الموضوع: مبيعات تويوتا بريوس تخطت مليون سيارة....متى نرى بريوس في مصر

العربية ١٥٠٠ cc بتعمل حوالي ٤٠٠ كم في الصفيحة (محرك هجين بنزين + كهربا ) سعرها في كندا حوالي ١٦٠ ألف مصري (جميع الكماليات بمقاييس كندا )...... تمنها قريب لاعلى موديل في الكورولا

ليه مش موجودة في الشرق الأوسط .....الله أعلم !!

موسو سنسيه أخبارك إيه يا باشا ....وصلت لايه في موضوعك :)
بص يا جميل هي فيها محرك بنزين و محرك كهرباء و بطارية و شوية حاجات تانية كده
فيها كمبيوتر بيحلل أداء السيارة و يشغل المحرك البنزين وقت الطلوع من ثبات و وقت الشد (في مطلع أو لو عملت كيك داون ) غير كده المحرك الكهربة هو إلي شغال لحد ما يفضى فيرجع المحرك البنزين يشتغل و يشحن المحرك الكهربا و البطاريه ....ببساطة شديدة
العربية استهلاكها داخل المدينة أقل من الطرق السريعة لأن محرك الكهربا بيشحن و هي واقفة
لو فضلت تشد و تحرق بنزين بتبقى زيها زاي أي عربية عادية
الجديد بقى إن العربيات حتبقى plug in يعني تسيب العربية في الفيشة طول الليل و تسوقها تاني يوم عادي لحد ما الشحن يقل ....بس ده موضوع تاني

أعرف أن ردى هذا سوف يغضبك يا أستاذ شيكو و لكنه واجبى لتوضيح الحقائق التى تختفى خلف الواجهة البراقة.
بداية أوضح أننى لست من المؤيدين لتصميم السيارة الهايبريد, و أرى أن عيوبها أكثر من منافعها.
المشكلة أن سيارات الهايبريد جاءت لمواكبة اتجاه امريكى بدأ يأخذ قوة دافعة كبيرة مؤخرا, و هو الاتجاه القائل بالتخلى عن نفط الخليج, و الذى يرى الأمريكيون أنه فى نهاية الأمر يذهب الى بن لادن و الارهابيين, و لذا فان هذه الدعوات ترافقت مع تقليل الاستهلاك, و ايجاد مصادر أخرى للطاقة, بحيث يقل اعتماد الولايات المتحدة على نفط الخليج, طبعا تعرف محطات الوقود التى تتحدث عن Terror Free Oil.
لذا الأمر ليس فى صالحنا و لا حاجة, و هذه السيارة لن تسير فى مصر بشكل جيد.
المهم أن سيارات الهايبريد التى بدأتها جنرال موتورز بشكل خجول, كانت تحاول مجاراة هذا الاتجاه, و رغم أن جنرال موتورز كان لها معظم الفضل فى تطوير هذه التقنية, الا انها مازلت تتردد فى انتاجها بشكل موسع, لكثرة عيوبها, و لكن تويوتا كما عودتنا دائما ما تعشق الصيد فى الماء العكر, لزيادة مبيعاتها.
الحل فى رأيى هو الاعتماد على محركات الديزل, القوية و التى تستهلك وقودا أقل من سيارات الهايبريد حتى, خاصة بعد أن أصبحت سيارات الديزل, قريبة جدا محركات البنزين فى تسارعها بعد تقنية التربو ديزل.