سيدي الرجل .. بتعمل ايه لما بتركب المترو .....؟

**Amr Axel** · 27-09-2011 12:08 AM

هههههه انا بقي مش بعمل حاجة نهائي لسبب بسيط ان انا منحوس
لاني من ساعة ما بدأت اركب المترو لحد دلوقتي بفضل واقف مبقعدش ههههه مفيش غير مرتين او تلاتة بس خلال سنين حياتي كلها اللي قعدت فيها غير كده بفضل واقف
و قبل كده وقفت من المطرية لحد حلوان و العكس في الاياب في نفس اليوم ههههههههه
بس طبعا بشوف العجب من الناس و بعقد اضحك علي اللي بيعملوه في بعض و ساعات اضحك الناس هههههههههههه

**Amr Axel** · 27-09-2011 12:21 AM

المشاركة الأصلية كتبت بواسطة nonetta

هههههههههههههههههههههههه
بصراحة ما توقعتش حد يرد الرد دة ابدا
حظك حلو انك مش بتتحط في المواقف دي
يا اما ما عندكش خبرة في المصارعة عالكراسي

ههههههههه شوفتي بقي نحن نختلف عن الاخرين
لا بيبقي قدامي الموقف لكن فيه مثل بيقول الباب اللي يجيلك منه الريح سده واستريح
و لأن عندي خبرة في مصارعة الكراسي
فبطبق المثل في المترو برده و اقول
الكرسي اللي يجيلك منه ضرب القبقاب

سيبه و خليك جنب الباب

و بالنسبة الخبرة مقولكيش عندي خبرة كبييرة في جميع الاماكن و خاصة في الكلية ههههههههه

**heshamzaky** · 27-09-2011 12:28 AM

أنا كنت بركب المترو كتير جدا جدا و بصراحة بأفضل أنى افضل واقف و بحب ابعد عن باب النزول الافضل الوقوف عند الباب الاخر و بشترى دماغى
لو كنت قاعد ممكن أقعد مكانى راجل او سيدة من كبار السن أو ذوى الاحتياجات الخاصة
لو بنت مش بقوم لان بعض البنات بتوع الجامعات بقو محترفين فى ركوب المترو تيجى و تدخل فى الزحمة فى الطرقة الى بين الكراسى علشان حد يقعدها الحالة الوحيدة انى أقوم اقعدها مكانى لو المترو فعلا زحمة و الناس بتضايقها بجد غير كدة لآ راجل كبير أو سيدة كبيرة أولى بالقعدة و المشكلة أن لو بنات قاعدة و شافت راجل كبير بتنفض و مش بتقوم
أكثر ظاهرة شوفتها بعض الناس و خصوصا الطلبة تلاقيهم مشغلين الموبيل على أغنية و الصوت على أخرة يعنى تسمع الاغنية أجبارى و كل شخص و مزاجة فى الاغانى أو واحد بيقرأ الجرنان و لازم يفردة متر أمامة و عاوز مساحة فاضية للجرنان بتاعة

**minicooper20** · 27-09-2011 07:18 AM

انا عندى فوبيا المترو من سعات مبعت عربيتى و عربيت امى
و رحعت عربيت عامى و انا بركبو من حدايق القبه للمعاددى وعمرى ملقيت فيه مكان اقعد ولامره والله
بس بصراحه الشهامه واخده اجازه عندنا شويا يا راجل حتى لو بنت و شابه قعدها لان ممكن واحد يضيقها انا بعتبر اختى مكنها والله حتى لو كنت فى قمت التعب بس هقوم برضو الجنتله وخدانى بقا ههههههههههههه
بجد العربيه نعمه
ربنا يكون فى عون كل مواطن مصرى بيركب المترو

**Amr Mohamed** · 27-09-2011 09:18 AM

بصراحة مفيش اضافات كتير بعد كلام البروفيسير احمد كمال بس
انا شخصيا بقعد الناس الكبار 50 وانت طالع سواء راجل ام ست
والستات الحوامل وكده لكن الشباب
فاكس على رأى اللى قال من شوية وهما مكسحين يعنى ما زىى زيها انت تعبانة وراجعة من شغلك ولا من جامعتك وانا كمان ايه الجديد يعنى
بس الحوار ده بيجى فعلا مع الممارسة وخصوصا ان الزاحد بيركب قطر وميكروباس واوتوبيس ومترو وكل الحاجات دى بتديك خبره لحد ما توصل لمرحلة انك تعمل عبيط لأى حد حتى لو جدك نفسه دخل وماسك فى ايده ابوك وامك هاتنفضلهم وتسيبعهم واقفين هما الى غالطنين يروحو يركبو من اول محطه عشان يلاقوه فاضى ههههههههههه

**fepsceasar** · 27-09-2011 01:11 PM

البنت زى الولد ما هش كمالة عدد ههههههه
نفسي البنات تبطل تسترجل
والرجالة يبقى عندهم زوق
والناس كلها تبقى محترمة مع بعضها
واللى بيحبنا ما يضربش نار
وانا لو نادرا جاتلى فرصة قبل ما اقعد ببص حوالية لو حد يستحق واحيانا ما يستحقش وهيتقهر ع الكرسي والله اعلم بظروف الناس باقعده وخلاص
وياريت اللى تركب العربية المشتركة (ومش هقول عربية الرجالة) تبطل تقيم الناس لانها اختارت كده او حتى ضطرت لكده او طمعت وجاه نايبها على شونة
يا اما تروح تركب عربية الستات

**رزق** · 27-09-2011 02:55 PM

مطالب بالمساواه
وياخدوا أكتر من الرجالة
ولما ييجي الموضوع للكراسي يبقوا معاقين
طب ماتعملي مكسحة في عربية الستات
عامة أنا برده بطالب بمساواة الرجل بالمرأة
عايزين عربية في المترو
عايزين سنتين 'وضع و رضاعة' ووراهم 6 سنين بدون أجر وتحجزلي وظيفتي
مش حقول حتى يدخلوا الجيش عشان مش عايزين جيش خرع

أنا خايف ليجي يوم يبقى البنات تطالب بالعمل اربع ساعات بدل 8 في اليوم عشان 'مش قادرة'

**yousef1978** · 27-09-2011 03:10 PM

بسم الله ما شاء الله، الرجالة باين عليهم معبيين قوي من الستات وما صدقوا انفجروا

كان لزمته إيه بس المواضيع اللي بتجيبلكوا الكلام دي

سدوا بقى ههههههههههههه

-

-

الموضوع: سيدي الرجل .. بتعمل ايه لما بتركب المترو .....؟

LinkBack

أدوات الموضوع

عرض

-

-

-

-

-

المواضيع المتشابهه

تعالي قولنا بتعمل ايه قبل ماتركب المترو

حدث في المترو

كيف يسعد الرجل المرأة .. وتسعد المرأة الرجل ..!

الكلمات الدلالية لهذا الموضوع

المفضلات

المفضلات

ضوابط المشاركة