زيت للفيرنا باختصار

**alrazy** · 15-10-2011 04:01 AM

و لا انا شفته بس ده مش مبرر ان حد يقدم لنا حدمة متواضعة

احنا لما اشترينا العربية اخترناها لانها احسن حاجه متاحه وبنروح التوكيل لانه الاحسن ..... فيبقى ده مش مبرر انه يقدم لنا زيت غير مناسب " مش الاحسن "

انا غيرت زيت شل الاصفر 3 مرات و مره توتال المعدنى فى ايجى اوتو .... و ما اظنش انى هاغير لهم تانى ...... بس الصبر ان شاء الله يومين بالكتير و ان شاء الله نرسى على حل معقول ..... لحد الان الانسب زيت شل التخليقى زيت ال10000 بتاع التوكيل .....

**alrazy** · 15-10-2011 04:22 AM

مع ان الزيت ده 5w-40 بس ممكن انه يكون مناسب لان درجة الحرارة بدات تنزل اليومين دول

**alrazy** · 30-10-2011 01:42 AM

بعد البحث و جدت التالى

العربية لو جديدة بيقى الافضل زيت تخليقى زى مثلا : شل الترا و كاسترول ايدج الذهبى او فالفولين او ليكوى مول ....... الخ

فالفولين او ليكوى مول ... ما اعرفش عنهم حاجه و يفضل اللى جربهم يقول لنا رايه

اللى جربوا شل الترا و كاسترول ايدج .... فضلوا كاسترول ايدج ... و منهم الاستاذ ahmed china

و ده رايه فى كاسترول

بالنسبة لزيت كاسترول أن إستخدمتة دلوتى 8000 كيلو و بصراحة انا لقت إنه أفضل من شيل فى التالى :
1- صوت الماتور اصبح أكثر هدواء فى أى وقت مع بداية التشغيل أثناء السير مع السرعات العالية
2- عزم العربية و سحبها خصوصاً مع النقلات ال2 و 3 و4 تلاقى العربية بتسحب و عايزة تجرى فيها عزم عن الاول
3- بصراحة العربية مع زيت شل على سرعة 110-120 كانت صوتها عالى و خشن الوضع أصبح اكثر هدواً و نعومة على السرعة دى مع زيت كاسترول
4- العربية مع بعض الحمولة كنت بحس إن الماتور زى ما يكون بيبذل مجهود كبير و بيرفس (معلش فى اللفظ) دلوتى فى إنسيابيية و عزم متواصل تحت اى ظرف
اول 200 كيلو مش هتقدر تحس بالفرق بس مع الوقت و الكليوات التى هتمشيها إن شاء الله مش هتندم على إختيار كاسترول إيدج الذهبى
السعر 270 جنية +فلتر ب30 جنية يمشى 15000 كيلو بس انا هغير على 10000 و أشوف بقى شكلة إية

و الدكتور Ashraf_Ibrahim : ماشى بيه 15000 و زى الفل و برضه بيشكر فيه

يبقى كده النتيجه فى صالح ال كاسترول ايدج الذهبى على راى الدكتور Ashraf_Ibrahim

http://www.nilemotors.net/Nile/253031-15000-3.html

بيقى للفيرنا فى نوعين ايدج العادى و ايدج سبورت و هنا الحيره

لو دخلت على الموقع ده

http://www.castrol.com/castrol/ifram.......Id=7044829

هيختار ايدج العادى للفيرنا

و لو دخلت على ده " و هو تبع كاسترول برضه

Castrol Australia - NetLube

هيختار ايدج سبورت و ما جنيتك و ايدج العادى

..... يبقى كده قمة الحيره ...... انا ان شاء الله نويت على كاسترول ايدج بس مين فيهم .... مش عارف .... ان شاء الله هاستخير ربنا و اتوكل عليه و هاغير قريب جدا ... الاسبوع ده غالبا ... و ياريت اللى عنده معلومه مفيده يدلنى و جزاه الله خيرا

**Ashraf_Ibrahim** · 30-10-2011 01:57 AM

كاسترول ايدج بالفعل رائع جدا
تجربة تستحق التكرار
الحمد لله تقريبا انا عملت بيه 15000 كم بالضبك 14750 كم وهغيره يوم الخميس فان شاء الله هيكون كسر ال 15000 كم كمان
اللزوجة رائعة لما تقارن لزوجة الزيت بعد 15000 كم مع لزوجته وهو في العبوة بتاعته -خدت جزء من اللي باقي في الجركن بتاعه - لقيت ان الاتنين واحد ومفيش اي فرق بينهم غير في اللون فقط طبعا لونه بقا غامق اكتر عشان بيقوم بوظيفته
طيب كاسترول ايدج العادي واللا ماجنيتيك واللا ايدج سبورت؟!
ماجنيتيك بيمشي 10000 كم ودا اعتقد انه زيت نصف تخليقي يبقا مش هنحطه لعربياتنا غير بعد 100000 كم لو حالة الموتور اقل من 90% اما لو اعلى من كدة بتحط الايدج
طيب الايدج العادي واللا الاسبورت؟!
من وجهة نظري العادي لأن السبورت دا للمواتير التوربينية دا اولا وكمان لزوجته اعلى من اللي احنا محتاجينه وكمان السبورت بيتغير على 20000 كم !
بما ان مواتير عربياتنا عادية مش تيربو فانا شايف ان كاسترول ايدج اللي لزوجته 5/40 هيكون رائع جدا معانا وهيتغير بعد 15000 كم وانت مطمئن تماما انه هيمشي المسافة دي بدون ما ينقص او يعمل معاك اي مشاكل
صوت الموتور ناعم
سهولة في بدأ تشغيل الموتور وتحس ان العربية عايزة تنط من على الارض اساسا وتجري
احرق واجري متخافش
حمل العربية واجري متخافش
انا كنت انا والاسرة في العربية 6 افراد وماشي 160 بكل سهولة ويسر ولو كبست بنزين اكتر هتجيب كمان
ان شاء الله هجيبه يوم الاربع واغيره يوم الخميس باذن الله
ايدج العادي ب 270 جنيه
ايدج سبورت ب 300 جنيه
الخيار ليكم اولا واخيرا
كاسترول تكنولوجية بريطانية تعبئة اماراتية

**alrazy** · 30-10-2011 02:07 AM

اشرف باشا و الله كنت هابعت لك اللينك بتاع الكلام الاخرانى على موضوعك و ما كنتش شايف حضرتك انك هنا ... حتى و الله المشاركة الاخيرة بتاعة حضرتك لسه ما قريتهاش و لك 1000 شكر على المرور .... كل سنه و انت طيب

**elsheikh2010** · 30-10-2011 02:17 AM

انا عربيتي فيرنا لسه جديدة وحطيت مرتين زيت شل هيلكس 5000 ابو علبه صفراء والكلام ده في التوكيل فتنصحوني بإيه وانا رايح اعمل صيانة ال 10000 كم في التوكيل اثبت عليه ولا اغير لشيل هيلكس 10000 ؟؟؟؟ وطيب ولو غيرت لزيت 10000 كم فيه مشكلة على الماتور عشان انا حطيت مرتين قبل كده زيت شيل 5000 كم ؟؟؟ معلش اعذروني في أسألتي لأنه لسه انا في kg1 زيرو . وشكرا

**Ashraf_Ibrahim** · 30-10-2011 02:13 AM

المشاركة الأصلية كتبت بواسطة alrazy

اشرف باشا و الله كنت هابعت لك اللينك بتاع الكلام الاخرانى على موضوعك و ما كنتش شايف حضرتك انك هنا ... حتى و الله المشاركة الاخيرة بتاعة حضرتك لسه ما قريتهاش و لك 1000 شكر على المرور .... كل سنه و انت طيب

تحت أمرك يا باشا دايما وابدا ان شاء الله

المشاركة الأصلية كتبت بواسطة elsheikh2010

انا عربيتي فيرنا لسه جديدة وحطيت مرتين زيت شل هيلكس 5000 ابو علبه صفراء والكلام ده في التوكيل فتنصحوني بإيه وانا رايح اعمل صيانة ال 10000 كم في التوكيل اثبت عليه ولا اغير لشيل هيلكس 10000 ؟؟؟؟ وطيب ولو غيرت لزيت 10000 كم فيه مشكلة على الماتور عشان انا حطيت مرتين قبل كده زيت شيل 5000 كم ؟؟؟ معلش اعذروني في أسألتي لأنه لسه انا في kg1 زيرو . وشكرا

محمد باشا
عايزك تنسى تماما كلمة شل هيلكس الاصفر دا خالص واوعا تفتكره مرة تانية خالص عشان عربيتك
انقل على الزيوت التخليقية عندك شيل هيلكس الترا وكاسترول ايدج وموبيل 1
الافضل كاسترول وبعديه شيل هيلكس الترا انما زيت معدني اوعا تحطه تاني كدة عشان تحافظ على موتورك اكتر

**Ashraf_Ibrahim** · 30-10-2011 01:54 PM

المشاركة الأصلية كتبت بواسطة smsmbakr

ياجماعة انا شوفت ويت شل في جركن احمر بس مش فاكر الي مكتوب عليه
كان في عربية فيرنا بتغيرة عند بتاع الزيت مكتوب عليه زيت تقيل وبيقول انه 3000 ده ايه
وهل هو كويس ولا ايه ؟؟ وسعرة 80 ج

الزيوت الثقيلة بتتحط للمواتير الخفيفة اللي على وشك انها تعمر او تعمل طقم شنبر ودا محاولة في اطالة عمرها
دا طبعا ميتحطش للمواتير بتاعتنا خالص طول ما الموتور مظبوط !

-

الموضوع: زيت للفيرنا باختصار

LinkBack

أدوات الموضوع

عرض

-

-

-

-

-

-

-

المواضيع المتشابهه

جنوط الميجان ii باختصار

( باختصار) هل تشعر بالامان في مصر.!!

فيرنا باختصار تقفيل سئ سئ جدا

الصراع في دارفور، باختصار ...

عن الأُضـحـــيـة ، باختصار شديد!

الكلمات الدلالية لهذا الموضوع

المفضلات

المفضلات

ضوابط المشاركة