الموضوع: انا لبست فى الحيط

المشاركة الأصلية كتبت بواسطة l0new0lf

بص الموضوع ده عملناه و مبياخدش وقت خالص و مفيش حاجه اسمها فونط فى الارقام
الارقام ليها مقاس مش فونط و بتكون اسطمبات و بتدق, و ايه اللى هيخليك تشيل موتور من العربيه؟؟ عملنا الموضوع ده فى كيا سيفيا 2002 نفس الموضوع عندك و الموتور ماتشالش
و ورق الفحص تجيب جديد هيكلفك كام يعنى؟؟؟

الورق 25 جنيه يعنى ولا حاجه بس انا مش دافع 50 الف فى عربيه علشان اضربلها ورق

المشاركة الأصلية كتبت بواسطة syd

حضرتك فعلا ممكن تدق الرقم علي الموتور
وبسمع ان في ناس بتضرب ورق للعربيات والرخص والكلام دة بس نصيحة بلاش الي بيعملوا كدة الي عربياتهم متهربة او كانت انصاص ومتلحمة
لكن انت عربيتك سليمة فحرام تعمل كدة
انت يا أما تستعوض ربنا وتدفع ثمن موتور جديد عشان الورق
يا أما تحاول مع الراجل الي باع العربية في الأول

والله المستعان
،
،

مستحرم اجيب ماتور تانى لان ده مش زبنى ولو حصل وهاترسى على ماتور تانى هاشيلها ل الى انا واخدها منو اصل

المشاركة الأصلية كتبت بواسطة l0new0lf

العربيه اللى عملنا فيها كده كانت سيفيا2002 مرور السويس و عارفين صاحبها و كان اول ايد واخدها من المعرض و عارفين اصل و فصل العربيه و لما باعها لواحد صاحبنا و جه يرخص اكتشف ان الارقام فى الملف الاصلى و الموتور و كل حته مش مطابقه مع انها اتجددت و اتفحصت اكثر من مره فى مرور السويس
و كنا هندخل فى دوامه كبيره و الناس اللى فى المرور هم اللى اقترحوا علينا بكده و كان اخرها 50 جنيه للخراط و العربيه كانت مترخصه تانى يوم
بس لما تروح لخراط ياريت يكون معرفه او عن طريق حد عارفك مخصوص عشان ميفتكرش انكم بتضربوا ورق للعربيه و يجزركم فى الفلوس

قلقان انا من موضوع الضرب ده لان اخرتها يا اما مش هابقى مستريح نفسياً وانا ماشى بالعربيه يا اما تنتهى بقضيه وفى الاخر انا الى خصران

المشاركة الأصلية كتبت بواسطة إبراهيم المصرى

اتفق تماما مع رأى طنانى باشا حتلاقيه ان شاء الله فى مرور الدراسه وخد معاك البائع اللى حضرتك اشترتها منه لانه ملزم وعلشان لو فيه مشكله ورفض يساعدك و يتحمل معاك حلها ممكن ترفع عليه قضيه لو مفيش ورق للموتور

يارب يا ابراهيم الاقى ورقها فعلا

المشاركة الأصلية كتبت بواسطة jemy_tnt

لو ملقتش ورق للموتور فى حل انك تشترى موتور فاضى برقم جديد و فاتوره و تنقل كل اللى فى الموتور بتاعك فيه و تطلع ترخص عادى كانك غيرت موتور و اكيد الموضوع مش هيكلفك زى تكلفه لو فكرت تغير الموتور كله

ولو ملقيتش ورق انا زنبى ايه اتحمل ماتور كامل او نص ماتور حتى
ساعتها هارجع العربيه لصاحبها والى دفعتو هاخدو زوق او عافيه

المشاركة الأصلية كتبت بواسطة tananybasha

والله انا باحاول اوصل لظباط كان فى مرور الدراسه اللى عملى ورق عربية ابويا
لو كده
قول يارب

يارب يا طنانى تبقى خدمتنى خدمه العمر والله

المشاركة الأصلية كتبت بواسطة zizo50001

ربنا يكرمك و الموضوع يعدى على خير

يارب

المشاركة الأصلية كتبت بواسطة opelawy

منه لله للي عمل فيك كده

الحمد لله علي كل شئ و ان شاء الله بسيطة و تتحل

منه لله لو كان يعرف بس بس على كلامو انو ميعرفش والله اعلم بيعمل عبيط ولا فعلا ميعرفش
ويسمع منك ربنا

المشاركة الأصلية كتبت بواسطة mera11

ربنا معاك وتلاقى حل

يارب

المشاركة الأصلية كتبت بواسطة l0new0lf

اللى بيحصل بالضبط فى ورق الفحص
بيتاخد رقم الشاسيه. ازاى؟ بيحط ورقه الفحص نفسها على رقم الشاسيه و يشخبط عليه بقلم كوبيا فينطبع على ورقه الفحص , يعنى هو مبيقراش و يكتب حاجه بنفسه, بياخده طباعه زى ما هو
رقم الموتور, لو الرقم من فوق على البلوك و واضح بيعمل بالضبط زى المكتوب فوق ( ده غالبا فى العربيات القديمه الجر خلفى), لو الرقم من تحت او من الجنب فالراجل بيجيب ورقه بيضاء صغيره و يعمل نفس الطريقه المكتوبه فوق زى الشاسيه و بعد ما بيخلص بيدبس الورقه الصغيره فى ورق الفحص والكلام ده عشان ورق الفحص ميتوسخش بالزيوت و الشحوم اللى ممكن تكون على الموتور او فى الحوض
بعد كده بيطابق الارقام دى بالارقام اللى فى رخصه العربيه
و لو فيه عدم تطابق بيبتدوا يرجعوا لملف العربيه
هما رقمين مختلفين و دى طريقه اخدانهم
انما اللى حضرتك بتتكلم فيه ده انا عمرى ما شفته ولا سمعت بيه

لالالالا مافيش الكلام ده رفع بصمه الماتور والشاسيه زى ما انت قولت فى رفع بصمه الشاسيه بالظبت لان اسمها بصمه زى ما قال m_elkhishin

المشاركة الأصلية كتبت بواسطة m_elkhishin

أنا مع حضرتك في كل اللي قولته لحد الجزء الملون بالخضر
مش لازم يكون في اختلاف في البصمة والرقم في الرخصة عشان يرجع للملف، وانما رجوعه للملف بيكون عشان يتأكد ان البصمة سليمة وليس الرقم فقط.
من الاسم اسمها مطابقة بصمة وليس مطابقة رقم. يعني لازم يكون البصمتين لهم نفس الشكل والابعاد بالضبط والارقام متطابقة في الشكل والمسافات بينهم.

كلامك مظبوط

مهو تزوير رقم الشاسيه يعتبر ضرب اوراق وتزوير

المشاركة الأصلية كتبت بواسطة l0new0lf

انا فاحص (فحص مش تجديد) 6 مرات لعربيات مختلفه
ولا مره حد قال لى هات ملف عشان اطابق البصمه
و المره الوحيده اللى كنت بانقل من مرور عين الصيره لمرور فيصل طلبوا منى شهاده بيانات و شهاده تانيه مش فاكر اسمها ايه بس فيها كل تاريخ العربيه من اول نمره علقتها و الكلام ده من سنه 2003 و لحد النهارده ملف العربيه موصلش لمرور فيصل
فازاى اللى حضرتك بتقول عليه اتعمل اذا كان الملف مش موجود عندهم؟؟؟؟
و على فكره مهندس الفحص مالهوش علاقه بالملف بتاع العربيه مهندس الفحص كبيره بيشوف البصمه زى الرخصه مش اكتر, و اذا كان العربيه فيها حاجه محتاجه تصليح بيكتب لك على ورق الفحص و يديك مهله شهر ( علشان لو رخصك قربت تخلص) و الضابط بيمضى على كده
اللى بيراجع الملف هم الناس بتوع المراجعه اللى بستلموا منك الورق على الشباك و هم اللى عندهم الملفات
و اسمها بصمه لانه بياخدها نسخ زى ما وضحت قبل كده من على الارقام مش بيقراها و يكتبها بايده

يا باشا في التجديد انت ملكش علاقة بمطابقة البصمة لأن زي ما انت قلت الملف عندهم، ولو هو شك في حاجة حيرجع للملف من غير ما يقولك.

انما مطابقة البصمة اللي بنتكلم عليها بتكون لما بتنقل من مرور لمرور، بقى في عرف عندهم انك لازم تروح للمرور اللي فيه ملف العربية يطابق البصمة الجديدة اللي رفعتها على بصمة قديمة في ملف العربية، بيكتبلك طلب مطابقة بصمة على ظهر ورقة الفحص وبيختمها، ولما بتروح للمرور اللي فيه الملف المهندس بيطابق البصمة شكلا وقيمة ويكتب انها مطابقة وتختمها من الضابط.

العربيات الحديثة( يعني مديل سنتين تلاته فاتو) ساعات مبيطلبوش مطابقة عند النقل بس لو المهندس رخم بيطلب.

المشاركة الأصلية كتبت بواسطة m_elkhishin

على فكرة انا اشتريت عربية مرة تبع مرور عبود، ولما المهندس طابق البصمة مكانش مجرد قراية الارقام بس، ولكن كان بيطبق نص البصمة في ورقتين الفحص ويركبهم على بعض عشان يتأكد انها بصمة واحدة مش أرقام مدقوقة. يعني لو لقى الارقام مش راكبة على بعض أو فيها ترحيل تبقى ملعوب فيها.

ده اللى حصل معايا أنا كمان .. و لازم حجم الحروف و المسافات بينهم تبقى زى الأصل بالضبط .. و معتقدش ان الخراطة هتطلعها بالدقة دى.