يا بنات و سايقين عربيات أسمعوا الشتيمه ليكم بودنكم و أبتسموا و دوسوا بنزين

**shaddadfalcon1** · 07-10-2011 03:58 PM

الستات كلهم سواقتهم مستحيله الا من رحم ربي واكتر حاجه بتخليني عايز اوقفها واقولها انتي فعلا مش تعبانه في تمنها هي الركنه
الواحد ممكن يلف ساعه عشان يركن العربيه في مكان كويس حتي لو بعيد وارجع الاقي واحده مصدره عربيتها في نص الشارع او في مكان اللي رايح واللي جي بيخبط فيها

والله العظيم مره لقيت واحده موقفه العربيه في نص الشارع في سموحه جنب يات والشارع مقفول وفضلت ازمر لقيتها جايه بتقولي كنت بودي ابني المدرسه ووقفت عشان ترجع لاننا كنا في اول الشارع من ناحيتها وورايا عربيات كتيير لقيتها بتقولي ارجع انا برده - وماله اصلي اتعودت علي الشهامه دي خلاص
يعني واقفه في نص الشارع ومعطله الطريق وموراهاش حد وعايزه الطريق كله يرجع عشان الشهامه

بصراحه الراجل اللي واراي نزل كلمها بالذوق وهي مصممه برده ان دي مش شهامه وفي الأخر رجعت

**shaddadfalcon1** · 07-10-2011 03:59 PM

المشاركة الأصلية كتبت بواسطة shnory

ايوه صح
احنا حنسيبلكم الحواري تسوقوا فيها واحنا نسوق في الشوارع الرئيسيه
==============================
مره كانت وحده سايقه قدامي وداخلين في شارع اخره شارع رئيسي ولازم نستني شويه علشان ندخل يمين
دي وقفت مستنيه فرصه علشان تدخل يمين
شويه والسكه فتحت
ودي وطت تجيب حاجه من علي الكنبه للبيبي بتاعها
وطولت وغاااااااااابت ونااااااااامت
حسسيتني انها جايبه طشت الغسيل معاها وبتاخد فمين

ويبقي اسمها زنقة الستات عشان اي واحده عايزه تعمل اي حاجه توقف الطريق وتعملها

**AmatoALLAH** · 07-10-2011 04:10 PM

المشاركة الأصلية كتبت بواسطة shaddadfalcon1

الستات كلهم سواقتهم مستحيله الا من رحم ربي واكتر حاجه بتخليني عايز اوقفها واقولها انتي فعلا مش تعبانه في تمنها هي الركنه
الواحد ممكن يلف ساعه عشان يركن العربيه في مكان كويس حتي لو بعيد وارجع الاقي واحده مصدره عربيتها في نص الشارع او في مكان اللي رايح واللي جي بيخبط فيها

والله العظيم مره لقيت واحده موقفه العربيه في نص الشارع في سموحه جنب يات والشارع مقفول وفضلت ازمر لقيتها جايه بتقولي كنت بودي ابني المدرسه ووقفت عشان ترجع لاننا كنا في اول الشارع من ناحيتها وورايا عربيات كتيير لقيتها بتقولي ارجع انا برده - وماله اصلي اتعودت علي الشهامه دي خلاص
يعني واقفه في نص الشارع ومعطله الطريق وموراهاش حد وعايزه الطريق كله يرجع عشان الشهامه

بصراحه الراجل اللي واراي نزل كلمها بالذوق وهي مصممه برده ان دي مش شهامه وفي الأخر رجعت

و مين قال لحضرتك اننا مش تعبانين في تمنها

**SHNORY** · 07-10-2011 04:29 PM

مره شوفت موقف موتني من الضحك وحرق دمي في نفس الوقت
واحده دخلت بعربيها بين عربيتين في شارع اول ما دخلت عربيتها اتزنقت وحكت من الجنبين فيهم
طبعا التصرف المثالي انها ترجع!
لا دي مرجعتش!!!!!!!!
افتكرت نفسها بتلعب نيد فور سبيد وبدات تحشر عربيتها وتوسع بين العربيتين علشان تعدي
فمشيت بصراحه علشان ممكن لو وقفتلها او كلمتها
تلعب معايا gta وتدهسني
===============
ملحوظه :
هو مش تهكم علي البنات بس اللي بتسوق كويس مش بتعمل تصرفات ......تخليها مصدر للنقاش او السخريه منها
الموضوع كله بنتكلم فيه بس علي اللي مبيعرفوش يتصرفوا ولا يسوقوا

- كمان متعه التريقه علي البنات جميله فمتحرموناش منها ههههههههههههههههههههههههه ههههههههههههههههههههههههه
==========================
خدوا دي كمان
واحد صاحبي كان بيعلم واحده السواقه
اول موقف فجعها انا مش فاكره كان ايه
بس اول حاجه عملتها انها صوتت وحطت ايديها علي عينها والعربيه ماشيه
ههههههههههههههههههههههههه ههههههههههههههههههههههههه هههههه

**ashouhdy** · 07-10-2011 04:39 PM

اول امبارح ... بنت راكبة بى ام دبليو الفئة التالتة موديل 2011 فيرانى

يعنى حاجة اية ماشاء الله المهم

ماشية قدامى عمالة تتمطوح يمين شمال وبعدين اتعدلت جيت جمبها وبشوف مالها

لقيت بت ال ........................ ماسكة الايفون بايدها التنين وبتكتب ماسج ولا واتس اب الله اعلم

طب دى يتقال عليها اية !

المهم لمانولا ... فى رجالة سواقتهم زبالة و فى ستات سزاقتهم زبالة

وفى رجالة سواقة محترمة وبنات سواقة محترمة ... ولا يهمك والمهم انتى مين فيهم

غير كدة الشتيمة بتدل على بيئة الشخص ... فهو بيئتة كدة زبالة متحطيش فى بالك

**shaddadfalcon1** · 07-10-2011 04:55 PM

المشاركة الأصلية كتبت بواسطة amatoallah

و مين قال لحضرتك اننا مش تعبانين في تمنها

هو انا قلت حاجه
بس فيه تصرفات فعلا بتوحي للي شايف ان مستحيل اللي سايق يكون تعبان في تمنها سواء راجل او ست

**Donzi** · 07-10-2011 05:22 PM

المشاركة الأصلية كتبت بواسطة moustafa_saad

فعلا انا اختى برده بقولها الكلام ده

هو اصعب موقف اتعرضتله لما سواق ميكروباص قطع عليها الطريق واتخبطت فيه وكسرت فانوس اللوجان والناس اتلموا والراجل النتن قاعد يزعق ليها واستغل انها بنت لوحدها رغم انها مش غلطانه
وقعدت تعيط يومين ورا بعض

لالالالالالالالالالالالا الكلام دا ماينفعش خالص ابعتهالي اديها كورس في اصول التعامل في المواقف دي

انا مرة سواق مشروع - اللي هوا الاخضر الكبير دا - في صلاح سالم و انا ماشية في الشمال في امان الله و الطريق بيلف شمال سيادته رمى عليا جامد و خبطلي الرفرف القدماني يمين و بعدين كمل في طريقه عادي جدا ولا كأنه عمل حاجة بس للاسف عملها مع الشخص الغلط

شديت وراه لحد ما جيت قدامه و فضلت ازنق عليه لحد ما جيبتو في اليمين و جيت قدامو و قفته و نازل بقى هايزعق و هايعيش و اييييييييييه هوا انا جيت جنبك و لا عملتلك حاجة - كانت الساعة 8 صباحا - زعقت انا كمان و الناس اتلمت و بعدين وطيت صوتي خاااااالص و قلتله كلمة واحدة تروح القسم ولا اجيبلك القسم هنا ؟؟ بكل هدوء و هوا فضل يزعق شوية فا قلتهالو تاني برضو بكل هدوء و ثبات و الناس بصراحة وقفت معايا بالذات اللي راكبين معاه عشان هما شافو اللي حصل و قعدو يقلولي طيب حضرتك عاوزة ايه و اللي يرضيكي و في الاخر خدت منه فلوس :b4_388:

**Donzi** · 07-10-2011 05:24 PM

الناس بقى اللي بيقولوا سواقة الستات و سواقة البنات !!! تقدروا تقلولي هما سواقين التاكسيات و الميكروباصات و الاتوبيسات و المينباصات دول من اي جنس بالظبط ؟؟؟ ولا دول جنس تالت

**AmatoALLAH** · 07-10-2011 05:29 PM

المشاركة الأصلية كتبت بواسطة donzi

الناس بقى اللي بيقولوا سواقة الستات و سواقة البنات !!! تقدروا تقلولي هما سواقين التاكسيات و الميكروباصات و الاتوبيسات و المينباصات دول من اي جنس بالظبط ؟؟؟ ولا دول جنس تالت

لا دول من الفضاء :)

-

الموضوع: يا بنات و سايقين عربيات أسمعوا الشتيمه ليكم بودنكم و أبتسموا و دوسوا بنزين

LinkBack

أدوات الموضوع

عرض

-

-

-

-

-

-

المواضيع المتشابهه

هو ليه مفيش بنات في مصر؟

استشاره للبيركزوا وهما سايقين

يا بنات ....

سواقة بنات

الكلمات الدلالية لهذا الموضوع

المفضلات

المفضلات

ضوابط المشاركة