أغيثوني أغاثكم الله

**smsm_nabawy** · 25-10-2011 08:00 PM

المشاركة الأصلية كتبت بواسطة shnory

نزل الزيت في جركن وشوف العربيه فيها زيت قد ايه
دا مبدئيا بس كده
مش حضرتك تقريبا كنت عامل موضوع تاني ومغير جوان او حاجه في العربيه ؟؟

لا والله مش أنا ،، انا كان عندي جوان التاكيهات بيسرب زيت على جسم المتور من برا ،، و بعد كده غيرته و عموماً هوا رجع يسرب زيت بردوا تاني !!! :(
و حشوف حكاية الزيت دي

المشاركة الأصلية كتبت بواسطة ahmed_mido1889

ممكن يكون معدل بخر الزيت عالي

وبعدين انت حطيت زيت التعاون لزوجته ايه ومنين؟؟

طيب تمام ،، يعني ممكن يكون الزيت نفسه بردوا ؟؟ يا ريت والله أحسن الموضوع يقلق ،، أنا الي مطمني ان مفيش دخنة بيضاء من الجاكمان الحمد لله

المشاركة الأصلية كتبت بواسطة titos_81

ممكن تكون كميه الزيت زياده فى الموتور

مش عارف ،، بس أنا حتى الراجل لما غيرلي محطليش كل كمية الزيت !!!! و لما حطه قسناه بالمقياس أكتر من مرة ،، و دورت ،، و قيسته تاني بردوا ،، و كان مظبوط !! :((

**smsm_nabawy** · 25-10-2011 08:33 PM

المشاركة الأصلية كتبت بواسطة nice_bird

الدخان الابيض
1- لو في الدوارة الصبح بس بيبقي من بخار المية والجو برد وكدا
2-لو علي طول في نقص في الزيت يبقي الموتور بدأ يخف شوية
3- لو مغير جوانات او العربية ضربت جوانات قبل كدا ممكن يكون وش السلندر مش مظبوط تماما وبيعدي نسبة زيت وتظهر اكتر لما تقرص عالعربية جامد

اما بالنسبة للمبة الزيت اللي يخليها تتاخر في الطفي
1- الفلتر نوعه سيء او عايز يتغير
2- سحب طلمبة الزيت ضغيف شوية

لا الحمد لله العربية موديل 2006 و معملتش عمرة ولا غيرت جوانات وش سليندر ولا حاجة ،، انا غيرت حوان تاكيهات فقط
و قلقان انا من الطلمبة !! :((

المشاركة الأصلية كتبت بواسطة elawany13

سمسم ربنا معاك
هوه فايظ الزيت فين بالظبط ؟؟

آمين ياا رب ،،
الفايظ ده عندنا عبارة عن خرطون بيتخدل في مجرى كده موجودة في عمة الهواء ،، انت و انت بتغير فلتر الهواء حتلاقي زي أبوبة منفذه على تحت ،، لما تيجي تشوف منفذة على أيه ،، حتلاقيها من تحت العمة ،، داخل فيها خرطوم ،، هوا ده الفايظ

وظيقته يستخدم الفايظ ده في تليين البوابة

المشاركة الأصلية كتبت بواسطة start_wow

بصراحة مش عارف مشكلة زيادة الزيت دي تكون منين يا سمسم..متابع معاك وقولنا بتحل المشكلة دي ازاي وربنا معاك..

اهو ربنا يسهل حوديها للتوطيل بقا علشان فيها حاجااااات بالههههههههههبللللللللللل !!! :(( حقولكم لما ربنا يسهل و تتصلح المشكلة دي و أقولكم السبب

**smsm_nabawy** · 25-10-2011 08:46 PM

المشاركة الأصلية كتبت بواسطة Ashraf_Ashraf

طالما غيرت الزيت على طريق سفر تاكد ان الزيت مضروب ده شئ بديهى
افضل شئ تروح حالا تغير الزيت والفلتر وان شاء الله هتلاقى كل شئ رجع لاصله شرط سرعه التغيير
واديك اتعملت درس لا تغير زيت ولا تمون من على اى طريق
وابقى طمنا

طيب لو مضروب حييغيب اللمبة كده ؟؟ و بكده يبقة البخر ده شيء عادي ؟

المشاركة الأصلية كتبت بواسطة mido51eg

كلام سليم ياأشرف. بالأضافة لأن صاحب الموضوع بيقول ان الزيت معدي علامة الماكس ، معنى كده ان الزيت بيدخل على البوجيهات وبيتحرق مع البنزين وده اللي بيعمل الدخنة البيضاء. وبرضه هو اللي مخلي العربية تبرجل (متلتة) نتيجة ان ممكن تكون فيه شمعة بتاعة بوجيه الزيت مغطيها.
اللي حضرتك هتعمله :
1- تغير الزيت والفلتر في المكان اللي متعود تغير فيه. وبأكد على تغيير الفلتر كمان لأن اللي راكب معبي زيت من القديم اللي ممكن يكون مضروب ، وتتأكد من وصول الزيت لغاية علامة max وميعديهاش
2- تخلي الميكانيكي يفك البوجيهات وينضفها من بقايا الزيت ، والأفضل طبعا تغيرها.
تقبل مروري وتحياتي لكم جميعا

يانهاار أبيض !!!!!! الزيت دخل على البوجيهات ؟؟؟

المشاركة الأصلية كتبت بواسطة madaxman

مش عايز أزعلك بس الموضوع دا حصل عندي ومبدأيا ناس قالتلي المكنه بدأت تبخر زيت

أوببااا !!

**smsm_nabawy** · 26-10-2011 10:14 AM

الله يطمنك ،،أ نا بحسب حاجة باظت و بقت تسرب

طيب هوا أعراض كده ،، أن العربية سحبها يبقى بطططططة مقارنة بقبل كده ؟؟

+ ان العربية عندي بتدور بسهولة عادي خالص :-\

**Elawany13** · 26-10-2011 12:46 PM

انا قولتلك قبل تغيير جوان التاكيهات
أوعى تجيب جوان الجلد الأصلى
هات جوان فيل على كاوتش بـ 4 جنيه

بالنسبة لجوان التاكيهات عندى الميكانيكى لما غيره
حط عليه سيلكون ابيض
وربط عليه كويس
وماشاء الله زى الفل مفيش اى تسريب
والماتور نظيف على طول مش بيحتاج غسيل

**smsm_nabawy** · 27-10-2011 01:35 AM

المشاركة الأصلية كتبت بواسطة mido51eg

العربية بتدور بسهولة ده نتيجة ان بعد الركنة الزيت ممكن يكون نشف من على البوجيه. انما سحب العربية بيتأثر نتيجة ان كده فيه بوجيه مش شغال وطبعا هتلاحظ ان فيه ريحة بنزين ني (بمعنى ان الحرق مش مظبوط) والعربية تسخن كمان. لاحظت الحاجات دي؟

ايون ،، ريحة بنزين بتظهر لما باجي أدوس بنزين جامد أو أحرق ،، و دي حاجة مكانتش بتظهر قبل كده و أنا عربيتي أصلاً أنجيكشان مش كاربراتير علشان تعمل كده في العادي حتى !!
+ أن السحب بقا وحش أوي ،،
و قصدي التسارع ،، مش التجميع على الغيار

المشاركة الأصلية كتبت بواسطة Elawany13

انا قولتلك قبل تغيير جوان التاكيهات
أوعى تجيب جوان الجلد الأصلى
هات جوان فيل على كاوتش بـ 4 جنيه

بالنسبة لجوان التاكيهات عندى الميكانيكى لما غيره
حط عليه سيلكون ابيض
وربط عليه كويس
وماشاء الله زى الفل مفيش اى تسريب
والماتور نظيف على طول مش بيحتاج غسيل

والله يا أستاذ علواني ،، انا زهقت ،، الموتور عندي ولا كأنه عايز يتحطله حفاضات !!!

**smsm_nabawy** · 27-10-2011 09:41 PM

السلام عليكم ،،

شبااااااااب ،، هناك مستجد !!!

النهارده الحمد لله ،، رحت غسلت العربية فوق و تحت و جوا و برا و موتور و كله !!!

الغريب ،، أن لمبة الزيت بقت تطفي بسرعة زي الول بمجرد التدوير ،، كان الموتور كان بيقولي نظفني حييااات أبووك !!! :))))

الحمد لله العربية بقا أنعم في الأصوات و كده ،، لكن مازال طلعتها مكتومة :)))

-

-

الموضوع: أغيثوني أغاثكم الله

LinkBack

أدوات الموضوع

عرض

-

-

-

-

-

-

-

المواضيع المتشابهه

أغيثوني ياجهابزه الأوبل

أغيثوني الله يكرمكم عشان انا خلاص هتجنن

+-+-+-+-+-+-+-+-+ أرجوكم أغيثوني أعمل أيه في الخرابيش دي ؟؟؟

+-+-+-+-+-+-+-+-+ أرجوكم أغيثوني أعمل أيه في الخرابيش دي ؟؟؟

أغيثوني يا وحوش في مصيبتي في التكييف

الكلمات الدلالية لهذا الموضوع

المفضلات

المفضلات

ضوابط المشاركة