الموضوع: نويت - ان شاء الله - اجيب شيفروليه لانوس زيرو

فيه علماء اباحوا تقسيط السيارات عشان الزيادة بتبقى مقابل خدمة
بس فيه ناس اختلفوا فالكلام ده كتير قوي

أولا لو مستعمل خليك ف اللانوس وش.. لأن ماحدش حايبيعلك لوجان ماكملتش معاه سنتين الا لو عامل بيها عاملة.. أما لو زيرو أنا شايف حرام تجيب حاجة بتتصنع من عام 97 ماغيروش فيها مسمار (اللهم الا الفانوس الخلفي ف 2001 بعد ما جاجوار كسبت قضية ضدهم) حتلاقي نفسك كمان سنتين تلاتة ماشي بحاجة تعتبر حجرية مقارنة بأي زيرو تاني (احساس وحش خصوصا انك جايب زيرو عشان يريحك).. اللوجان عيوبها عن اللانوس ان اللانوس شكلها ألطف شوية والباور فيها أخف وقطع غيار أرخص.. غير كدة اللوجان تكسب في كل حاجة حتي قدرة الموتور.. وحتي التوكيل بشهادة الكل رينو توكيل محترم جدا لأقصي حد حاتحس فعلا انك بني آدم علي عكس منصور حمبوله اللي خلاني أساسا خلعت منه وباصين دلوقتي برة.

برضه فكر كدة ودور ع النت براحتك.. ماتعملش زي اللي كانو بيشترو الشاهين ف 2006 و 2007

المشاركة الأصلية كتبت بواسطة mailo

فيه علماء اباحوا تقسيط السيارات عشان الزيادة بتبقى مقابل خدمة
بس فيه ناس اختلفوا فالكلام ده كتير قوي

أنا شايف ان جميع أنواع التقسيط مافيهاش ربا.. ومكاسب البنوك كمان بالمرة.. السبب واضح.
أولا: أنا كابنك مش باجبر حد يتعامل معايا.
ثانيا: من جميع مواقف الربا كان الربا لاستغلال الظروف ودي عكس كدة خالص.. بدليل انه يقدر مثلا يشتري حاجة أقل بس فضل التقسيط في مقابل رفاهية أعلي.. ودا كدة تحول الموضوع من ربا الي تقديم خدمة بيعامله بيها البنك زي ما بيعامل أي حد تاني.. يعني مثلا البنك مايعرفش ان دا ظروفه صعبة فا يعلي عليه الفايدة ولكن الموضوع اتفاك مرضي بين الطرفين مافيش منه ضغط من جهة علي التانية.
ثالثا: كلا الطرفين حققو مكسب.. أنا كابنك كسبت من ورا التقسيط ليك وانت كاعميل كسبت سرعة الحصول علي رفاهيتك بدل ما كنت حاتستني لغاية ما تحوش المبلغ.

بلاش لانوس و ممكن اى حاجه فى نفس الفئه السعريه .. و فى صينى و بكفائه اكتر بكتير .. انت بتحط فلوسك فى عربيه تجميع مصرى و كمان قديمه جدا ؟.؟ راجع نفسك

لو هتجيب لانوس يبقى اولى تجيب فيرنا .. كماليات احسن وانتشار كويس وشكل احسن وموتور احسن وفرامل احسن .. وقطع الغيار عند البقال