الموضوع: بلا جواز بلا هم

المشاركة الأصلية كتبت بواسطة yousef1978

يعمل اللي عليه ويسيبها على الله وربنا لا يفسد عمل المصلحين ولا يضيع أجر من أحسن عملا

البر لا يبلى والذنب لا ينسى والديان لا يموت
ببالضبط كده لكن اللى بيتقال ايه بقى :
لما تبقى هى السيدة خديجة الأول ابقى انا اللى اقتدى بالرسول والزوج دايما مستنى ان هى اللى تبتدى وهى اللى تصلح من نفسها وهى اللى تغير طباعها بحيث تتوافق مع طباعه هو حتى لو طباعه غلط يعنى لو مثلا هو متعود يرمى هدومه هى تتعود تلمها بدل ما هو يتعود يعلقها كده يعنى

مع ان هو الأقوى وقوامته تقتضى صبره على اذاها وحلمه عليها مش مجرد كف الأذى عنها
و


موضوع السن فده شئ مهم جدا وفيه واحد ما يقدرش يتعايش مع واحدة أكبر منه أو قريبة منه في السن وممكن الزواج يكون فاشل
طيب امال ليه هنا بيعمموا ياريتهم بيقولوا بلاش واحدة اكبر وبس ده كمان فرق سنتين و3 قليل !!! وبعدين عشان حد له تجربة فاشلة بظروف معينة لازم اى حد يخوض نفس الظروف يفشل مالناس بتختلف عن بعضها


كمان فى هنا مشكلة الآراء مسبقة الصنع محدش عنده استعداد يجرب هو اصحابه ومعارفه قالوا له مينفعش يكون فرق السن قليل يبقى هم صح قالوا مينفعش تبقى مخطوبة قبل كده لازم تجربوا كل حاجة مع بعض يبقى صح

يعنى انا شخصيا اتخطبت مرة واتعاقبت عشان مشيت فى النور بشرع ربنا افتح لكو قلبى واحكى لكو عن واحد اتقدم لى بعد ما فسخت الخطوبة وكان خاطب وبنت خالته كمان (يعنى ممكن اتنح واقول قصة حب) واثناء الحديث بيننا لاحظت انه بخبى خالص انه ارتبط قبل كده ومش ناوي يقول وكمان مش عارف انى اتخطبت قبل كده انا قلتله من هنا واتفتح التحقيق ولا وكيل النيابة من هنا وكنتو بقى بتخرجو مع بعض لوحدكو وكنتو بقى بتتكلموا فى التلبيفون بالساعات وكنتو ! وكنتو مع انى عندى استعداد ابعته لخطيبى السابق د ه شخصيا يسأله عن اللى هو عايزه لأنى عرفة ان رغم كل عيوبه مش هيجرؤ يتبلى عليا ويسأله اذا كان خلال شهور الخطوبة دى سمحتله يمسك ايدى ولا عمرنا خرجنا لوحدنا ده حاجة غريبة جدا هو مفروض متقدم لواحدة محترمة ولا اللى فى حاجة بيفتكر كل الناس زيه ولا الراجل الشرقى بيتقبل يقنع نفسه ان البنت كويسة طالما متخطبتش مع انها ممكن تكون عملت بلاوى عالنت او التليفون ربنا يشفى
واللى بيمشى فى النور وسط اهله عشان يشوف اللى متقدم ده مناسب يرتبط بيه ولا لأ يبقى متهم
والموقف ده اتكرر كذا مرة : (

ولو رتبنا عوامل نجاح الزواج هنلاقي إن المادة آخر عامل فيهم والمرأة في إيدها تتغاضى ولو مؤقتا عن أمور مادية كثيرة

وده هيكون في مصلحتها أيضا لأن زي ما الرجل نفسه يتجوز فالمرأة نفسها تبقى عروسة وتفرح زي غيرها ( طبعا هتفرحلها يومين وبعد كده هيطلع على عنيها ههههههه ) ما انا بقوللك ليه البنات نفسها مقفولة عن التضحية

الست المفروض تكون مهتمية بمظهرها ورشاقتها لأن المغريات كتيرة والشاب أو الرجل غصب عنه بيشاهد مناظر بتضغط على أعصابه

زى ما بنبص لستات بتحافظ على نفسها لازم نبص لأزواجها وهم واقفين يساعدوهم فى المطبخ بلا غضاضة زى ما كان الرسول عليه الصلاة والسلام قدوتنابيصلح نعله ويكنس بيته ويجيب الحاجة من السوق وفى خدمة اهله
لما يوم الفسحة الأسبوعى يكون مقدس
اكتر من موعد الماتش وخروجه مع اصحابه و يبقى قاعد يقرا الجرنان ولا بيلعب جيمز وشايفها هلكانة شغل ومش هاين عليه يجيب لنفسه كوباية الماء
ولا حتى يشيل حاجته فى اماكنها واحيانا مبيعملش حتى المسئوليات اللى عليه من ذهاب لمصالح حكومية وخلافه ويتحول لمجرد واجهة اجتماعية زجاجية

وفى الوقت اللى هواياته لا يجرؤ حد يمسها هى اهتماماتها فى الحياة تفضل تتسحب منها بالتدريج وطلباته اللى هى كتير مش واجبات عليها بل ازيد من واجباتها بمراحل تبلعها وشوية شوية تفقد العاطفة والشغف وتتحول حياتها لدائرة من العمل الروتينى الممل والطلبات التى لا تتنتهى وحتى لما تعملها تلاقى اللى قدامها بيقول لها وانتى بتتعبى فى ايه يعنى ما عندك الغسالة التوماتيك وجدتك معرفش ايه بمنتهى انعدام الدم و تتحول هى لكائن هلامى حتى متتابعش ايه اللى بيحصل فى الدنيا وميلاقيش حاجة يكلمها فيها وتبدأ الشكوى وهو لو فعلا بيفكر يريح البنى ادمة اللى معاه ويعاملها بمودة ورحمة ده لو لقاهم اخترعوا جهاز شغالة انسان الى وفى متناول ايده يشتريه يجيبه عشان يريحها ويلاقى وقت يقعدوا فيه مع بعض ولا تذاكر للولاد مش بوسى ايدك ان مش بتطبخى على وابور الجاز
ورأى الأئمة الأربعة فى خدمة المرأة جوزها معروف وقلنا من العشرة بالمعروف انها بتخدمه او فى علماء قاله تعمل وتاخد ثواب المهم يعنى على الأقل يبقى فى تقدير ومعاونة ليها او يفهم انها هتعمل اللى هتقدر عليه وبس واللى مش هتقدر بقى مش هتعمله وميشتكيش!

وقالوا مليون مرة إن طبيعة الرجل غير طبيعة المرأة وربنا بيعلمنا إنه ليس الذكر كالأنثى فمستحيل نفكر بعقلية المساواه ولكن المفروض نفكر بالعدل مين جاب سيرة المساواة حقوق المرأة فى الأسلام تملا كتب بس احنا نعرف ناخدها منكو

المطلوب إن المرأة لو أعجبت ووافقت على الزواج من رجل إنها لا تكلفه أكثر مما يطيق وتحاول تكون البلسم اللي يخفف آلامه والدواء اللي يقلل مخاوفه من المستقبل ولازم نعترف ان فاقد الشىء لا يعطيه ولو ملقتش الحاجات دى منه ولقت انانية وقسوة هتجيب له البلسم ده منين من الصيدلية؟

طبعا مش مطلوب منها ترضى بإمكانياته لو مش مناسبه لها لكن لو وافقت عليه وهي عارفه إمكانياته يبقى ما تضغطش عليه بقى - والشئ الطبيعي إن الشاب امكانياته مش هتبقى زي والدها حاليا لكن هتبقى زي إمكانيات والدها نسبيا لما اتقدم لمامتها على فكرة فى ناس باباها لما اتقدم لمامتها كان غنى : ) طب اللى بيروح للعائلات دى وبيفضل يحقق لهم طلباتهم يجى يشتكى لنا ليه انا اعرف ناس جاى لهم شبكات من 50-150 الف وده عادى عند الشاب اللى اتقدم ومش حاسس انه عمل حاجة زيادة فكل قصدى ان محدش يحس انه بيتكرم عالبنت انه تعب على ما جاب فلوس قبل ما يعرفنى انا مالى بيتعب عشان يتجوز سواء انا او غيرى ده زى الطفل لما يقول لباباه انا ذاكرتلك اهو
حتى بعد الجواز لما تجتهد فى شغلك هو اولا لنفسك ولا عايز تبقى فاشل !!لكن لو اشتغلت شغل اضافى مثلا عشان تخلى عيلتك مش محتاجة حاجة يبقى كتر خيرك

والعقل بقولنا ان الماديات بتيجي بعدين ويكفيها إنه يكون قد المسئولية ويعمل اللي عليه ويجتهد قدر الإمكان في العمل والسعي للرزق

والر

أنا عن نفسي صعب علي إني أتجوز على مراتي واحدة أحلى منها لكن لو فكرت اكيد هأتجوز واحدة مناسبه لها وهيبقى هدفي إني محتاج زوجة تانية مش جايب مربية لزوجتي الأولانية لأني فشلت في إقامة حياة صحية معها



وأة


الزواج والعشرة محتاج الراجل او الست يقدر التاني ويقدر ظروفه ويقيم شريكه في الحياه هل عامل اللي عليه تقريبا ولا مهمل في واجباته

لو عامل اللي عليه يبقى لا غبار في ذلك ولا لوم

وكل واحد يجط نفسه مكان الآخر ويحاول يحس بيه وهنلاقي الحياة فلة شمعة مولعة



على فكرة يا أختي الكريمة أنا قريت لك مشاركات كثيرة سابقة كلها تدور حول فكرة إن الي ما معهوش ما يلزموش ولا يدورله على واحدة تناسب إمكانياته

ودي فكرة في رأيي تتعارض نوعا ما مع ما يدعوا إليه الإسلام من التخفيف من المهوريبقى حضرتك فهمتنى غلط لأن الأسلام هو اللى بيقول ايوه اللى ميقدرش يصرف على واحدة طبعا ميتجوزش مش كده برضه ولا هياخدها يجوعها انا كنت بس برد عالناس اللى بتشتكى من طلبات نفذوها فعلا طب بتوافقوا ليه ؟؟ ومش معنى ان واحدة توافق على امكانياته انها بمواصفات رديئة هى تلاجة! ما هى واحدة كويسة بس مقتنعة بتخفيف المهور ولا هم الكويسين بس هم اللى بيطلبوا طلبات عالية مش فهمة برضه

هو انا قلت يروح لواحدة مش عاجبه مواصفاتها ولا شكلها !!! لأ طبعا بس هو لقى دى مبالغة حاجة من 2 اما يسيبها اما هى لقطة وبمواصفات نادرة وتستاهل فعلا كده واكتر من كده يجتهد ويحاول يلبى لها طلباتها وميشتكيش بقى ويدبدب فالأرض وجايز الطلبات الوحشة من وجهة نظره دى عندهم فى عيلتهم كلها عادية جدا وهو بس اللى شايفهم مصاصى دماء بيستغلوه !!! لازم نسمع وجهة نظر الطرف الآخر
او يحاول يقنعهم بامكانياته وانه فعلا ابن اصول مش هيجى فى المستقبل يقول انا اخدتك بالرخيص زى ما بنشوف


يعنى انا لو بعت ممتلكاتى عشان اجيب الجهاز اللى عليا اقعد اذل فيه بقى ولازم يحس بالتضحيات الفظيعة -هو ملوش دعوة انا وفيت طرفى من الأتفاق ازاى دى مش مشكلته ده كان كل قصدى

فالدين لم يطلب من الرجل أن يقبل بإمرأة لا يقتنع بمواصفاتها ولم يعجب بشكلها وكذلك لم يطلب من المرأة أن توافق على زوج لا تتقبل شكله أو أسلوبه ولكنه أمر المرأة أن تقلل من طموحاتها المادية طالما أن نظرتها للمستقبل فيها أمل إن الشخص ده إن شاء الله مسئول وهيعمل اللي عليه


وكل سنة وانتوا بخير عيد الأضحى قرب ومحتاجين نشتري خروف العيد لو حد فيكم يعرف الكيلو بكام يبقى مشكووووووووور












.

ايوه يا نونيتا بصراحة كده بفكر ابعت لأدارة المنتدى تلموا من بعض عشا ن اروح لدكتور لأن المواضيع هنا جابت لى عقدة نفسية وبعد ما كنت انسانة طبيعية عايزة اتجوز عادى خلاص نفسى اتسدت تماما تماما واذا كان الجواز من عقليات بتفكر افكار عجيبة كده انا مضربة حتى اشعار آخر او لغاية ما تبعتوا الفلوس

يا solobiker

اولا انت بتتكلم بنفس الطريقة اهو تقعد فالبيت زى ماهى قعدة -ياعم انتو هتهددونا عارف انتو عاملين زى اللى بيهدد طفل بأنه هيأكله شكولاته كل يوم
زى ما انتو قاعدين فى بيوتكو ماما بتدلعكو وبتتفسحو احنا كمان اخر روقان
ياسيدى البنت معززة مكرمة عند اهلها لا واحد بتخدمه وقاعد يتأمر عليها ويذلها باللقمة اللى بيأكلها لها مع ان له بيها اجر وحتى استمتاعه بيها له بيه اجر
ولا محسسها انه عمل جميل بالشقة اللى تعب على ما جابها كأنه لمها من الشوارع
ولا مع اى خلاف يخش منتديات يفضحها قدام الأغراب كان هو الملاك البرىء المظلوم وهى الشيطان
ولا بيتجبى عليها بحقوقها وزى ما بيقولوا هنا لو طلبت طلبات يبقى معندهاش احساس !!
ولا يسمح للناس ترد عليه وهى بتتكلم على مراته المحترم ده وتقولله تتعدل ببوز جزمة
سيبها مرمية فالبيت وانزل اتفسح هترجع تلاقى الوش الخشب اتعدل

مش بيتصاحب عليها بنات عالنت ولا عين جوزها زايغة فى الشارع او الفيديو كليب والحجة محفوظة جسمها اتغير رغم محاولاتها المستميتة للحفاظ عليه بحرمان نفسها من الأكل وخلافه بسبب الحمل والولادة فى نفس الوقت اللى البيت فوق دماغها ومش بيساعدها فى اى حاجة


مهياش مع واحد شايف نفسه خالى من العيوب وعليها هى فقط تغيير نفسها بما يتناسب معاه

مبيتهمهاش انها مش حنونة وهو مبيسمعهاش كلمة حلوة ولا بيبص لها باعجاب ولا لقت فى الجواز حاجة من اللى كانت بتحلم بيها وانتظرتها سنين عمرها

ودايما الست المرغوبة هى اللى مش فى ايده


بتصرف فلوسها على مزاجها لا حد حاطط عينه على ورثها ولا على مرتبها من قبل الجوازواهى مشروع زوجة ومربية وفلوس 3*1 بسعر 1

ومهياش مع واحد بيشتكى من عدم التقدير وهو مبيقدرش اى حاجة هى بتعملها يعنى هى بتعمل ايه زيادة ويمكن هو كل اللى يعرفه عن ولاده شكلهم

مهياش مع واحد فاكر الجواز فسحة ويصحى مالنوم يتصدم انه مسئولية وبرضه يفكر يتجوز تانى يقنع نفسه ان الجوازة التانية بقى هتبقى فسحة ومن غير طلبات
مش هتكرمش وتعجز بدرى من شيل الهموم دى كلها
واللى متنازلتش زمان مش هتتنازل دلوقتى 80 % محدش بقى عنده قصص اكتر منى
فالعنوسة اللى بتهددوا بيها مش حاجة رهبة قوى طالما البديل الذل وال الواقع المر والهوان تبقى القعدة من غير جواز نعمة ورحمة

=============================


نتكلم بقى عن جواز الصالونات
1=تقدر تقوللى طريقة واحدة محترمة بتخاف ربنا تعرف تتجوز بيها غير دى؟؟؟؟؟؟اذا مكانش فى محيط قرايبها او زمايلها فى الشغل حد اعجبوا هم التنين ببعض مش من طرفه هو بس
واذا مكانش عندها استعداد تتعرف عالنت

2=مش السبب فى عدم التغاضى عن عيوب جسمية مثلا جواز الصالونات
ببساطة انا شخصيا قبلت ارتبط بخطيبى السابق ده وانا عارفة انه عامل عملية كبيرة فى القلب وانا عمرى ما كنت اعرفه قبل كده لأنى كنت بدور على انسان صادق مكنتش لقية واتهيألى ساعتها بسذاجة انه طالما قال حاجة زى كده عمرى ما كنت هعرفها يبقى صادق والصفة دى كانت ومازالت مهمة عندى جدا

3=جواز الصالونات يفرق عن اى جواز فى طريقة التعارف اول مرة بس

يعنى بدل ما تشوفها بالصدفة فالشارع ولا الشغل تعجب بيها حد قاللك عليها فشفتها لكن الأكيد لو منشأش بينكو قدر معين من العاطفة متكملش الموضوع طبعا

فى ناس مبيفرقش معاها وبتكمل عادى طالما فى قبول بس كل واحد وطريقة تفكيره