تجربه قاسيه بس هتعمل ايه لو كنت مكانه ؟؟؟؟؟؟؟؟؟

**minicooper20** · 03-10-2011 07:11 PM

كنت خادتو هو و العربيه بيتاعتو و قريبو الجيه كمان و الباظ كولو يصلحو هو خارج يلعب و يبوظ عربيات الناس

**Ashraf_Ibrahim** · 03-10-2011 07:40 PM

الشباب المشكور اللي بيقول نتصل بشرطة النجدة
ليكم عندي قصة رائعة كنت احد ابطالها مع شرطة النجدة بس لما ارجع من الشغل باذن الله :d

**Ashraf_Ashraf** · 03-10-2011 11:04 PM

والله ياجماعه انا موضوع الشرطه ده غير مقتنع بيه وده من سبب حادثه حصلت لى زمان على كوبرى قصر النيل جه اتوبيس ودخل فى عربيه 131 كانت معايا من ورا وعجن الشنطه لما نزلت بقول للسواق انت اتعميت قال وهو قاعد على كرسيه وكانه قاعد على قهوه مافيش فرامل اعملك ايه ربنا يعوض عليك بقى ولو مش عاجبك كلامى نروح القسم وبرضوا مش هتاخد حاجه
كل اللى عملته انى لفيت طلعت له وهات ضرب فى امه لما شفيت غليلى ومشيت ( والحمد الله انه معمليش محضر اعتداء على موظف عام اثتاء تاديه وظيفته )

**Ashraf_Ashraf** · 03-10-2011 11:05 PM

على فكره ياجماعه من السهل الخناق والضرب وساعه الحادث الواحد مابيكونش شايف ولا عنده عقل ممكن يرتكب مصيبه يروح فيها
هو لللاسف مافيش اى حلول فلا البلد دى

**Ashraf_Ashraf** · 03-10-2011 11:10 PM

الحل فى رائى هو التامين على كل العربيات ( مش التأمين الاجبارى الخايب ) يوم مايحصل شئ تجى الشرطه تقول مين غلطان والتامين يدفع ويحاسب المخطا بقى ويشيله الليله
زى بره يخبطوا بعض وينزلوا بهدوء بدون قله ادب لان الغلطان هيتعاقب والمصاب هياخد حقه تالت ومتلت
انما الهبل اللى احنا عايشين فيه ده هيجبنا ورا دايما
ربنا يحفظنا ويحفظكم

**khaled_yassin** · 03-10-2011 11:14 PM

انا عربيتى اتخابطت امبارح وهى مركونة قدام البيت وطبعا الى خبطها جرى

**mahmoud_anwar** · 03-10-2011 11:37 PM

انا في إجازة زواجي والمدن الجديدة حيث البراح راكن العربية نزلت ابص عليها من الركنه فترة تفجأت اني معرفش العربية دي مش بتاعتي باين بس تقبلت الامر وبدقت اعري الغطاء خبطة عجيبة حسبي الله ونعمة الوكيل في الي عمالها الخبطة كسرت البغة بتاعت الفنوس والشبكة وتنت الرفرف تنية وحشة اوووي
بس حمدت ربنا ان الأكصدام محصلهوش حاجة الحمد الله كنت ممكن اموت فيها
اذا كان الشبكة تمنها 90 جنية والبغة الزجاج المصري تمنها 20 جنية المشكلة الناس بتخبط وتجري ومحدش مثلآ يشوف صاحب العربية ويعتذر ليه مع العلم والله كتير اتخبط ومبحبش اقبل عوض وواحد ابن حلال حسبي الله ونعمة الوكيل فية خرم ليه الفنوس الوراني

**mahmoud_anwar** · 03-10-2011 11:42 PM

اما بي النسبة لي صحبك انا افضل ابعد عن توكيل غبور بجد توكيل بيعمل فلم هندي علي زبينة عارف لو راح والكبوت فيه نقرة هيغيرها ومش هيرضها محسسنا ان ملاك الهيونداي ملاك فيراري مثلآ
انا لو منه اروح الحرفين وهيلقي قطع غيارها مرمية هناك رفارف وكبوت اكيد هيكون نفس لونها ومش هيبقا بي المبلغ دة

**MOK3336** · 04-10-2011 12:16 AM

بصوا يا جماعة و الله هي ممكن تتشاف بأكتر من زاوية
ممكن نقول الولد فعلا مش معاه الفلوس و صاحب العربية ممكن يعفا عنه و يرحمة و يحتسب عند الله
أو ممكن كان عمل محضر فورى لو هو مأمن عليها و شركة التأمين هتلزم الولد أنه يدفع المبلغ بس طبعاً هتاخد وقت و هيعطل نفسة
و ممكن حضرتك تاخد فلوسك كاملة عادي ( من أتلف شيىء فعليه إصلاحة )
بس المشكلة لو بقي حضرتك حطيت نفسك في نفس ظروف الولد تحب يحصل معاك إية
هي دي الفكرة أنك يكون عندم قناعة بحاجة و تتصرف علي هذا الأساس
بس و الله صدقني
ايلي انت بتعمله في الناس من تسامح و رحمة و عفو هيرجعلك تاني في مواقف مشابهه