الموضوع: انا لبست فى الحيط

المشاركة الأصلية كتبت بواسطة magdyelshikh

ان شاء الله تلاقى حل لورق الموتور وربنا حيسهل لانك ما ظلمتش حد
بس حوار خراط ودق ارقام والليلة دى .... مع احترامى لصاحب المدخلة بالحل ده ... مش حينفع ولو اتظبت الكلام فى الفحص المهندس مش حيتكلم ولا كلمة واحده معاك من على مكتبة يوصل لقائد وحده المرور ويقوله مسكت عربية مسروقه واللى سارقها موجود فى الفحص عايز يرخصها فى كلمة تلاقى جوزر عساكر على نيابة المرور وس وج واثبت بقى انك مش اللى عامل كده .... ولسه الحوار ده بتكلم فيه مع مهندس فى المرور صاحبى بيقعد معايا فى الكفاتريا جنب البيت .... امشى صح احسن دا انت صاحب حق ...

معتقدش انها ممكن توصل للدرجة دي لأن المشكله في رقم الموتور مش الشاسيه

المشاركة الأصلية كتبت بواسطة mr7mix

يارب يا ابراهيم الاقى ورقها فعلا

ان شاء الله هتلاقيه وربنا يوفقك ومن غير مجامله كلام طنانى والله صح لان فعلا فيه اداره اسمها الافراجات وبأعتبار ان مرور الدراسه هو المرور الرئيسى لمحافظة القاهره فممكن أوى يكون الافراج اوالمبايعه لسه هناك وف طريقها بس انت معلش اتعب شويه وربنا معاك ولم اقصد انك ترفع قضيه زى اخ فاضل فى مشاركه سابقه مبيقول ولكن قصدى انك تشرك البائع معاك وتعرفه للى بيحصل معاك لانها مسئوليته وفى رأىى اما انك تلاقى الورق وده بنسبة 99% واما تحميل المسئوليه بما فيها شراء موتور والتصرف بشكل قانونى افضل مليون مره حتى لانقع فى مشكله كبيره بسبب مشكله حلها سهل والله اعلم

المشاركة الأصلية كتبت بواسطة l0new0lf

هو الغرض انى احل المشكله باسرع و ابسط الطرق واحفظ حقى ولا انى ادخل نفسى فى دوامات و قضايا؟
عامه كل واحد بينام على الجمب اللى بيريحه

اتفق مع حضرتك تماما فى ان الغرض هو حل المشكله بأسرع وأبسط الطرق وحفظ الحق وعدم الدخول فى دومات وقضايا ولكن يجب ان يحدث ذلك بدون الدخول فى مشكله اكبر وفى رأيي المتواضع ليس هناك سوى ثلاث حلول
1 - ورق الموتور نجده فى مرور الدراسه فى وجود البائع او بمساعدته معنا
2 - بشكل ودى البائع يتحمل المسئوليه ونشترى موتور أخر
3 - وهذه ترجع للزميل الفاضل صاحب الموضوع اذا اراد (له الحق فى اتخاذ اجراءات قانونيه ضد البائع )
وفى النهايه اشكرك على الاهتمام والرد وعموماً الاختلاف فى الرأى لا يفسد للود قضيه

المشاركة الأصلية كتبت بواسطة magdyelshikh

ان شاء الله تلاقى حل لورق الموتور وربنا حيسهل لانك ما ظلمتش حد
بس حوار خراط ودق ارقام والليلة دى .... مع احترامى لصاحب المدخلة بالحل ده ... مش حينفع ولو اتظبت الكلام فى الفحص المهندس مش حيتكلم ولا كلمة واحده معاك من على مكتبة يوصل لقائد وحده المرور ويقوله مسكت عربية مسروقه واللى سارقها موجود فى الفحص عايز يرخصها فى كلمة تلاقى جوزر عساكر على نيابة المرور وس وج واثبت بقى انك مش اللى عامل كده .... ولسه الحوار ده بتكلم فيه مع مهندس فى المرور صاحبى بيقعد معايا فى الكفاتريا جنب البيت .... امشى صح احسن دا انت صاحب حق ...

يارب يا استاذ مجدى لان والله الموضوع ده تعبنى نفسياً ومسببلى عقده ومش عاوز اعمل اى حاجه ارجع اندم عليها او على الاقل مش هابقى مستريح نفسياً .. خلينا ماشين صح لغايه لما نشوف اخرتها هاتبقى ايه وان شاء الله تكون خير

المشاركة الأصلية كتبت بواسطة m_elkhishin

معتقدش انها ممكن توصل للدرجة دي لأن المشكله في رقم الموتور مش الشاسيه

ياباشا اليومين دول متضمنش الظروف مهو ممكن يقولك ان كده فى عربيه مسروقه وانت واخد منها ماتور يا اما يلبسك سرقه العربيه التانيه دى يا اما وربنا يستر وده الى انا خايف منو ان الماتور يكون مسروق فعلا و صاحب العربيه الاولانى اشتراه وركبو ومسئلش عن ورق

المشاركة الأصلية كتبت بواسطة إبراهيم المصرى

ان شاء الله هتلاقيه وربنا يوفقك ومن غير مجامله كلام طنانى والله صح لان فعلا فيه اداره اسمها الافراجات وبأعتبار ان مرور الدراسه هو المرور الرئيسى لمحافظة القاهره فممكن أوى يكون الافراج اوالمبايعه لسه هناك وف طريقها بس انت معلش اتعب شويه وربنا معاك ولم اقصد انك ترفع قضيه زى اخ فاضل فى مشاركه سابقه مبيقول ولكن قصدى انك تشرك البائع معاك وتعرفه للى بيحصل معاك لانها مسئوليته وفى رأىى اما انك تلاقى الورق وده بنسبة 99% واما تحميل المسئوليه بما فيها شراء موتور والتصرف بشكل قانونى افضل مليون مره حتى لانقع فى مشكله كبيره بسبب مشكله حلها سهل والله اعلم

ياااااارب
انا من ساعه لما المهندس قالى ان البصمه مش مطابقه كلمت الى انا واخد منو العربيه وعرفتو كل حاجه قبل ما اتحرك من المرور وهو قالى انو هايسئل المالك الاول وهايرد عليا من على نور من اولها ومشاركو فى المشكله من اساسها

الجديد بقى انى كلمتو النهارده وقالى ان المالك الاول للعربيه بيقولو ان العربيه اصلا كانت مرور مصر الجديدة واتنقلت النزهه وهايلاقى ورق الماتور ده فى مصر الجديدة ،، وشرط على الراجل بالغصب وبعد حوارات انو رجلو على رجلى بكره فى مرور مصر الجديده والنزهه لغايه لما نلاقى ورقها لو ملقتوش هاخطفو على مرور الدراسه وده اخر حل وربنا يستر بقى لان بعد الفه دى كلها ولو ملقيتش الورق ساعاتها والله خاطف الراجل نفسو وهاطلب من اهلو ماتور فديه

المشاركة الأصلية كتبت بواسطة إبراهيم المصرى

اتفق مع حضرتك تماما فى ان الغرض هو حل المشكله بأسرع وأبسط الطرق وحفظ الحق وعدم الدخول فى دومات وقضايا ولكن يجب ان يحدث ذلك بدون الدخول فى مشكله اكبر وفى رأيي المتواضع ليس هناك سوى ثلاث حلول
1 - ورق الموتور نجده فى مرور الدراسه فى وجود البائع او بمساعدته معنا
2 - بشكل ودى البائع يتحمل المسئوليه ونشترى موتور أخر
3 - وهذه ترجع للزميل الفاضل صاحب الموضوع اذا اراد (له الحق فى اتخاذ اجراءات قانونيه ضد البائع )
وفى النهايه اشكرك على الاهتمام والرد وعموماً الاختلاف فى الرأى لا يفسد للود قضيه

وانا متفق معاك جداً يا ابراهيم وفعلا المشكله دى ملهاش حل تانى غير كده
بس تفتكر لاقدر الله فى حاله ان ملقيناش ورق ويارب منوصل لكده هل اى اجراء قانونى هايفيدنى فى حل المشكله دى بسرعه اكيد طبعاً لاء ..

ساعتها انا هاخد اجراء غير قانونى وانى بجد هازعلو وهاعمل معاه الغلط ،، ويارب الامور متوصلش لكده

ممكن تتصل بالبائع وتطلب مساعدته
لو لقيته بيتهرب منك حاول تسجله مكالمة يكون بيعترف فيها
بعدين هدده واطلب منه انه يرجع فى البيعة من اولها فى مقابل انك هتقاضيه من غير متعرفه ان انت سجلت له
ولو لاوع معاك هتضطر ساععتها تمشي رسمي وتقاضيه و بالمكالمة المسجلة هتجيب من الاخر بس هتغرم مصاريف المحامي

انما لو لقيت الراجل متعاون يبقى معلش اصبر وامشي لنت وهو فى اي اجراءات

انما انك تضرب ورق حتى لو انت مظلوم مظنش ان هو دا الحل

وعلى فكرة ممكن لما الراجل كان بيرخص الناس في المرور بتاعه غلطو فى الرقم - وعلى فكرة ناس كتير اوى كانوا بعد ميستلوا الرخصة بيراجعوا بياناتها ويلاقوا غلط فى البيانات ويدوها للموظف فى الشباك يصححها

المهم ان الواحد اتعلم انه لما يشتري عربية سواء جديدة او قديمة يطابق الرخصة مع الشاسيه والموتور كاجراء احترازي

واسف لو كنت طولت عليك

المشاركة الأصلية كتبت بواسطة seifmando

ممكن تتصل بالبائع وتطلب مساعدته
لو لقيته بيتهرب منك حاول تسجله مكالمة يكون بيعترف فيها
بعدين هدده واطلب منه انه يرجع فى البيعة من اولها فى مقابل انك هتقاضيه من غير متعرفه ان انت سجلت له
ولو لاوع معاك هتضطر ساععتها تمشي رسمي وتقاضيه و بالمكالمة المسجلة هتجيب من الاخر بس هتغرم مصاريف المحامي

انما لو لقيت الراجل متعاون يبقى معلش اصبر وامشي لنت وهو فى اي اجراءات

انما انك تضرب ورق حتى لو انت مظلوم مظنش ان هو دا الحل

وعلى فكرة ممكن لما الراجل كان بيرخص الناس في المرور بتاعه غلطو فى الرقم - وعلى فكرة ناس كتير اوى كانوا بعد ميستلوا الرخصة بيراجعوا بياناتها ويلاقوا غلط فى البيانات ويدوها للموظف فى الشباك يصححها

المهم ان الواحد اتعلم انه لما يشتري عربية سواء جديدة او قديمة يطابق الرخصة مع الشاسيه والموتور كاجراء احترازي

واسف لو كنت طولت عليك

تسجيل المكالمة لا يعتير عمل رسمى وصحيح الا بعد الحصول على اذن نيابة ... لكن من اجل التهديد ممكن ولكنه غير قانونى