تيداوي قريب جدا ان شاء الله

**ahmadmabigko** · 20-09-2011 05:46 PM

المشاركة الأصلية كتبت بواسطة ahmed.tv

التيدا ....

:: نتكلم على التوكيل
محترم بشهادة كل الناس .. وبيهتم بمشاكل العميل جدا فى كل مراكز الخدمة المعتمدة ليه
وبقا دلوقتى في مودرن بكل فروعه وفى السبع بفروعه وفى الاتحاد الوطنى وفى يونايتد وفى كمان اتو ايجيبت
وكل المراكز دى مغطية مصر .. وفى كمان فى الاقصر .. وان كان نفسنا يكون فى حاجة فى اسيوط

:: نتكلم على قطع الغيار

قطع غيار التيدا فى التوكيل متوافرة فى كل مراكز الخدمة .. واسعارها معقولة مقارنة باسعار الكورى حتى فى التوكيل
ده غير ان فى نقطة مهمة جدا .. اى حاجة مش متوفرة فى التوكيل بيبعتوا يجبوها من بره ومش بيتاخروا على عميل .. حتى لو انتهى فترة الضمان بتعته

وكمان متوافر للتيدا قطع غيار خارج التوكيل وباسعار ممتازة جدا .. وطبعا فى موضوع فى القسم عندنا تقدروا تحكموا على الاسعار .. وقطع الغيار متوفرة فى شارع دمشق وفى التوفيقية .. وفى الحرفين كتير جدا سواء استيراد او جديد

:: نتكلم فى العربية

كل عربية وليه ميزة وعيب .. بصراحة ومميزات التيدا وبدون تعصب والله .. عربية واسعة من جوة سواء السيدان منها سقف صالون واسع ومريح .. ومن تحت العربية عالية من المطبات .. والهاتش باك منها تعتبر اوسع عربية هاتش باك .. لان الكنبة بتتحرك لقدام ولورا وبتعطى وسع ..

غير ان التيدا ماتورها قوى جدا واستجابته رائعة وقوى جدا .. وماتور حديث .. وموفر فى استهلاك البنزين .. والباور بتاعه روعة روعة باور كهرباء .. والباور بتعها بيتقل وبيفصل بعد ال120 بالظبط
وكمان العربية فيها عوامل امان محترمة .. وبتبان وقت الحوادث الكبيرة .. فى الدعامات الفلاز اللى حطينها فى العربية من قدام يا جماعة
واحد زميلنا عمل حادثة بيها على سرعة 100 ودخل فى خرسانة .. والكبينة سليمة والجزء الامامى سليم بس الشاسية وبعد قطع الغيار عاوزة تتغير
مشاكل التيدا قليلة جدا فى التوكيل وبره التوكيل
هو العيب بس الثبات بعد ال150 بيقل .ز لكن العربية ماتورها قوى وبيكمل معاك .. وده لو انت من هواة السرعة عليك بجنوط 16 ..
بصراحة العربية محترمة جدا واختيار رائع ومريح لاى مالك بيقتنى العربية

وانا باذن الله بحضر كتاب على التيدا حنزلهولكم .. مالوش حل .. انتظروه فى اقرب وقت باذن الله لما افنشه
فى كل حاجة عن التيدا من الالف الى الياء

سمحونى مش حتكلم على عربية اخرى غير التيدا .. لان بحب لما اتكلم اكون بتكلم عن تجربة وليس الكلام وخلاص .. عشان كلامى ده حتحاسب عليه فى يوم من الايام قدام ربنا .. فلازم معلومتى تكون سليمة

تحياتى
وبالتوفيق فى اختيارك .. واهلا بيك معانا يا هندسة .. ومشرفنا فى قسم نيسان
ومستنين تقريرك عن التيدا وكمان ياريت نشوفك باذن الله فى مقابلة من مقابلاتنا

واسف على الاطالة

كل الكلام الي حضرتك قلتو فعلا مظبوط التيدا عربية مميزاتها كتيرة جدا و تغطي على عيوبها البسيطة

وان شاء الله هعمل تقرير استلام و تجربة اولى مع التيدا اول ما اجبها

و ربنا يوفقك يا استاذ احمد و تفنش الكتاب الي انا متاكد انو هيضيف كتير جدا للمنتدى عامة و لقسم نيسان خاصة و هيبقا مرجع مهم لكل الي معاه تيدا و لكل الي بيفكر يشترها

و بجد الشرف ليا اني اتعرفت على ناس كويسن زيكو وان شاء الله المقابلة الجاية ابقا معاكو و اتعرف عليكو اكتر

فرصة سعيدة يا استاذ احمد متشكر لحضرتك ^_^

**ramykimo** · 21-09-2011 03:02 AM

طب انا محتار جد بينه و بين الاانسر بومة و عارف ان لتيد ا افضل كعربية لكن السوق بيفضل اللانسر و بالتالى اعادة البيع و الصيانة فى صالح الانسر .... حد يفدنى

**HOSSAM_GABRE** · 21-09-2011 07:14 AM

المشاركة الأصلية كتبت بواسطة ramykimo

طب انا محتار جد بينه و بين الاانسر بومة و عارف ان لتيد ا افضل كعربية لكن السوق بيفضل اللانسر و بالتالى اعادة البيع و الصيانة فى صالح الانسر .... حد يفدنى

الواحد يا فندم بيشترى عربية علشان يستمتع بيها
مش علشان يبيعها
وحضرتك لو مش حتغير قبل 4 او 5 سنين وطبعا معظمنا كده يبقى عليك وعلى التيدا
اللانسر بمستوى التكنولوجيا اللى فيها يتقارن بالصنى
وكمان الصنى احسن منها كثبات وارتفاع عن الارض وافضلية سعرية وموتور ومتانة خاجية وداخلية
على فكرة الصنى قبل ما تتقفل فى مصر كانت اغلى من اللانسر
بس المصريين للاسف بيخلوا البومة احسن من الشارك والانترا زى الفانتازيا والسيفيك

**HOSSAM_GABRE** · 21-09-2011 07:18 AM

كمان قطع الغيار المنتشرة بره السوق سواء للانسر او غيرة
عمرها الافتراضى اقل من الاصلى
وشوف مثلا الصنى على سبيل المثال تيل الفرامل الاصلى بيقعد قد ايه ( 60 الف كيلو ) وشوف اللانسر وبرده الصنى اللى بيتركب من بره التوكيل بيقعد قد ايه

**SonaSteel** · 21-09-2011 08:16 AM

+111111111111111111
كلام زي الفل ا/ حسام
وأنت ممكن تجيب التيدا أول فئة ي115000... فيها ايرباج ABS.... ebd
وسوف البومة اللي. فيها الكلام ده بكام
ده غير أن فرامل التيدا لا يعلى عليها حتى من غير ABS والبومة مشكلتها في الفرامل
أنا عايزك. تركب قنبلة أو تيدا من غير ABS كمان واضرب. فرامل مرة واحدة..... وتحكم أنت
يعني هو علشان سعر العربيه غلى علشان طمع التركيب ولا زيادة الطلب من غير اضافه حاجه فيها... بل العكس نا س كتتتير معجبهاش تتقفيل وخامات البومة... وعاشان وصل سعرها قريب لسعر. التيدا. يبقى نقارنها بيها?
المهم متنساش الاستخارة