انا لبست فى الحيط

**Mr7mix** · 20-10-2011 06:06 PM

السلام عليكم ورحمة الله وبركاته،،

الموضوع بأختصار شديد انا اشتريت العربيه والرخصه فيها شهرين وواخدها وفيها توكيل من المالك الاول الى المالك الثانى والى ان اخدها منو عملى توكيل وانا المالك الثالث ليها والرخصه بأسم المالك الاول

كنت ماشى فى اجراءات الترخيص وجيت على اخر خطوه و هو الفحص الفنى رفعت بصمه الماتورو الشاسيه فى مرور حلوان والمهندس قالى هاتروح للمرور التابع ليها السياره اصلا وهى مرور النزهه اعمل مطابقه بصمه وكانت المفاجأة بقى ان رقم الماتور مش مطابق لورق العربيه
حاولت كتير مع مهندس الفحص لان حسيت انو شكلو مادى اوى من ساعه لما رحتلو اتفضل اقعد وتشرب شاى ولا بيبسي ودخل فى فقره ربع تثبيت دى بس منفعش

المهم انو قالى لازم الافراج الجمركى بتاع الماتور مع العلم ان لاقيت فى الدوسيه بتاعها تغير ماتور قبل كده فى 2004 و الورق بتاعها موجود واتغير تانى بس المره دى ملهاش ورق بقى

خليتو رفع البصمه تانى غير الى خدوها فى حلوان قولت يمكن غلطه طلع نفس الكلام
اتصلت ب المالك التانى الى انا واخد منو العربيه بيقولى مغيرتش ماتور وانا اخدت العربيه وخليت صاحبها رخصهالى سنه وبعدين بعتهالك وقالى هايدور على رقم المالك الاول ويسئلو

دلوقتى بقى فى عندى احساس زفت انو مش هايلاقى ورق الماتور ده ساعتها بقى اعمل ايه ارجع ل الى انا واخد منو العربيه اقولو متلزمنيش واقلبها نصيبه واقولو لان انا كده يعتبر واخد عربيه من غير ماتور يا اما يجيبلى ماتور تانى بورق سليم يا اما ورق الماتور الى راكب ده
ولا فى طريقه تانى ممكن اعمل ورق للماتور الى فيها ده

**tananybasha** · 20-10-2011 06:09 PM

روح على مرور الدراسة
هتلاقيه هناك
بس هتتعب قوى

**l0new0lf** · 20-10-2011 06:16 PM

تروح لخراط و تخليه يدق لك رقم الموتور الموجود فى الورق على الموتور نفسه و لخص

**Mr7mix** · 20-10-2011 06:28 PM

صعبه اوى علشان الخراط مش هايعرف يكتب نفس الفونت الى مكتوب بيه الرقم

تانى حاجه اتكتب فى ورق الفحص ان الماتور مش مطابق ده غير انى هاشيل ماتور خالص من العربيه

بس هو حل بردو و فى اسواء الظروف ولو ملقيتش حل ساعتها هابقى لازم اعمل كده غصب عنى واعيد الفحص تانى ولا اكنى روحت فحصت قبل كده

**l0new0lf** · 20-10-2011 07:37 PM

بص الموضوع ده عملناه و مبياخدش وقت خالص و مفيش حاجه اسمها فونط فى الارقام
الارقام ليها مقاس مش فونط و بتكون اسطمبات و بتدق, و ايه اللى هيخليك تشيل موتور من العربيه؟؟ عملنا الموضوع ده فى كيا سيفيا 2002 نفس الموضوع عندك و الموتور ماتشالش
و ورق الفحص تجيب جديد هيكلفك كام يعنى؟؟؟

**SYD** · 20-10-2011 08:18 PM

حضرتك فعلا ممكن تدق الرقم علي الموتور
وبسمع ان في ناس بتضرب ورق للعربيات والرخص والكلام دة بس نصيحة بلاش الي بيعملوا كدة الي عربياتهم متهربة او كانت انصاص ومتلحمة
لكن انت عربيتك سليمة فحرام تعمل كدة
انت يا أما تستعوض ربنا وتدفع ثمن موتور جديد عشان الورق
يا أما تحاول مع الراجل الي باع العربية في الأول

والله المستعان
،
،

**إبراهيم المصرى** · 20-10-2011 10:17 PM

المشاركة الأصلية كتبت بواسطة tananybasha

روح على مرور الدراسة
هتلاقيه هناك
بس هتتعب قوى

اتفق تماما مع رأى طنانى باشا حتلاقيه ان شاء الله فى مرور الدراسه وخد معاك البائع اللى حضرتك اشترتها منه لانه ملزم وعلشان لو فيه مشكله ورفض يساعدك و يتحمل معاك حلها ممكن ترفع عليه قضيه لو مفيش ورق للموتور

**l0new0lf** · 20-10-2011 10:28 PM

المشاركة الأصلية كتبت بواسطة إبراهيم المصرى

اتفق تماما مع رأى طنانى باشا حتلاقيه ان شاء الله فى مرور الدراسه وخد معاك البائع اللى حضرتك اشترتها منه لانه ملزم وعلشان لو فيه مشكله ورفض يساعدك و يتحمل معاك حلها ممكن ترفع عليه قضيه لو مفيش ورق للموتور

هو الغرض انى احل المشكله باسرع و ابسط الطرق واحفظ حقى ولا انى ادخل نفسى فى دوامات و قضايا؟
عامه كل واحد بينام على الجمب اللى بيريحه

-

الموضوع: انا لبست فى الحيط

LinkBack

أدوات الموضوع

عرض

انا لبست فى الحيط - انشر الموضوع فى :

-

-

-

-

المواضيع المتشابهه

خبراء الدايو نوبيرا اتوماتيك .. شكلى لبست فى الحيط .. عاااااااجل

انا لبست في الحيط يا رجالة

لبست مطب :(

لبست

أرمنت الحيط

الكلمات الدلالية لهذا الموضوع

المفضلات

المفضلات

ضوابط المشاركة