الموضوع: زيت للفيرنا باختصار

المشاركة الأصلية كتبت بواسطة alrazy

دى النتيجه النهائيه للموضوع ده باذن الله ..... كلام الدكتور اشرف ابراهيم .... جاب من الاخر ..... زهرة الزهره

تسلم يا دكتور ربنا يكرمك

المشاركة الأصلية كتبت بواسطة alrazy

الله يكرمك يا افندم و ادعيلى بشده

هدعيلك بشدة ان شاء الله وباخلاص كمان

المشاركة الأصلية كتبت بواسطة khaabas

بس سؤال يحصل حاجة لو حطيت الايدج سبورت

تابع معايا في الرد الجاي

المشاركة الأصلية كتبت بواسطة alrazy

بص يا باشا الايدج سبورت 4 انواع

زى الصورة دى



الاول 0w 40 : هو حسب موقع الشركة يستخدم ل
سيارات , vw golf, porsche post '94, bmw, fpv و غيرها

التانى 10w 60 : هو حسب موقع الشركة يستخدم ل ford falcon, holden commodore, nissan
gtr skyline, toyota supra و غيرها
" designed for both road and race applications. "

الثالث : 5w 30 : هو حسب موقع الشركة يستخدم ل
honda civic, honda integra, subaru wrx, toyota celica و غيرها

الرابع : 20w 50 : هو حسب موقع الشركة يستخدم ل ford falcon pre '97, holden commodore
pre '95, holden torana و غيرها
بيستخدموه للعربيات القديمة اللى مواتيرها معدلة للسباقات

بالرجوع للرسمة اللى فى اول صفحة مش مناسبين علشان ارقامهم ما تنفعش مع درجات الحرارة عندنا .... غير كده ما اعرفش عنهم اى حاجه و ناوى اسال عليه قبل ما اشترى الايدج العادى .... و على فكرة انا بعت لموقع الشركة بس ما ردوش على لسه ... يارب يردوا

ايدج سبورت اللي موجود هنا في مصر في بنزينات طاقة هو 10/60
بصورة عامة الزيت دا للمواتير التوربينية ويفترض انه بيمشي 20000 كم
طيب ماله الزيت دا؟!
لزوجته اعلى من المفترض للمواتير العادية !
احنا بنشتغل على لزوجة المفروض 5/30 او 5/40 حسب يعني
بالتالي 10/60 هيكون لزوجة عالية
زيادة لزوجة الزيت مش مفيدة في كل الاحيان لأن دا هيزيد من مقاومة الزيت ! ومواتيرنا عادية مش محتاجة اللزوجة دي كلها
هيبقا بترمي فلوس على الارض ملهاش اي لزمة ومش هتفيد موتورك بأي شيء بل على العكس قد تضره على المدى البعيد !
اما لو هتحط ايدج سبورت 5/30 دا يبقا زي الفل طبعا حطه وانت مطمئن وهتمشي عليه 20000 كم ودا سعره 300 جنيه بس اللزوجة دي والدرجة دي مش موجودة في طاقة هنا في مصر
وكزيادة تأكيد هسألكم يوم الخميس وانا بجيبه باذن الله


*دكتور الرازي:-
عرفت ان حضرتك هتيجي من بنها مخصوص عشان تجيب الزيت
بدل ما تطلع الدائري وتيجي لبنزينة طاقة على الدائري فيه بنزينة طاقة في قليوب تقدر تدخل قليوب وتجيب منها الزيت !
هي قريبة من المحكمة هناك بمجرد ما تدخل قليوب تسأل فين المحكمة هي جنب المحكمة على الشارع العمومي
سعر الزيت الايدج العادي 270 جنيه عشان العمال هناك احيانا بيحاولوا يعملوا شغل ويزودوا خمسة جنيه او عشرة جنيه بيلعبوا هما فانت تبقا عارف سعره كام
وبالتوفيق ان شاء الله يا باشا

الحمد لله امبارح اشتريت الزيت من بنزينة طاقة
كاسترول ايدج 5/40 بسعر 270 جنيه
وعديت على الميكانيكي بتاعي بالليل الساعة 11.20 تقريبا بعد ما خلصت شغلي
غيرت الزيت
الزيت كان عامل 14950 كم بالضبط
لما نزل الزيت بص على كميته الزيت مش ناقص ومظبوط وزي الفل
حغيرت فلتر زيت وحطيت الزيت الجديد وغيرت فلتر هوا ونضفت بوابة الانجكشن عندي -بستغرب من اداء العربية مع كل البلاوي اللي كانت في البوابة الحقيقة - البوابة كانت خرابة جوا هههههههههههههههههههه
وفكينا الرشاشات ونضفتها تمام
وفكيت التيل وسنفرته كمان وبصيت عليه لقيته زي الفل ممكن يمشي في حدود 10000 كم كمان بأمر الله ورجلشت تيل ورا كمان وربطت عفشة وزيتها كمان
ركبت العربية اول ما ركبتها طبعا الفرامل تقريبا مفيش قعدت امشي واضرب وامشي واضرب لحد ما عملت انغلاق تام واطمنت انها شغالة كويس
بس العربية عايزة تطير من على الارض اساسا :d

المشاركة الأصلية كتبت بواسطة moh.abdelbaset

طيب هل في فرق بين الفيرنا ال1500 و ال1600؟

فرق ال 100 سي سي فقط لا غير مفيش اي فرق تاني خالص

المشاركة الأصلية كتبت بواسطة mm_champion

انا عملت صيانة الالف في ابو غالي العبور للفيرنا , وعرفت انهم بيحطوا توتال كوارتز 5000 كم , هل الزيت ده مناسب ولا شايفيين ايه

زيت 5000 كم يعني زيت معدني
الافضل تحط زيت تخليقي