الموضوع: يا بنات و سايقين عربيات أسمعوا الشتيمه ليكم بودنكم و أبتسموا و دوسوا بنزين

المشاركة الأصلية كتبت بواسطة moustafa_saad

فعلا انا اختى برده بقولها الكلام ده

هو اصعب موقف اتعرضتله لما سواق ميكروباص قطع عليها الطريق واتخبطت فيه وكسرت فانوس اللوجان والناس اتلموا والراجل النتن قاعد يزعق ليها واستغل انها بنت لوحدها رغم انها مش غلطانه
وقعدت تعيط يومين ورا بعض

المشاركة الأصلية كتبت بواسطة moustafa_saad

ياجاااااااامد .......... ايه الشطاره دى

بالنسبه لموضوع الفلوس اللى خدتيها من السواق
السواق اللى خبطها الناس اجبروه يديلها فلوس وهى اتأنزحت وقالت لا انا ماخدشى فلوس انا عاوزه اعمل محضر
طبعا السواق خد بعضه ومشى وهى راحت عملت المحضر اللى اساسا ملهوش قيمه
مش عاوز اقولك ان وهى بتحكيلى انا كنت عامل كده :_alshmokh08[1]:

على فكره هى احتمال تيجى معايا مقابلة اسكندريه يعنى لو انتى حاتيجى ممكن تديها كورس فى التصرفات دية لان اكتر حاجه مخوفانى من انى اسافر واسيبها هى العربيه اللى معاها وحاتتصرف بيها ازاى فى اى مشكله

وعاوز اعرف الاسمايل ده :b4_388 اللى مظهرشى شكله ايه

والله لسة مش عارفة ظروفي ايه فيما يتعلق بالمقابلة بس ماتقلقش في وسائل كتير للتواصل و اعطاء الكورسات و كله بتمنو

السمايل كان :b4_388: اللي بيسقف

المشاركة الأصلية كتبت بواسطة نور القمر

مرة دخلت بال 127 في نقل
بالظبط حديدة بارزة شمال من صندوق النقل خبط قايم الزجاج يمين عندي
طبعا القايم اتنى والزجاج اتكسر والباب باظ
وحضرته يدوب الحديدة اتحركت من مكانها اواتنت زاوية 10 درجة مثلا
اه انا الغلطانة وهوجاي يتخانق معايا وانا متوترة من الموقف وانا اللي اتضريت جامد وهو ولا حاجة
روحت مزعقاله وقلت له عربيتك مجرالهاش حاجة
راح ساكت على طول ومنطقش

هما ماشيين بمبدأ خدوهم بالصوت ، بس ربنا يخليلنا القلة القليلة المتبقة من شهامة الرجال اللي لما بيلاقو اللي في الموقف بنت بيقفوا معاها

المشاركة الأصلية كتبت بواسطة نور القمر

الشتيمة تلف تلف وترجع لصاحبها وهاتلزق فيه كمان
اللي مش عاجبه سواقنا يعمل مظاهرة بتفسيم الشوارع حارة حريمي وحارة رجالي
ولا اقولكم عشان تعرفوا اني كريمة خلي حارةحريمي وحارتين رجالي
وكفا المؤمنين شر القتال

حاره بس ؟ الستات أو معظم الستات اللي بتسوق يتسابلهم بلاد كامله مش حاره

المشاركة الأصلية كتبت بواسطة donzi

لالالالالالالالالالالالا الكلام دا ماينفعش خالص ابعتهالي اديها كورس في اصول التعامل في المواقف دي

انا مرة سواق مشروع - اللي هوا الاخضر الكبير دا - في صلاح سالم و انا ماشية في الشمال في امان الله و الطريق بيلف شمال سيادته رمى عليا جامد و خبطلي الرفرف القدماني يمين و بعدين كمل في طريقه عادي جدا ولا كأنه عمل حاجة بس للاسف عملها مع الشخص الغلط

شديت وراه لحد ما جيت قدامه و فضلت ازنق عليه لحد ما جيبتو في اليمين و جيت قدامو و قفته و نازل بقى هايزعق و هايعيش و اييييييييييه هوا انا جيت جنبك و لا عملتلك حاجة - كانت الساعة 8 صباحا - زعقت انا كمان و الناس اتلمت و بعدين وطيت صوتي خاااااالص و قلتله كلمة واحدة تروح القسم ولا اجيبلك القسم هنا ؟؟ بكل هدوء و هوا فضل يزعق شوية فا قلتهالو تاني برضو بكل هدوء و ثبات و الناس بصراحة وقفت معايا بالذات اللي راكبين معاه عشان هما شافو اللي حصل و قعدو يقلولي طيب حضرتك عاوزة ايه و اللي يرضيكي و في الاخر خدت منه فلوس :b4_388:

والله يا ريت كلهم اعصابهم جامده كده

علشان لما الاقي واحده ماشيه تلطش في مخاليق ربنا اعرف اعمل معاها زي ما بعمل في الرجاله وانا ضامن انها مش هتعيط ولا تسيب الدركسيون وتحط ايديها علي وشها

بالوضع الحالي انا اللي بهرب :))