النوع وتاريخ الصنع:فيات 131 سوبر ميرافيورى
بلد المنشأ: ايطاليا
بلد التجميع: المانيا
سعر السيارة: تقريبا كان 9 الاف جنيه سنه 1984 لما والدى اشتراها :)... ايام مكان الجنيه جنيه والشقه ب 20 الف جنيه .
تاريخ الشراء (المستعمل): 1984
قوة المتور(عدد الأحصنة): 96 حصان - @ 6000 دوره فى الدقيقه , 2 كامه . فى مواقع بتأكد انها 98 حصان .
سعة المتور: تحديداً 1585 سىسى .
العزم: 131 نيوتن متر عند 4000 دوره فى الدقيقه .
السرعة القصوى: 167 كيلو متر ...على حسب كلام بعض مواقع الانترنت .
العفشة والمساعدين: العفشه ناشفه جدا ...بس مع العلم ان السوست الى فيها الاصلى متغيرتش من سنه 79 !! + ان فيها مساعدين بولندى فى الامام مضروبين باظو بعد 10 ايام بالظبط من تركيبهم ومبهدلين العربيه وماشى بيهم مضطر ... بس عماتا ال131 معروفه ان عفشتها ناشفه .
نعومة السيارة: بالنسبه لعمرها بأعتبرها ناعمه الى حد كبير ..... يعنى مش بتلككلها ولا بحس انها عربيه نقل زى ما ناس كتير بتقول.. .
مقاس العجل:13 * 165 /80
مدى الثبات(ثابتة لحد سرعة كام): 130 ...بتبقى ثابته جدا مشاء الله واعتقد لو اتركب كاوتش اعرض الثبات حيبقى اكتر من كده " بس انا عماتا مش بزود عن السرعه ديه .
مدى قوة الفرامل: ضعيفه نوعا ما ... لكن الحمد لله دايما بتسعفنى حتى وهى منتهيه .. بس احتمال علاشان انا اتعودت عليها !!
توافر قطع الغيار: قطع الغيار الميكانيكه متوافره لكن للاسف كلها مضروب . الفوانيس مش موجوده نهائى انا جبت الاتنين الى ورا من 3 سنين كانو ب 300 جنيه وملقتهومش فى اى مكان تانى فى القاهره والفانوس الامامى لقيته عند فيات 2000 الفانوس الواحد الاصلى ب 225 جنيه , لكن طبعا ازاز الفانونس ب 12 جنيه ... والفانوس صاج ف محدش بيحتاج يغيره الى لقدر الله فى الحوادث الكبيره اوى "
مدى عزل كابينة القيادة: سئ
الاعطال: اعتماديه لاقصى الحدود " لكن سعات بتبيعنى فى لحظه :) " زى مايكون فيها روح . , بس اكتر مشكله فيها .. الكربيراتير عاوز يتشار ويترمى فى الزباله " استهلاك البنزين " مريع " 160 كيلو فى الصفيحه ولو جوه البلد فى زحمه موووووت ممكن تنزل النسبه ل 120 كيلو .
(الكماليات)
التكييف: لا يوجد
الpower: لا يوجد
السنتر لوك: يوجد
الزجاج الكهربائى:لا يوجد
فرامل ال abs:لا يوجد
فرامل ال ebd:لا يوجد
الكاسيت:لا يوجد
السماعات: لا يوجد
كماليات إضافية: جهاز انذار
مواقع متعلقة بالسيارة:
http://www.131mirafiori.com
الإنطباع العام: بحب العربيه ديه جدا وبستمتع بسواقتها فى الشتاء وبألعنها فى الصيف " لعدم وجود تكيف " . لكن عمرى ماكرهت العربيه ديه وبعزها جدا بالرغم من انى بسوق الواجا ... لكن لما برجع واسوق ال131 مش بسب والعن فيها زى ما اصحابى فاكرين .... بس هية حته التكيف هيه الى بتفرق معايا جدا فى الصيف ... لانى عدو الحر وبكره الصيف .
هل أنت نادم على شراء السيارة أم سعيد: طبعا مش انا الى اشتريتها لكن الحمد لله والدى ماندمش انه اشتراها .. بالعكس لانه اشترى 131 وباعها وزعل جدا عليها ... فأشترى واحده تانيه بعديها ب 6 شهور ومرضيش يجيب نوع او موديل تانى .
[/quote]