الموضوع: مبيعات تويوتا بريوس تخطت مليون سيارة....متى نرى بريوس في مصر

بصراحة يا فادي أنا مش عارف الرقم ...بس عارف إن مبيعات الديزل أغلبها جوا أوروبا....السوق الأوروبي أصغر من الأمريكي و من الأسيوي على حد علمي

المشاركة الأصلية كتبت بواسطة فادى

تمام يا أستاذ شيكو, هى فعلا مبيعاتهم أغلبها جوه أوروبا و هى سوق صغيرة نسبيا.
بس قدر حالتى النفسية يا أستاذ شيكو يعنى أنا شغال فى البترول لما العربيات تمشى بالكهربا كده أنا هاخد مرتبى منين :D.
ربنا يباركلنا فى الMuscles و تستهلك بنزين أكتر و أكتر :).

يا باشا ربنا يستر على الجميع ....قطاع البترول في مصر لسه ماسك نفسه مقارنة ببقية القطاعات
على ذكر ال-Muscle car ....الوحيده اللي سقتها كانت دودج شارجر بمحرك هيمي ....أداء جبار لكن العربية نفسها ما عجبتنيش .....و ركبت الموستانج و كان نفسي أنزل منها بأسرع ما يمكن.... سيئة لابعد درجة .
بس أكتر عربية استهلاكا للبنزين كانت فورد اكسبلورر و أقلهم طبعا البريوس :)

قريت يا شيكوو باشا ،،

الكلام اللي قاله جيف برس ،، اللي اشتغل في تويوتا 37 سنة ،،

و سابهم و راح كرايسلر ،،،

و قال علي تويوتا انها مبتدفعش حاجة من جيبها عشان تطور الهايبر،،

و كله علي حساب الحكومة اليابانية ،،،

بعد ما اتمرمغ في خيرهم راح يفضحهم

منور يا أحمد باشا .:).الصراحة ما سمعتش عن الحكاية ديه ...بس تبدو منطقية ...تقنية الهايبريد اللي بتستخدمها تويوتا ما فيش شركة تانية بتعملها على حد علمي ..و لا حتى هوندا ....و هي تقنية اثبتت كفائة على مدى أكثر من ١٠ سنين خلت تويوتا تتمتع بتميز نوعي و كيفي عن بقية المنافسين
أي حكومة محترمة (بتكلم عن اليابان و مش قصدي أي حاجة ) عندها نقص في الموارد (اليابان ما عندهاش بترول أصلا ) و جت شركة طورت تقنية للحد من إستيراد منتج ما داخل البلد .... لا و كمان تفوقت على المنافسة العالمية تبقي الحكومة غلطانة لو ما دعمتهاش

أمريكا و كوريا بتدعم شركاتها برضه ...مش عارف أوروبا نظامها إيه صراحة

عم جيف المنشق ده كفاية عليه عقاب إنه يقعد في كرايسلر و يشوفها و هي بتحتضر

هوا قال كده ،،،،


و تويوتا قالت كله من جيبنا يا بن ال .............

http://www.businessweek.com/autos/au...s_jim_p_1.html

و حتي في الكونجرس قال الحكومة اليابانية بتساعد الشركات اليابانية

بخصوص الحكومة الكورية حدث و لا حرج ،، قروض من غير حساب لشركاتهم الكبيرة ،، عدم

استجابة لمطالب العمال ،، حماية من نار



المهم بالنسبة ليهم انتصار المنتج الكوري علي المنتج الأجنبي

هو ده اللي بيحصل في كل الدنيا ...الحكومات بتساعد الصناعة المحلية بكل الطرق ....مقال البزنس ويك مثير فعلا بس بجد الأمريكان بيستهبلوا ......الشركات الأمريكية دول داخل الدولة و واخدين حقهم تالت و متلت ....قال يعني تويوتا سبقاهم عشان الحكومة اليابانية بتساعدها و هما يا عيني الحكومة الأمريكية مش مسنداهم ......أي مبررات هلامية و خلاص......ألف شكر يا أحمد باشا على الرابط :)