داخل على صيانة الأربعين ألف وناقصلى كوندنسر محترم

**dr_asaos** · 15-10-2011 08:32 PM

يا شباب الخير أنا دلوقتى خلاص قربت على 40 ألف وجبت كل قطع الغيار من سوزوكى سنتر فى التوفيقية سير كاتينة ألمانى وسير دينامو صينى"مفيش غيره" وفلتر البنزين وفلتر الهواء"مصرى" وفلتر الزيت"مصرى"وتيل أمامى هندى...وزيت موبيل1 وزيت باكم كمان...ومش هاعغير بوجيهات عشان لسه كنت مغيرها من ألف كيلو ونوعها يابانى nkg المهم أنا كنت حطيت موضوع انى بغير الموبينة كل شوية وطلع العيب فى الاخر من الكوندنسر..حوالى 7 كوندنسرات والعربية بعد كدة تقطع وتقف..وبسبب الموضوع ده غيرت حوالى 4 موبينات وطلع العيب مش منها...المهم دلوقتى النوع بتاع الكوندنسر اللى بجيبه ب 10 جنيه ومن كذا مصدر ومكتوب عليه made in japan .25 وكله بيضرب ولما غيته بواحد من عربية مستعمله بس بصراحة مش عارف مكتوب عليه ايه العربية ظبطت...فلفيت التوفيقية وكان فى محل مكتوب عليه دنسو ملقتشى فيه الكوندنسر وقالى ناقص رحت رايح عند محل اسمه البلطى تقريبا وقالى العيب فى الرقم اللى على الكوندنسر اللى هو .25 وادانى واحد نوعه gen .27 وقالى ده هيستحمل...فهل فى حاجة أقوى من كدة؟ وللعلم انى مركب تكييف فى الماروتى...أنا بسأل قبل ما أشيل اللى راكب دلوقتى وزى الفل...على العموم أنا كدة كدة هحتفظ بيه...وكمان حاجة كنت عاوز أغير زيت الفتيس حد عارف فتيس الماروتى ياخد كام علبة؟ أنا ناوى ان شاء الله أجيب موبيل... وده رابط للموضوع بتاع الكوندنسر المضروب اللى كنت بعانى منه!! http://www.nilemotors.net/Nile/244042-4.html وكمان هل فى حاجة ناقصة فى الصيانة كدة؟

**hamaza81** · 15-10-2011 10:57 PM

في حد من الزملاء هنا قال ان سوزوكي سنتر عنده كوندنسر دنسو بـ 35 جنية تقريبا

زيت الفتيس عندنا العربية مكتوب في الكتالوج 2.1 لتر
أغلب الناس - بما فيهم أنا - اشترينا زيت فتيس موبيل 90 علبتين كل علبة لتر سعر العلبة 18 جنية

ومعلش بقى قولنا أسعار الحاجة اللي انت جبتها ايه

**dr_asaos** · 15-10-2011 11:59 PM

المشاركة الأصلية كتبت بواسطة hamaza81

في حد من الزملاء هنا قال ان سوزوكي سنتر عنده كوندنسر دنسو بـ 35 جنية تقريبا

زيت الفتيس عندنا العربية مكتوب في الكتالوج 2.1 لتر
أغلب الناس - بما فيهم أنا - اشترينا زيت فتيس موبيل 90 علبتين كل علبة لتر سعر العلبة 18 جنية

ومعلش بقى قولنا أسعار الحاجة اللي انت جبتها ايه

الفاتورة فى العربية أول ما هاجيبها هاحط الأسعار ان شاء الله بس قطع الغيار كلها على بعضها ب 180 جنيه واللى فاكره ان الكاتينة ب 45 جنيه وأعتقد التيل الأمامى الهندى 65 جنيه والباقى هبقى أكتبه ان شاء الله وبالنسبة لموبيل 1 سعره أصبح ب 260 جنيه!!... أنا جبت كل حاجة من سوزوكى سنتر ولما سألته على دنسو قالى مفيش كوندنسر أصلا دنسو!! وما عندهوش غير النوع المنيل!!!

**dr_asaos** · 24-10-2011 03:29 AM

المشاركة الأصلية كتبت بواسطة hamaza81

في حد من الزملاء هنا قال ان سوزوكي سنتر عنده كوندنسر دنسو بـ 35 جنية تقريبا

زيت الفتيس عندنا العربية مكتوب في الكتالوج 2.1 لتر
أغلب الناس - بما فيهم أنا - اشترينا زيت فتيس موبيل 90 علبتين كل علبة لتر سعر العلبة 18 جنية

ومعلش بقى قولنا أسعار الحاجة اللي انت جبتها ايه

لسه جايب الفاتورة أهو من سوزوكى سنتر اللى فى التوفيقية
تيل أمامى ماروتى هندى=65 جنيه
سير كاتينة أمامى ألمانى=45 جنيه made in mexico!!
فلتر هواء مصرى=15 جنيه
فلتر زيت مصرى=15 جنيه
فلتر بنزين=15 جنيه
سير دينامو صينى"مفيش غيره فى السوق على حسب كلام الراجل"=10 جنيه
كوندنسر يابانى "GEN" من البلطى فى التوفيقية"غير اللى بيضرب كل شوية وتحمل أعلى وماعرفشى اذا كان ناوى يضرب ولا لاء"=15 جنيه
أبلاتين يابانى"المعتاد"=10 جنيه

**hamaza81** · 24-10-2011 10:53 AM

المشاركة الأصلية كتبت بواسطة dr_asaos

سير دينامو صينى"مفيش غيره فى السوق على حسب كلام الراجل"=10 جنيه

جبته قبل كدة من ميدو وركبتة
بعد 4000 كم بالظبط كنت بغير سير التكييف بصيت عليه لقيتة مشقق وزي الزفت
جبت واحد كوري من عند عفت المواردي في فيصل بـ 15 ومشيت عليه حوالي 1000 كم وبصيت عليه لقيتة كويس الحمد لله

عن تجربة السيور الكوري أحسن من الصيني بمراحل

**dr_asaos** · 25-10-2011 04:38 AM

المشاركة الأصلية كتبت بواسطة hamaza81

جبته قبل كدة من ميدو وركبتة
بعد 4000 كم بالظبط كنت بغير سير التكييف بصيت عليه لقيتة مشقق وزي الزفت
جبت واحد كوري من عند عفت المواردي في فيصل بـ 15 ومشيت عليه حوالي 1000 كم وبصيت عليه لقيتة كويس الحمد لله

عن تجربة السيور الكوري أحسن من الصيني بمراحل

تأكيدا لكلام حضرتك فعلا الميكانيكى رماه فى وشى المهم رحت جبت واحد ألمانى من دمشق ب 25 جنيه...بالاضافة الى باقى نتائج تجربة الصيانة...فلتر البنزين برده رماه فى وشى وقالى هات اللى بيبقى مصنفر أبيض ده..لأن اللى كنت جايبه مركبشى عشان الدراعين كانوا فى ناحية واحدة ولبست!! المهم جبت التايوانى ب 15 جنيه أو 20 مش فاكر...المهم كل حاجة ركبت الحمد لله وغيرت زيت موبيل 1 وزيت الفتيس بموبيل 90 اللى لقيته بصعوبة وقالى حاجة خلى بالك ان فى ناس بدأت تضرب موبيل 1...أهم حاجة والمفرحة حقيقى وهاعملها فى موضوع لوحده هو انى لقيت الكوندنسر الدنسوووووو اللى فى علبة شفافة ب35 جنيه لدرجة انى جبت اتنين وماكنتش مصدق نفسى وكمان حوشتهم وسبت القديم عشان كان مش بطال ومش عاملى مشكال!!!

**LORD.ADeL** · 25-10-2011 03:16 PM

سؤال
هو سير الدينو اللى كان زباله دة جي فى علبه شكلها ايه بالضبط ولا فردانى ولا مغلف ((:

زيت فتيس موبيل جبته منين ياباشا اي محطه؟
------------
مبروك يا دوك ع حاجات صيانه وتخلصها وباذن الله خير((:

**dr_asaos** · 25-10-2011 10:41 PM

المشاركة الأصلية كتبت بواسطة lord.adel

سؤال
هو سير الدينو اللى كان زباله دة جي فى علبه شكلها ايه بالضبط ولا فردانى ولا مغلف ((:

زيت فتيس موبيل جبته منين ياباشا اي محطه؟
------------
مبروك يا دوك ع حاجات صيانه وتخلصها وباذن الله خير((:

بص يا جميل الصينى والألمانى ماكنوش فى علب ..كانوا فردانى...ومكتوب على كل واحد مصنوع فى الصين والتانى فى ألمانيا وباين عليهم بصراحة الفرق من برة والاتنين كانوا مشرشرين...طبعا أنا ركبت الألمانى والصينى خده الميكانيكى وقالى ده ممكن يركب فى غسالة

**hamaza81** · 25-10-2011 11:41 PM

المشاركة الأصلية كتبت بواسطة lord.adel

سؤال
زيت فتيس موبيل جبته منين ياباشا اي محطه؟

تعالالي يا باشا
زيت موبيل عندك مكانين تجيبهم منه
مضمونين باذن الله
بنزينة موبيل اللي جنب مسرح الزعيم (بنزينة محترمة ومافيهاش حاجة مضروبة عن تجربة ناس كتير)
بنزينة موبيل اللي في أول الهرم وانت جاي من ميدان الرماية على إيدك الشمال (دي أصلا بتاعت شركة موبيل)
سعر العلبة 18
ممكن ماتلاقيش في واحدة فيهم يقولك البرميل والمسدس، ماتزودش ودور في الثانية

**dr_asaos** · 26-10-2011 12:13 AM

المشاركة الأصلية كتبت بواسطة LORD.ADeL

سؤال
هو سير الدينو اللى كان زباله دة جي فى علبه شكلها ايه بالضبط ولا فردانى ولا مغلف ((:

زيت فتيس موبيل جبته منين ياباشا اي محطه؟
------------
مبروك يا دوك ع حاجات صيانه وتخلصها وباذن الله خير((:

أنا أسف يا باشا ماختش بالى من سؤال زيت الفتيس..عن نفسى أنا من سكان مدينة نصر ومالقتهوش فى أى محطة موبيل فى مصر الجديدة ومدينة نصر!!بس لقيته فى محلات تغيير الزيوت اللى شارع ذاكر حسين بالقرب من عاشر مدينة نصر..وفى رأيى صعب ضربه عشان الميكروباصات كانت بتغير زيت فتيس هناك والناس دى ما يضحكشى عليها!! وعلى فكة أنا جبت الليتر ب 22 جنيه