سيدي الرجل .. بتعمل ايه لما بتركب المترو .....؟

**r0xer** · 27-09-2011 04:00 PM

المشاركة الأصلية كتبت بواسطة sharafconsult

أنا قلت أبعد شويه عن الكلام فى السياسه وأجى الاجتماعى شويه

بس بعد مشاركتك , السياسى أرحم

+111111111111111111111111111111111111

ههههههههههههههه لول.

مسيري اروح هناك واطفش كل اللي هناك وابطلهم خناق :@

**nonetta** · 27-09-2011 09:36 PM

المشاركة الأصلية كتبت بواسطة fepsceasar

البنت زى الولد ما هش كمالة عدد ههههههه
نفسي البنات تبطل تسترجل
والرجالة يبقى عندهم زوق
والناس كلها تبقى محترمة مع بعضها
واللى بيحبنا ما يضربش نار
وانا لو نادرا جاتلى فرصة قبل ما اقعد ببص حوالية لو حد يستحق واحيانا ما يستحقش وهيتقهر ع الكرسي والله اعلم بظروف الناس باقعده وخلاص
وياريت اللى تركب العربية المشتركة (ومش هقول عربية الرجالة) تبطل تقيم الناس لانها اختارت كده او حتى ضطرت لكده او طمعت وجاه نايبها على شونة
يا اما تروح تركب عربية الستات

يا استاذي الفاضل
انا مش باقيم الناس ولا حاجة زي ما حضرتك بتتهمني
انا باعرض نوعيات الناس
وزي ما قلت عيوب ومزايا الرجال ركاب المترو
قلت عيوب السيدات بردو
وانا مفيش حاجة مزعلاني ولا مضايقاني
ولما بالاقي نفسي باركبها مضطرة وبالاقيها زحمة
باقول مش مهم اتأخر بس ما اركبهاش زحمة
زحمة الستات ارحم
وبعدين اذا كنت حضرتك تقصدني وبتقول طمعت وطلع نأبي على شونة
عمري ما جريت على كرسي
باقف وشي لباب المترو عشان لا اشوف حد ولا حد يشوفني
ومش باقعد الا لو الكرسي القلاب اللي في ظهر كابينة السواق فضي
وحد نده لي عشان اقعد
يعني لو مكان تاني غيره فضي باقول للي قام لي شكرا
عشان ما ينفعش اقعد وسط الرجالة
والكرسي القلاب بيبقى فردي

وشكرا

**nonetta** · 27-09-2011 09:38 PM

المشاركة الأصلية كتبت بواسطة yousef1978

بسم الله ما شاء الله، الرجالة باين عليهم معبيين قوي من الستات وما صدقوا انفجروا

كان لزمته إيه بس المواضيع اللي بتجيبلكوا الكلام دي

سدوا بقى ههههههههههههه

ماهو انا اللي جبته لنفسي
مكنتش اعرف ان الرجالة كلهم مقهورين من الستات كدة
ههههههههههههه

**hogo_9i** · 27-09-2011 11:00 PM

المشاركة الأصلية كتبت بواسطة dr_mido

انا شخصيا بقوم فى 4 حالات بس ست كبيرة او حامل او راجل كبير او راجل شايل طفل غير كدة مبعبرش حد

أنا عايش في لندن وي علي طول بركب المترو و ده الطبيعي وده الي لازم يطبق علي الكل و في المترو صوره علي شكل ست حامل و ست كبيره في سن و راجل كبير في سن و عاجز بس غير كده ما فيش ...انما بنت ليه اقف ليها .....

**abdalah_hashem** · 28-09-2011 11:47 AM

المشاركة الأصلية كتبت بواسطة hogo_9i

أنا عايش في لندن وي علي طول بركب المترو و ده الطبيعي وده الي لازم يطبق علي الكل و في المترو صوره علي شكل ست حامل و ست كبيره في سن و راجل كبير في سن و عاجز بس غير كده ما فيش ...انما بنت ليه اقف ليها .....

بس المترو فى لندن بقى زى المترو بتاعنا بيشيل اى عدد مهما كان كبير مطاطى يعنى :))

**elhelwany188** · 28-09-2011 12:11 PM

السلام عليكم ورحمة الله وبركاته
كنت بحكى مع والدى على الموضوع ده
قاللى على حكاية من زمان وهو شاب كان فى روسيا كان بييدرب على ماكينات كانت جاية المصنع عنده الكلام ده فى اواخر السبعينات ومش ده المهم
المهم كان بيقوللى كان فيه وسيلة زى الترام عندنا زمان او المترو حاليا زى عندنا بالظبط
وكان فيه كراسى لكبار السن وذوى الاحتياجات الخاصة والحوامل زى عندنا بالظبط
الفرق الوحيد ان الكراسى دى ممكن تفضل فاضية من اول الخط لاخره والمترو زحمة وفيه ناس واقفه لو مفيش حد كبير فى السن او ذو احتياجات خاصة او واحدة حامل تقعد عليهم
بمعنى ان الكراسى دى لمستحقيها ولو محدش ركب المترو من مستحقيها بتفضل فاضية مستنيه مستحقيها ومفيش حد يقول اقعد لحد ما حد ييجى
سؤاله ليه فعلا محدش يقعد لحد ما حد ييجى من مستحقيها يقعد فيها
قاللى هناك عندهم مبدأ مش من حقى الكرسى ده يبقى ما أقعدش عليه
وقلتله طب لو قعدت لمؤاخذة مين هيقدر يقومنى طالما مفيش حد يقعد عليها
قاللى طبعا ساعتها الكمسرى هيعرف انك اجنبى بيجى ويشاورلك على الصورة ماكنشى بتنزل للشرطة
والكلام ده كان فى السبعينات وطبعا السبعينيات عندنا برضه كانت الست ست والراجل راجل وفيه مبادئ واصول الواحد بيمشى بيها وتكفى حرب اكتوبر المجيدة والفدائيين والتبرع بالدم للى بره الحرب والناس واقفه مع بعضيها وخايفة على بعضها البعض
بس معرفش ايه النظام عندهم دلوقتى زى عندنا ولا محتفظين بمبدائهم القديمة
واسف على الاطالة

**beautiful0mind** · 28-09-2011 01:08 PM

معلش انا اسف بس حضرتك اتكلمتى عن نوعيات الرجالة فين نوعيات الستات بقى ؟

**viper911s** · 28-09-2011 01:45 PM

معرفش انا بالنسبالى اقوم لااى حد كبير راجل او ست او ست حامل مثلا او شايلة طفل لكن بصراحة مش بقوم لااى واحدة حلوة
دة بالنسبة للترام عندنا علشان مفيش مترو
بس بصراحة اكتر حاجة بتتغيظنى انى اقوم لست معاها طفل تقوم تقعد الطفل وتقف جنبة منتظرة حد تانى يقوملها
ببقا متغاظ بشكل صعب

**nonetta** · 28-09-2011 11:03 PM

المشاركة الأصلية كتبت بواسطة beautiful0mind

معلش انا اسف بس حضرتك اتكلمتى عن نوعيات الرجالة فين نوعيات الستات بقى ؟

المفروض اللي يعمل موضوع عن الستات اكيد مش انا عشان لازم اكون منحازة لبنات جنسي
ومع ذلك هاكون حيادية

الستات بأة مواقفهم في عربة السيدات كالاتي

كل واحدة لوحدها قاعدة في حالها ومالهاش دعوة بالباقيين

بنات الجامعة بيحتلوا المترو ولو مفيش مكان يقعدوا عالارض وما نعرفش ندخل ولا نخرج ولا نمشي منهم
ممكن الواحدة تبقى قاعدةفي امان الله وواحدة تيجي تسألها نازلة فين
لو كنتي نازلة بعيد تسيبها وتروح لغيرها
لو نازلة قريب تلزق فيها وشوية شوية تقعد عليها

في بعض البنات بيكونوا عندهم رحمة ولما بيشوفوا واحدة سنها كبير بيقعدوها او واحدة حامل او واحدة شايلة طفل
اضعف الايمان ياخدوا منها الطفل دة لو رضي طبعا
بس اعتقد مفيش حاجة اكتر من كدة