عامتا البردجستون فى المقاس ال 17 مش حلو ودا كلام واحد حبيبى عنده توكيل بردجستون فى 6 اكتوبر
قالى البردجستون اخره ال 16 ممتاز
انا والدى معاه باسات وطبعا كان مسترخص ومركب نوع كورى ب 600 مشفاكر هانكوك ولا ايه
طبعا غي فردتين بسبب البلالين والمقاس فى الباسات 235/45/17
فطبعا هو معندوش خبره فى موضوع الكوتش لانه لابيقعد على النت ولا بيحتك بحد ففوضنى فى موضوع الكوتش وطبعا ايام الكوتش القديم اقسم بالله كنت حاسس انى راكب 128 من نشوفية الكوتش واقوله يابابا انت متاكد ان دى باسات
المهم سالت الراجل حبيبى فقالى افضل نوع كوتش اللى نازل معاها من المانيا كونتيننتال وفيها كل لمواصفات من سرعات ودرجه حرره وتاريخ جديد وكل شىء بكام يابرنس قالى ب 2300 جنيه للفرده وعامل معاك واجب انا اتصدمت وطبعا كلمت فرع بردجستون فرع عمارات العبور وسالته على الفرده البردجستون اليابانى قالى ب 2450 جنيه وطبعا قالى دى فرده سرعات طب مكتوب لحد سرعة كام قالى لا بس دى هايلة وكدا طب تستحمل درجة حراره لحد كام قالى برده
وطبعا الراجل صاحبى طلع كلامه صح لانه ورانى الانتاج وتاريخ الصنع ودرجة الحرارة والسرعة القصوى وقالى انت ان شاء الله هتركب عربيه تانيه ومعاك لحد 70 الف كيلو او 5 سنين
وماشاء الله غيرلى وطبعا عملى الاربع فرد نيتروجين ورصصلى الجنوط واقسم بالله كانى ركبت عربيه تانيه
فلو تقدر تدفع ادفع ومتسترخصش فى الكوتش والغالى تمنه فيه
مشهتقدر يبقى كبر دماغك من البردجستون خالص فى مقاس ال 17 وشوف مقاس الفرده مع الكونتيننتال 225/45/17 بيكام لان الكوتش الهانكوك او الكورى عامتا فى ال 17 برده سىء قوى وناشف موت موت وفعلا بيهلك المساعدين بسهوله بسبب الرزع وطبعا صباح البلالين
لو الميزانيه متسمحش يبقى حاول لما تنقى الفرده ايا كان نوعها تحاول تجبها طريه لان الفرده الناشفه اضرارها للعربيه اكتر من نفعها
ومتقلقش على العفشه لان كدا المقاس مفهوش خوف بس اللى بيدمر العفشه الكوتش السىء الناشف والرزع فى النقر والمطبات
المفضلات