الموضوع: عضو جديد ! وسؤال ؟

اهلا بيك ف نايل موتورز
انت ممكن تسوق اى بايك طاما بتعرف تسوق كويس هتاخدلك
يومين تلاته مخضوض من الموضوع وبعد كده هتتعود

أولا أهلا بيك
ثانيا مافيش حاجة أسمها ينفع أركب ده ولا ما ينفعش
أنت أللي سايق المونوسيكل مش هو أللي سايقك
أنا مثلا لا أخاف من أي موتوسيكل مهما كان
ليه مش بأخاف؟؟؟ علشان أول ما أجربه بأمشي علي 60 كم في الساعة و لمدة كام يوم لغاية ما أتعود عليه و أبدأ أحس بقدرته شوية شوية و من غير مفاجأت
المقصود أنك تكتشف قدرات موتوسيكلك بهدوء و من غير تصرفات قد تؤدي لكارثة و بعد كده لازم تتصرف بحكمة و عقل
مش معني كلامي أنك ما تجريش............. بس أجري في السليم بقدر الأمكان و من غير مخاطرة غير محسوبة علشان الشاطر هو اللي بيروح بيته سليم (طبعا أرادة ربنا قبل كل شيئ)
كل ما الموتوسيكل يكبر تكون أنت محتاج حكمة أكتر و عقل أكبر
و ربنا يستر طريقنا كلنا

المشاركة الأصلية كتبت بواسطة elaven

كان ليا سؤال لو معندكش بايك اصلا ومبتدء ومبتعرفش تسوق ممكن تطلع لل 900
وكان الرد هنا
http://www.nilemotors.net/nile/247166-a.html

شكرا ليك ياجميل ع الرد ومعلش لو ماكنتش شوفت الموضوع قبل كده !

المشاركة الأصلية كتبت بواسطة yascro

اهلا بيك ف نايل موتورز
انت ممكن تسوق اى بايك طاما بتعرف تسوق كويس هتاخدلك
يومين تلاته مخضوض من الموضوع وبعد كده هتتعود

تسلم ياجميل ع الترحيب
انا الحمدلله بسوق كويس بس عيبي السرعة مش اكتر وكل اصحابي بيقولوا ال900 و1000 التسارع بتاعهم اعلي بكتير وحاجات كده يمكن علشان انا اتعودت ع ال250 وفهمتها

شكرا ليك ع الرد والمتابعة

المشاركة الأصلية كتبت بواسطة tito29

أولا أهلا بيك
ثانيا مافيش حاجة أسمها ينفع أركب ده ولا ما ينفعش
أنت أللي سايق المونوسيكل مش هو أللي سايقك
أنا مثلا لا أخاف من أي موتوسيكل مهما كان
ليه مش بأخاف؟؟؟ علشان أول ما أجربه بأمشي علي 60 كم في الساعة و لمدة كام يوم لغاية ما أتعود عليه و أبدأ أحس بقدرته شوية شوية و من غير مفاجأت
المقصود أنك تكتشف قدرات موتوسيكلك بهدوء و من غير تصرفات قد تؤدي لكارثة و بعد كده لازم تتصرف بحكمة و عقل
مش معني كلامي أنك ما تجريش............. بس أجري في السليم بقدر الأمكان و من غير مخاطرة غير محسوبة علشان الشاطر هو اللي بيروح بيته سليم (طبعا أرادة ربنا قبل كل شيئ)
كل ما الموتوسيكل يكبر تكون أنت محتاج حكمة أكتر و عقل أكبر
و ربنا يستر طريقنا كلنا

شكرا ياجميل علي الرد الوافي ده وفعلا انت عندك حق اني اخد وقتي لحد ما احس البايك الاول
انا كنت باخد رأيكم علشان كده وعلشان كمان بعد اذن الجميع هاتعبكم معايا
لو هاجيب 900 مثلا اجيب موديل كام ؟
قدامي 3 واحدة 919 موديل 99
وواحدة 929 مش عارف موديل كام
وواحدة موديل 98 ديجتال حاجة كده مش متأكد بالظبط ؟
وشكرا ليكم مرة تانية

المشاركة الأصلية كتبت بواسطة alfath8

اهلا بيك فى نايل موتورز
انتا ممكن تسوق اى حاجة فى الدنيا المهم انك بتكون تعرف تسوق وده اهم حاجة
موضوع 919 السوق غرقان 919 بس الحالات النادرة قليلة جدا اسعار الافراج الوقتى عندنا فى بورسعيد 35 و 36 والحالة العامة كويسة بس اه حاجة نسيت اقولك عليها مش لازم انتا تكون بتغير البايك علشان سرعته مش عجباك المهم انتا تكون مقتنع انك عايز تغير للأعلى وكله سواء يعنى انتا هاتجيب 300 كيلو فى الساعة دول فين فى مصر توكل على الله وشف انتا ناوى على ايه وبلاش 929

شكرا ياباشا ع الترحيب
انا بسوق كويس الحمدلله
هو فعلا انا بفكر اغير علشان السرعة بس البايك اللي معايا مريحني جدا جدا لانه لسه فابريقة
وانا محافظ عليه الحمدلله وده اللي رافع تمنه عند ناس كتير في واحد ميكانيكي صاحبي
كنت بغير عنده الزيت من كام يوم عرض عليا فيها فوق سعرها اللي اشتريتها بيه 1500 جنيه علشان ياخدها والحمدلله انا مش بعترض علي البايك بس بعترض ع السرعة
وعاوز اعرف ايه الفرق بين لما اكون معلق نمر وبين اسيبها كده لانها افراج وانا لحد دلوقتي مارخصتش وناس كتير تقول ماترخصش لانه بينقص تمنها هل الكلام ده صحيح وليه ؟؟

وحاجة تانية معلش يارجالة انا عارف ان اسألتي كتير بس بحاول استفيد منكم ومن خبراتكم في المجال ده هل ممكن ارفع البايك من الخلف مثلا ! علشان عندنا في القاهرة انتوا عارفين طبعا
كل 3 متر مطب وحاجة كده لازم اهدي ع الاخر وكمان اخد المطب بالجمب زي العربيات بالذات في الشوارع الداخلية عندنا في المنطقة مثلا انا عارف انه صح اننا نمشي بطئ في الشوارع المأهولة بس مش لدرجة اني اهدي ع الاخر كده علشان اعدي مطب
وانا قدامي واحد صاحبي عنده 919 حالتها كويسة جدا وناس كتير بتشكر فيها
بس عاوز فيها 34 الف وحاليا مش معايا المبلغ ولسه بحاول معاه ينزل السعر
والديجيتال دي بيبقي رقمها كام يعني مثلا 900 وكام ؟؟ وهل هي كويسة لاني مجربتهاش

وواضح ان ال929 مش حلوة مادام قولت بلاش ولا ليك وجهة نظر فيها ؟

شكرا ليكم مرة تانية ومعلش طولت في الاسئلة
في انتظار الرد