الموضوع: مركز الصفا لتحليل و معالجة العوادم وصيانة الكربراتير والانجكشن

المشاركة الأصلية كتبت بواسطة hotbird2271980

تم بحمد الله إصلاح العطل بعد زيارة المركز يوم الجمعة 24-10-2014 .. الحمد لله الاستقبال كان تمام .. و تم ترك السيارة بناءا على توصيات المهندس المختص ( المهندس عربى ) .. تم استلام السيارة يوم الاثنين 27-10-2014 .. و النتيجة بسم الله ما شاء الله العربية رجعت تمام ( أحسن من الأول ) .. العطل تم إصلاحه كالآتى :
1- تم إصلاح ضفيرة الإنجكشن ( ضفيرة حساس ال تى بى إس ) لأن المشكلة الرئيسية كانت فيها و هى اللى عاملة اللخبطة دى كلها
2- تم ضبط كهرباء طلمبة البنزين لزيادة ضغط ضخ البنزين
3- أنا طلبت تغيير حساس المياه لأن الكمبيوتر كان مسجل فيه عطل قبل كده و الحمد لله تم تغييره .
4- و انا راجع فضلت ادعى للمركز بالخير على الجهد المبذول فى العربية لأن العطل ده ماحدش كان عارف يشخصه صح .
ربنا يبارك لكم و ان شاء الله من تقدم لتقدم ..
ملحوظة واحدة هى اللى مش عارف معناها إيه فى العربية .. لمبة الإنجكشن بتنور و انا ماشى ( بعد ما اتحرك بفترة ) و ساعات تطفى تانى و ساعات ما تطفيش رغم عدم تأثر أداء السيارة بهذا الأمر .. هل ده ليه تفسير أو حل .. لكم جزيل الشكر

السلام عليكم ورحمة الله وبركاته
نشكر سيادتكم شكراً جزيلاً على الرسالة الطيبة والإشادة الكريمة بمستوي الخدمة في المركز ونتمنى أن نكون دائماً عند حسن ظن عملائنا الكرام وتقديم أرقي مستوي من الخدمة والصيانة لسيادتكم .........
وأما عن تساؤل حضرتك عن حالة لمبة الإنجيكشن ولماذا تضيء أحياناً فإن السبب وراء ذلك هو سخان حساس الشكمان وخاصة بين السرعة 60 إلى 100 ولكن هذا الموضوع ليس له أى تأثير يذكر على السيارة
وشكراً على المشاركة وتحت آمر حضرتك في أى وقت