السلام عليكم ورحمة الله وبركاته
العربية اكسنت 99 اتوماتيك روحت بيها المركز وهيا متلته بوجيهات و بتاكل بنزين و كمان كان عندي فحص فقلت اظبطها بالمرة .
غيرت البوجيهات و فحصوا العادم و المهندس ملقاش فيشة الكمبيوتر فقالي روح لكهربائي يطلع الفيشة و اتفك شوية حاجات تانية نظفها وربطها تاني .
ومن يومها والعربية بتبطل على السلانسية و مكتومة.
رجعت للمراجعة فالمهندس فك حاجة نظفها و قالي طلع الفيشة بتاعت الكمبيوتر وانا اعملها عشان المشكله تتحل.
روحت للكهربائي اول ما حط ايده طلع الفيشة المهم رجعت للمركز تاني و المهندس كشف عليها كمبيوتر و عمل حاجة كده و مازالت المشكلة قائمة حتى الان و بصراحة مكنتش هروح ليهم تاني وكنت بدور على حد تاني يشوف العطل ده ايه لغاية ما شوفت الرساله دي
هروح انهارده او بكرة ان شاء الله وهسال على المهندس احمد عشان اشوف حل للمشكلة وان شاء الله خير
وشكرا لادارة نيل موتورز لمجهود الرائع بالمنتدى
المفضلات