانا باذن الله بحضر كتاب على التيدا حنزلهولكم .. مالوش حل .. انتظروه فى اقرب وقت باذن الله لما افنشه
فى كل حاجة عن التيدا من الالف الى الياء

سمحونى مش حتكلم على عربية اخرى غير التيدا .. لان بحب لما اتكلم اكون بتكلم عن تجربة وليس الكلام وخلاص .. عشان كلامى ده حتحاسب عليه فى يوم من الايام قدام ربنا .. فلازم معلومتى تكون سليمة

تحياتى
وبالتوفيق فى اختيارك .. واهلا بيك معانا يا هندسة .. ومشرفنا فى قسم نيسان
ومستنين تقريرك عن التيدا وكمان ياريت نشوفك باذن الله فى مقابلة من مقابلاتنا

واسف على الاطالة