استفتاء بتركن في الشارع ولا في جراج و بكام؟؟

**أبوسيف** · 19-05-2008 03:59 PM

أنا كان عندى الدور الأرضى فى البيت عبارة عن مخزن ، فتحته ونضفته وعملتله بوابة كبيرة وببيت العربية فيها ، بصراحة بقيت أعرف أنام من ساعة ما عملت كدة. عند الشغل الشارع فيه ركنات كتير بس بدفع 30 جنيه كل شهر للبواب علشان نضافة العربية وغسيلها.

**tmz9111** · 19-05-2008 04:48 PM

نفسي أركن في جراج

**MoToRiZeR** · 19-05-2008 04:58 PM

كان فيه جراج كبير جنب البيت كنت بركن فيه ب 90 جنيه بدون النضافة .. يعني بتاع 150 بالغسيل .. بعد كدة واحد من حيتان التاكسي اشتري الجراج و خلاه لتاكسياته بس .. ومفيش جراج تاني قريب بقيت اركن تحت البيت و اغطيها كل يوم لأن بركن تحت شجرة لو سبتها بس ساعتين من غير غطا انزل الاقيها متمرمطة

**ows212** · 19-05-2008 08:34 PM

باركن فى الشارع

**AhmedGen2** · 19-05-2008 08:43 PM

يا جماعة حد يعرف جراج سيتى ستارز الساعة فيه بكام ؟؟؟

**khattab_89** · 20-05-2008 12:33 AM

في القاهرة بركن في الشارع تحت البيت .. إحنا شارع جانبي من شارع رئيسي وواسع و بيبقى فاضي لدرجة إن أصحابي بيركنو عندي و بالذات أن هو أمان علشان في تحت البيت محل مشويات فااااتح 24 ساعة و كمان الشارع منور و العمارة نصها على الشارع الرئيسي و نصها جوه ..
-لما بروح إسكندرية بتعذب خاصة إن العربية أتخبطت تلت مرات هناك منهم مرة أتوبيس خدلي العربية من لشنطة للكبوت و العربية شبه ركبت على الرصيف من قوة الخبطة
أنا في أسكندرية بعاني من الركن لما بزور حد أو بروح أي مكان ... الشوارع كلها مكبسة و بيكون معايا هناك الإسبيرانزا الكبيرة و هي محتاجة مكان عربيتين

**ali1spc** · 20-05-2008 12:53 AM

بركن فى جراج ب110

**Ahmed Samy** · 20-05-2008 01:26 AM

المشاركة الأصلية كتبت بواسطة IslamGen2

يا جماعة حد يعرف جراج سيتى ستارز الساعة فيه بكام ؟؟؟

الساعة بخمسة جنيييييييييييييييه ... و الحسابة بتحسب

بس قوللي هاتركن فيه عربية ايه :)

و هايجيلك قلب تنام و الحسابة بتحسب ؟؟؟؟؟؟؟؟؟؟؟؟

**MoToRiZeR** · 20-05-2008 04:05 AM

اليوم في سيتي ستارز باربعين جنيه باين لو هتبيت
و الساعة لوحدها بخمسة

**allord01** · 20-05-2008 04:19 AM

فعلا مشكله الركنه ديه اصبحت مشكلة ركن قومى فى ناس بتركن فى جرجات بس بتزعل على الفلوس الكتيره كل اول شهر وطبعا لو العربيه من سيارات طبقات الشعب الكادحه والمناهضه وراء لقمه العيش زى 127 126 124 128 واللادا والفولكس والسيات والريتمو الخ.....
مشكله بكل المقايش تركن فى الشارع يعنى ولاد الحلال تلاقى خبطه تلاقى كسر فنوس تلاقى الكبوت باظ من كتر العقده انت ورزقك متعرفش تنام كل شويه قلق وتوتر
تركن فى الجراج تيجى اول كل شهر وانت بتدقع ال100 او 150 تلاقى نفسك دفعت اكتر من استهلاكك للعربيه بخلاف تبقى خايف السايس يبدل البطاريه يبدل اى قطعه من جوه بالتعاون من جهات ميكانيكيه
كل ده وده بخلاف ان القاهره المحروسه خلاص اتخنقت العربيات بتزيد والناس بتزيد والشوارع بتضيق وبتتخنق يعنى خربانه خربانه
وربنا يكتر من جراجتكم ويقلل من تعريفه اسعاركم
وشكرا

مشاهدة نتائج الإستطلاع: بتركن في جراج ولا في الشارع

الموضوع: استفتاء بتركن في الشارع ولا في جراج و بكام؟؟

LinkBack

أدوات الموضوع

عرض

-

-

-

-

-

المواضيع المتشابهه

استفتاء بتركن فى أى مكان فاضى تلاقيه فى الشارع ؟؟

الطرمبة بتركن

بتركن عربيتك فين ؟

بتركن عربيتك فى جراج ولا بتسيبها مرمية فى الشارع؟؟؟؟؟؟

خلى بالك و انت بتركن

الكلمات الدلالية لهذا الموضوع

المفضلات

المفضلات

ضوابط المشاركة