مشكلة في الزوايا !

**CosmicOne** · 25-09-2011 03:19 PM

نفس المشكله و الاحساس عندى بالظبت بعد خبطه فى الرصيف من الشمال و عمل زرجينه

عملت ظبت زوايا ميت مره و مفيش فايده رغم ان الارقام كلها بتطلع فى التمام بس احساس السواقه زى الوصف بالظبت

مع اضافه ان على السرعات العاليه تحس برجه خفيفه , و كان الدركسيون على الاسفلت على طول رغم انى رصصت ميت مره بردوا و مفيش فايده
عربيتى سيفيك 2007

**Deshahcoka** · 25-09-2011 04:28 PM

طيب طلعت مش انا لوحدي ! يبقى ايه الحل يا رجالة ؟ الي اعرفه انوا الطارة مفروض تكون راسية مش زي الي حاصل ده :(

و بعدين ؟

**gazzar91** · 25-09-2011 05:04 PM

المشاركة الأصلية كتبت بواسطة zalpany2000

عندي نفس المشكلة بالمللي .... العربية واخدة خبطة في الناحية اليمين و استعدلتها وغيرت مساعد وكوبلن وميزان امامي

وظبط الزوايا 5 مرات تقريبا لحد دلوقتي ويقولولي الشاسيه سليم ؟؟؟ يعني ايه كاستر بقي ؟

جرب تبدل الفردتين مكان بعض... و ممكن يكون في مشكلة في المقص أو القنطرة
و الكاستر هي الزاوية مابين العمودي على الأرض المار بمحور العجلة و محور دورانها مع التوجيه

و الكاستر لما تبقى موجبة زي الصورة اللي فوق الطارة تبقى راسة بس تقيلة و لما تبقى سالبة الطارة تبقى صعب السيطرة عليها في الطوالي و تقعد تيجي يمين و شمال- و انا بتكلم إن العجلتين مع بعض-
إنما لو عجلة فيها الكاستر (كقيمة جبرية -بالاشارة-) أقل من التانية ... العربية تسرح -يعني تروح بدون ما الطارة تتحرك- ناحية العجلة الأقل كاستر

المشاركة الأصلية كتبت بواسطة CosmicOne

نفس المشكله و الاحساس عندى بالظبت بعد خبطه فى الرصيف من الشمال و عمل زرجينه

عملت ظبت زوايا ميت مره و مفيش فايده رغم ان الارقام كلها بتطلع فى التمام بس احساس السواقه زى الوصف بالظبت

مع اضافه ان على السرعات العاليه تحس برجه خفيفه , و كان الدركسيون على الاسفلت على طول رغم انى رصصت ميت مره بردوا و مفيش فايده
عربيتى سيفيك 2007

شكله عيب كاوتش يا إما جهاز ظبط الزوايا ثنائي مش رباعي

المشاركة الأصلية كتبت بواسطة Deshahcoka

طيب طلعت مش انا لوحدي ! يبقى ايه الحل يا رجالة ؟ الي اعرفه انوا الطارة مفروض تكون راسية مش زي الي حاصل ده :(

و بعدين ؟

ولا قبلين.... أنا بصراحة مش عارف أقولك غير ربنا معاك لحد ما تلاقي واحد بتاع زوايا كويس

و الله أعلم
في رعاية الله

**Deshahcoka** · 25-09-2011 06:13 PM

المشاركة الأصلية كتبت بواسطة gazzar91

جرب تبدل الفردتين مكان بعض... و ممكن يكون في مشكلة في المقص أو القنطرة
و الكاستر هي الزاوية مابين العمودي على الأرض المار بمحور العجلة و محور دورانها مع التوجيه

و الكاستر لما تبقى موجبة زي الصورة اللي فوق الطارة تبقى راسة بس تقيلة و لما تبقى سالبة الطارة تبقى صعب السيطرة عليها في الطوالي و تقعد تيجي يمين و شمال- و انا بتكلم إن العجلتين مع بعض-
إنما لو عجلة فيها الكاستر (كقيمة جبرية -بالاشارة-) أقل من التانية ... العربية تسرح -يعني تروح بدون ما الطارة تتحرك- ناحية العجلة الأقل كاستر

شكله عيب كاوتش يا إما جهاز ظبط الزوايا ثنائي مش رباعي

ولا قبلين.... أنا بصراحة مش عارف أقولك غير ربنا معاك لحد ما تلاقي واحد بتاع زوايا كويس

و الله أعلم
في رعاية الله

فعلا كلام حضرتك ميخرش الميه ما شاء الله !

بس هوا يكون لحق لعب في الكاستر ؟ يعني قبل ما روحلة عشرة على عشرة و بعدين اروحلة يقولي العجل كان مفتوح شوية ؟ وماخدش 5 دقائق ؟

انا نفسي الاقي واحد كويس بتاع زوايا بس مش عارف فين :(

**gazzar91** · 25-09-2011 07:11 PM

المشاركة الأصلية كتبت بواسطة deshahcoka

فعلا كلام حضرتك ميخرش الميه ما شاء الله !

بس هوا يكون لحق لعب في الكاستر ؟ يعني قبل ما روحلة عشرة على عشرة و بعدين اروحلة يقولي العجل كان مفتوح شوية ؟ وماخدش 5 دقائق ؟

انا نفسي الاقي واحد كويس بتاع زوايا بس مش عارف فين :(

لو أنا قلتلك انه "لعب في الكاستر" يبقى أنا كدبت عليك... الكاستر في أغلب العربيات غير قابل للتعديل
أنا بصراحة مش عارف أفيدك خالص و عربيتك ملخبطاني و مش قادر أوصل لحاجة أو أربط اللي حصل ده بالخبطة بالصنايعي التعبان بتاع الزوايا....
دور على بتاع زوايا كويس و يا ريت كمان تخليه يطبعلك تقرير

في رعاية الله

**zalpany2000** · 25-09-2011 11:22 PM

طيب يا باشمهندس احمد .... لو الكاستر ده فيه درجة مثلا ... تتعدل ازاي لو العربية مافيهاش ظبط للكاستر ده ؟

**gazzar91** · 26-09-2011 12:53 AM

المشاركة الأصلية كتبت بواسطة zalpany2000

طيب يا باشمهندس احمد .... لو الكاستر ده فيه درجة مثلا ... تتعدل ازاي لو العربية مافيهاش ظبط للكاستر ده ؟

لو المشكلة في الشاسيه... يبقى زرجينه على ايد واحد شاطر أو تترفع على شبليونة اللي هي Chassis Aligner
و لو في أي جزء من العفشة يبقى يتغير (من رأيي إنه مايتعملوش زراجين)

و الله أعلم
في رعاية الله

**zalpany2000** · 26-09-2011 03:32 AM

ربنا يجازيك كل خير يا رب ... طيب عندك معلومة ممكن فين اوديها في القاهرة سمكري او عنده ممكن تترفع علي شبلونة .... وبجد اكون عاجز عن الشكر ... سؤال تاني ...اي عيب في الشاسيه او المقصات مش المفروض انه يظهر بوضوح لاي حد بتاع ضبط زوايا ؟؟؟ ولو مش كده برضو لو تعرف حد بتاع ضبط زوايا محترم اكون عاجز عن الشكر

وجازاك الله عنا كل خير وبجد كل التقدير علي مجهودك وردك عليا انا والزملا

**Deshahcoka** · 26-09-2011 05:27 AM

فعلا انا بشكر البشمهندس جزير الشكر و ربنا يكرمه و يجازيه كل خير على كل حاجة :) ربنا يكتر من امثاله يارب :)

**pro_samir** · 26-09-2011 07:01 AM

المشاركة الأصلية كتبت بواسطة gazzar91

جرب تبدل الفردتين مكان بعض...

هو لو الفردتين اتبدلو مع بعض ممكن تعمل حدفه ؟

امبارح كنت فاكك العجلتين عند بتاع الكاوتش وعلمهم علشان ميلخبطش الترصيص بس لما جه يركب سألته انت عارف انهي يمين وشمال قالي اه متقلقش

بعدها لاقيت العربيه بتحدف شمال جامد .. راجعت علي الهوا لاقيته مظبوط

فا مش عارف لو بدل العجلتين ممكن تعمل حدفه جامده كده ولا ايه ؟

الموضوع: مشكلة في الزوايا !

LinkBack

أدوات الموضوع

عرض

-

-

-

-

-

-

-

المواضيع المتشابهه

مش عارف ايه مشكلة الزوايا

عندى مشكلة صغيرة فى ضبط الزوايا ..

مشكلة في ظبط الزوايا

مشكلة في ظبط الزوايا

مشكلة غريبة في الزوايا

الكلمات الدلالية لهذا الموضوع

المفضلات

المفضلات

ضوابط المشاركة