هل تؤيدون بقاء اللانسر الشكل القديم(البوما)فى 2009؟

**samcar** · 05-04-2009 12:25 AM

المشاركة الأصلية كتبت بواسطة acer4000

انا بأيد ده لسبب واحد بس...ان العربية اللي دافع فيها بلاوي دي تفضل مش منتشرة زي ال حصل للشكل القديم

انا مش بحب اركب عربية مالية البلد زي التاكسي و ده اللي كان مكرهني في الانسر لغاية لما حسيت ان ال اي اكس هتكون محدودة الانتشار شوية عن القديمة

اشترى مرسيدس
يعنى ايه اركب عربيه ما حجش راكبها- تفكير نرجسى جدا

**أبو إياد** · 16-04-2009 08:46 PM

انا شايف انها المفروض يتوقف تصنيعها وده بالنسبالى لعده نقاط

هارجع بيكوا لورا شويه كده سنه 2007 بالتحديد شهر مايو

كان سعر الـ 1300 مانيوال خليجى 83500 جنيه
وفى شهر يونيه ياعنى بعدها بشهر بـ 92000 جنيه

العربيه دى كانت بتتنافس مع التويوتا رغم ان التويوتا اغلى
وطبعا عارفين شكل الكورولا 2006و2007 اللى كان سعر 1300 مانيوال ساعتها 98000 ج

ياعنى فارق عن اللانسر بحوالى 6000جنيه مصرى

وبعدها اتوقف التصنيع والاستيراد تماما حتى العربيات اللى كانت بتتباع منها فى 2008 كانت موديلات 2007 وتترخص 2007

تعالوا بقا نيجى للمقارنه حاليا
الكل قال ان اللانسر تفوق موديل الكورولا ده فى الثبات فى السرعات العاليا وانتشار قطع الغيار وسعرها المناسب والارخص من الكورولا

تعالوا دلوقتى نبيع عربيه لانسر 2007 مانيوال بحاله الزيرو

ونبيع عربيه كورولا 2007 مانيوال بحاله عادية

هتلاقى اللانسر سعرها بالكتير 70000ج
والكورولا مش هاتقل عن 85000ج

طبعا فارق كبير

وده بسبب ان الكورولا مافيش منها زيرو
واللانسر لسه انتاجها مستمر

خلينا بقا واقعيين انا عن نفسى احب انى اكون راكب عربيه سعرها يكون فى السوق كويس علشان لو فكرت ابيع ع الاقل مااخسرش واعرف ابيع بسهوله

لكن انتشار العربيه عادى جدا لا يعنى بالنسبه لى شىء حتى ولو تاكسى
انما انا ممكن أميز عربيتى عن اى عربيه زييها

وشكرا لصاحب الموضوع
وتحياتى لكل اللانسراويه