صوت الموتور و السحب

**Ahmad Allawy** · 17-05-2008 12:20 AM

شوف يا باشا..
طالما انت معاك مازدا 323 يبقي عليك و علي استا> و كبير العربية دي في القاهرة..
اسمه نبيل في القلعة ورا دار المحفوظات..
الراجل ده محترف بمعني الكلمة.. حافظ كل مسمار في العربية دي و مش بيشتغل حتي في موديلات تانية من المازدا.. هي دي بس..
جرب تروحله و بصراحة عنده ضمير جدا و زي الفل..
وبرضه خلي الكلام اللي الكبير فلاينج قالهولك في دماغك عشان تبقي عارف في ايه..
و ان شاء الله مش هتندم.. الراجل ده في واحد صاحبي بيتعامل معاه من سنين طويلة.. و العربية زي الفل..
مفتحش الموتور لغاية حوالي 350 الف كم.. و لما بدأ يخف غيره بواحد استيراد هو برضه اللي جايبهوله و تقريبا زيرو..

انا مفيش بيني و بين الراجل مصلحة ولا اي حاجة,, انا حتي مش باتعامل معاه.. بس النصيحة لوجه الله و ان شاء الله تطلع بسيطة و ترجع زي الفل.. و ربنا يكون في عونك علي القلق ده..

**engahmed29** · 17-05-2008 12:27 AM

سؤال لخبراء السيارات ،

دلوقتى يا جماعة فى عربية كيا بيكاتو على الزيرو ، و ناعمة و ظريفة و كل حاجة ، بس فيها مشكلة ان العربية بترجرج على سرعة 70 كم تقريبا و كمان عصاية الفتيس بتترجرج هى كمان يمين و شمال جامد ، و العربية بتتظبط بعد سرعة 80 كدة و بتبقى تمام ، انا قولت ان دى مشكلة ترصيص زى ما الاخوة هنا قالوا ، بس هل من الممكن ان تكون المشكلة اكبر من كدة زى عيب فى الجيربوكس مثلا او حاجة ؟ و هل الضمان بتاع التوكيل يغطيها ؟

شكرا ليكم جميعا

**جمال** · 17-05-2008 12:36 AM

المشاركة الأصلية كتبت بواسطة engahmed29

سؤال لخبراء السيارات ،

دلوقتى يا جماعة فى عربية كيا بيكاتو على الزيرو ، و ناعمة و ظريفة و كل حاجة ، بس فيها مشكلة ان العربية بترجرج على سرعة 70 كم تقريبا و كمان عصاية الفتيس بتترجرج هى كمان يمين و شمال جامد ، و العربية بتتظبط بعد سرعة 80 كدة و بتبقى تمام ، انا قولت ان دى مشكلة ترصيص زى ما الاخوة هنا قالوا ، بس هل من الممكن ان تكون المشكلة اكبر من كدة زى عيب فى الجيربوكس مثلا او حاجة ؟ و هل الضمان بتاع التوكيل يغطيها ؟

شكرا ليكم جميعا

طبعا ضمان التوكيل يغطيعا - عليك و على التوكيل فورا

**romany2010** · 19-05-2008 03:43 AM

شكرا شباب علي الردود الحميله و التعليقات و النصايح و اسق لعدم الرد و ربنا يعلم كنت مشغول ازاي في حاجات كتير و طبعا اوولها العربيه تقريبا كده فتحت بقها و من غير مناسبه
الموضوع اتطور خالص ماص بقي ماتور و عفشه و الحمد لله
المهم شكرا جدا و ده النتوقع نت المنتدي الاول للسيارات
شكر خاص للاخ للعزيز هاني محمد
يا تري انت اكلت و لسه مستني :)

19-05-2008 04:00 AM

العفو يا حبى
بس ايه اللى حصل تانى ؟؟؟؟؟!!!!! فى العربيه
ومالو الموتور كمان..اوعى تقوللى شمبر اوصبابات او الكلام الفاضى دا..انت قولت العادم والزيت تمام !!!!

وعلى فكره انا لسه مكلتش من ساعتها :(

:)

**ASD peugeot** · 19-05-2008 07:14 AM

ايه الردود الممتازه دي يا زعيم شغل عصابات بصحيح
ربنا يقدرك علي خدمه الاعضاء

**romany2010** · 22-05-2008 05:27 AM

معلش يا CAMARO سنتوفه راح يجيب اومو الا مين سنتوفه ده

و بص يا عم هاني الحمد لله العيب طلع بسيط في الماتور طلع طم سيرفيز يعني كوندينسر و ابلاتين و ضبط كاربراتير و خلاص و اتعمل و الحمد لله اما موضوع السحب انا حاسس انه اتعدل و مش عارف ده لاتهم اقنعوني بيه و الا ايه عموما انا كده راضي العفشه بقي دوختني في الاحر كنت باسمعغ مزيكه حسب الله في العربيه رحت لعفشجي غيري جلب مقصات خلفي و عمل علبه الدريكسيون صيانه و و بلي عجا و الصوت اتعدل شوزيه و قاللي لازم تجيب جوز مساعدين المهم بعد ما صرفت دم قلبي العربيه بقت معقوله يعني راضي عنها
فتوي اخري من الميكانيكيه المحترمين
انا كنت بمون 90 و احيانا بنزين 92 قاللي انه ال 80 ارخص و روح فول العربيه و مش هتحس بفرق خاص مكذبتش خبر و فولت العربيه مشيت عادي و بعد شويه لقيتها بترجرج جامد و سحبها اقل كمان و العربيه اتحنقت رحت للباشا قاللي انها هتزبط لوحدها و بقالها يومين و لسه الكلام ده صح و اعمل ايه بعد كده في موضوع البنزيه بصراحه كده الفرق جامد جدا في الفلوس و انتم عرفين ظروفنا في مصر بقت زي الزفت
متهيالي بعد ما هتقراء الكلام ده كلو هتجوع

اي خدمه ياباشا سندوتش كده عل ماشي و بالهنا و الشفا

**m_badr** · 26-05-2008 10:24 AM

يا جماعة انا عندي مازدا 323 نفس المشكلة بتاعت الاخ روماني برضه بس في دخان ابيض على خفيف و بشم ريحة حرق الزيت لما بجيب ال100 ك و لما اقرص على غيار
الغيار التاني مثلا اقصى حاجة يجيبها 50 و بيكون الصوت عالي جدا و التالت اخره 80 و يكون هينفجر :) النميكانيكي قالي انها محتاجة نص عمرة و انها هتتكلف من 700 جنيه لغاية 1000
هل الكلام ده صحيح ولا ايه؟؟؟

**Ahmad Allawy** · 26-05-2008 12:13 PM

مش شرط يا باشا..اله اعلم لما يفتح الموتور هيلاقي ايه..!!
ممكن يرقي انه هيغير حاجات كتير..
ممكن تدخل في حاجة اكبر.. تغيير و خرط حاجات كتير..
انا في رأيي ممكن تعملها بس لو الموضوع وصل لعمرة.. يبقي ارمي و غير و هات موتور استعمال بس خلي حد ثقة يشتريهولك.. هيبقي زيرو..
وربنا يوفقك..

-

الموضوع: صوت الموتور و السحب

LinkBack

أدوات الموضوع

عرض

-

-

-

-

المواضيع المتشابهه

وجه الاختلاف في السحب للسيارة ريو الجديدة بعد الالف كيلو في السحب ةالتجميع

الحل السحري لحماية الموتور الجديد و لتجديد الموتور بدون عمره

صوت الموتور و البنزين و السحب ...الخ

برجاء تعرييف الفرق بين الموتور الأسود و الموتور الكاربيرتير

الموتور بيطلع دخنه بيضه عايز اغير الموتور

الكلمات الدلالية لهذا الموضوع

المفضلات

المفضلات

ضوابط المشاركة