استفتاء بتركن في الشارع ولا في جراج و بكام؟؟

**emadfk** · 19-05-2008 01:30 PM

بركن في الشارع بس قدام العماره

**knightmido** · 19-05-2008 01:34 PM

فى الشارع قدام العمارة والبواب بمقابل للحراسة والغسيل

**aif** · 19-05-2008 01:40 PM

المشاركة الأصلية كتبت بواسطة دموع الثلج

ربنا يكرمك يارب ده انا اتشرف بمعرفه المدام وابراهيم باشا

انا شفتها راكنه تحت بيتكم تقريبا ابقى اركنها بعيد عن البيت احسن كده الكل هيعرف بيتكم

ومش هتلاحقوا على ضيوف نايل موتورز كنت جايه من الجمعيه بتاعه التامين اول ما شفت كلمه تعليم قلت دى عربيه حضرتك بس اليافطه لذيذه والله مش فضيحه ولا شى

انا بفكر اعمل ذيها عشان اعرف امشى براحتى

لو بصيتي علي الناصية في تاني دور ع البلكونة ح تلاقي يافطة مكتوب عليها احمد ابراهيم
يافطة تعليم دي بقي انا مش ح اشيلها خالص .... دي مفيدة جدا ولذيذة جدا .. للمدام ولييه انا كمان الواحد بيبقي حاسس ان الناس خايفه تقرب منه ... تعليم ... يعني غشيم بقي واللي ح يقرب ما لوش ديه ...والله فعلا مفيدة جدا ... انا حاسس ان بعد كام شهر ح تلاقي الناس كلها حاطينها

انا باركن الاوبترا داخل الجراج ب 70 جنية .... وال128 بره ب 50 جنية ده شامل اكرامية السايس كمان ... الا لو غسلها كل اسبوع باديله من 2 الي 3 جنية في الغسلة
لكن مريح دماغي من اماكن الركن .... باسيب العربية في نص الشارع وهو يتصرف

**kimo-nubira** · 19-05-2008 02:12 PM

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــ

تم الحذف لعدم وجود محتوى

مشرف القسم

**sab3aawy** · 19-05-2008 02:38 PM

بركن فى الparking lot اللى بين العمارات ، نظام العمارات عندنا كل مجموعة عمارات لهم parking lot ، وبدفع مبلغ بسيط لنظافة السيارة لفرد الأمن

**theking2690** · 19-05-2008 03:09 PM

باركن فى جراج و مش راضى عنه و خانقنى لو حد يعرفها الجراجات بتاعت الحى اللى على احمد حلمى كده عند كوبرى ابو وافيه انا فى اول جراج فيهم و بدفع 60 جنيه لمجرد انهم ياخدوا بالهم من العربيه

**WalidAdel** · 19-05-2008 03:15 PM

انا بركن في جراج العماره و بدفع 100 و مفيش سايس ولا اي حد بتخش بركن العربيه بنفسك وامشي و تمام علي كده حاكم الواحد المفروض ميأمنش لحد خالص في الزمن ده ولا حتي السايس علشان ممكن ابن السيايس ياخد العربيه

من سنه تقريبا افشت ابن السايس راكب عربية واحده معرفه واخدها من ورا ابوه و مركب فيها بنات و بيلفوا في وسط البلد بيها عامل بيها قمع قدام البنات اللي معاه زنقته عند زابط شرطه و شدناه علي القسم و كل علقه يوميها لحد ما طلعة عنيه فعلشان كده مبسبش المفتاح لحد حتي لو فين

خلو بالكو من حوار ابن السايس ده بردوا علشان ممكن يعمل بيها مصيبه و يرجع يركنها في الجراج ولا كانه عمل حاجه

**جمال** · 19-05-2008 03:46 PM

انا كان عندى جراج خاص و بعته لان كل ماجى ادخل او اخرج من الجراج الاقى واحد رخم قافل على الجراج و معرفش مين هوه , مره قلبت الدنيا لغاية معرفت صاحب العربية اللى قافله الجراج و بعتله البواب , يقوم الباشا باعتلى المفاتيح مع البواب لان سيادته نايم , الصراحة عملت فيه حركة غلاسه طلعت عربيته و حطيتا فى وسط الشارع واخدت مفاتيحه و مشيت خلصت مشوارى وانا راجع لقيته ياعينى واقف جنب العربية و الناس مبهدلاه آخر بهدلة علشان سادد الشارع ومش عارف يتصرف ومن يومها بطل يقف امام الجراج

-

-

مشاهدة نتائج الإستطلاع: بتركن في جراج ولا في الشارع

الموضوع: استفتاء بتركن في الشارع ولا في جراج و بكام؟؟

LinkBack

أدوات الموضوع

عرض

-

-

-

-

-

المواضيع المتشابهه

استفتاء بتركن فى أى مكان فاضى تلاقيه فى الشارع ؟؟

الطرمبة بتركن

بتركن عربيتك فين ؟

بتركن عربيتك فى جراج ولا بتسيبها مرمية فى الشارع؟؟؟؟؟؟

خلى بالك و انت بتركن

الكلمات الدلالية لهذا الموضوع

المفضلات

المفضلات

ضوابط المشاركة