نويت - ان شاء الله - اجيب شيفروليه لانوس زيرو

**azeweel** · 31-10-2011 08:47 AM

توكل على الله العربيه ممتازه وأنا شخصياً مرتاح معاها جداً بس دى زيرو متلعبش فى حاجه وسيبها على طبيعتها وبالتوفيق ان شاء الله

**alaafahmy** · 31-10-2011 08:56 AM

المشاركة الأصلية كتبت بواسطة azeweel

توكل على الله العربيه ممتازه وأنا شخصياً مرتاح معاها جداً بس دى زيرو متلعبش فى حاجه وسيبها على طبيعتها وبالتوفيق ان شاء الله

شكرا جزيلا لمرورك ونصيحتك

**mohmswailam** · 01-11-2011 01:43 AM

المشاركة الأصلية كتبت بواسطة crayvor

ما هي هي قرض السيارة..
الفرق كله انك بدل ما تقسط مع صاحب السيارة بتقسط مع البنك.. وصاحب السيارة أو التوكيل نفسه هو اللي وكل البنك ده انه يقسط بالنيابة عنه.. وضمان القرض هي السيارة نفسها يعني مش أملاك خارجية زي قروض المشروعات مثلا.

وعلي العموم اختلاف الآراء رحمة وطالما مافيش اتفاق علي رأي بعينه من حق المسلم انه يلجأ للرأي الصواب من وجهة نظره.

ارجو من حضرتك انك تراجع رأيك وياريت تقرا اى كتاب فقه مش هتلاقى غير راى واحد فى الموضوع ده

· حكم القرض:
1- القرض مستحب للمُقرِض، ومباح للمقتَرِض، وكل ما صح بيعه صح قرضه إذا كان معلوماً والمقرض ممن يصح تبرعه، وعلى المقترض أن يرد بدل ما اقترضه، المثل في المثليات، والقيمة في غيرها.
2- كل قرض جر نفعاً فهو من الربا المحرم كأن يقرضه شيئاً ويشترط أن يسكن داره، أو يقرضه مالاً بفائدة كأن يقرضه ألفاً بألف ومائتين بعد سنة.

من كتاب مختصر الفقه الإسلامي [color=window....][/color]لمحمد بن إبراهيم التويجري
والاختلاف فقط فى الشراء من صاحب السلعة بالقسط والغالبية من الفقهاء اجازوه

والله أعلم

**prince2005** · 01-11-2011 09:16 AM

please think again before you buy this car

**mailo** · 01-11-2011 10:48 AM

please think again before you buy this car

عندك نصيحة أو توضح ياريت تقوله للناس عشان كله يستفيد
غير كده إنت ولا بتنفع ولا بتضر

**MITSUKERO** · 01-11-2011 11:04 AM

انا هقولك علي الفرق بين الفاضية و المليانه و انت قرر بس نصيحتي ليك هات اعلي فئه

الفرق :

ساعة في التابلوه

egr و علبة بيئه

فوانيس شبورة

لون فضي في التابلوه

تبطين الابواب من الداخل

شكل الاكر الداخلية للابواب و الفرش الداخلي

فانوس اضافي علي التابلوه الخلفي

مراية كهرباء يمين

rpm

زجاج كهرباء للاربع ابواب

دي اغلب الفروق بين الاتنين و في فئه جديدة نازله فيها زجاج حراري خلفي و زجاج فامية للجزء الخلفي من السيارة و ده في رايي بيساعد التكييف في الصيف و بيعطيك شوية خصوصية

رايي الشخصي في العربية انها مناسبة لسعرها و المقارنة بين اللانوس و الفيرنا و اللوجان مش هتخلص لان العربيات قريبة جدا من بعض فأشتري اللي يريحك نفسيا وخلاص

بعض الملاحظات علي صيانة الانوس :

طقم الكاتينة كل 40 الف من التوكيل بدون تركيب ب 1000 جنية لانك بتغير طرمبة المياه لان عمرها قصير جدا في الانوس

طرمبة البنزين برضة بتبوظ بس كل فتره مش عارف اد ايه بس عيب منتشر

الفرامل متوسطه

العربية فيها مميزات كويسة :

اول حاجة و اهم حاجة المنتدي بتاعها هنا قوي جدا و فيه ناس شاطرين جدا جدا و ده هيساعدك فوق ما تتخيل

بتمون 80 عادي جدا و السحب بيتأثر بسيط

قطع غيار متوافره استيراد و جديد

اغلب الصنايعيه بقوا يعرفوا كل كبيرة و صغيرة فيها

شكلها معقول و كماليات كتيره

ربنا يعملك اللي فيه الخير اسأل كويس يمكن انا قولت ليك من وجهه نظري و حد تاني ممكن يفيدك اكتر مني انا لسه جديد في الانوس و مش بركبها اوي لانها للبيت مش ليا

اتمني اكون اضفت

**alaafahmy** · 01-11-2011 11:25 AM

المشاركة الأصلية كتبت بواسطة mitsukero

ربنا يعملك اللي فيه الخير اسأل كويس يمكن انا قولت ليك من وجهه نظري و حد تاني ممكن يفيدك اكتر مني انا لسه جديد في الانوس و مش بركبها اوي لانها للبيت مش ليا

اتمني اكون اضفت

طبعا افدت واضفت ياباشا .. والف شكر على التعب والنصيحه

**MaZaGAngeE** · 01-11-2011 01:22 PM

المشاركة الأصلية كتبت بواسطة prince2005

please think again before you buy this car

ممكن تشرحلنا انت بتقول كده ليه ؟
لانوس من انجح العربيات في مصر على مدي سنوات كتيرة فاتت
فيها عيوب .... ليها مشاكل .... فيه عربيات احسن و احمل و اسرع .... معاك و موافق
لكن برضه العربية افضل اختيار تحت ال 75 الف .

**wael_dosoky** · 01-11-2011 02:33 PM

كنت فب نفس حيرتك لما كنت بأشتري السيارة من سنتين لكن احزم امرك وصلي صلاة أستخارة وتوكل علي الله، ولما تختار ما تفكرش ولا تسمح لنفسك انها تقولك انك اخترت غلط وكان الأحسن حاجة تانية
بالنسبة للتقسيط فيه بتوك عاملة تقسيط إسلامي للسيارت ومنها بنك فيصل وبنك ابو ظبي وفيه بنوك تانية موش فكرها
التقسيط الأسلامي ليه طريقة كده ان البنك بيشتري السيارة لنفسه وبعدين بيبعها لك بعد كده
هي ليها حوار كده بس هما بيقولوا علي انفسهم تقسيط إسلامي يبيقي خلاص مسئوليتهم لغاية ما يتوجد البديل
وربنا يوفقك للصالح

**prince2005** · 01-11-2011 02:37 PM

المشاركة الأصلية كتبت بواسطة mailo

عندك نصيحة أو توضح ياريت تقوله للناس عشان كله يستفيد
غير كده إنت ولا بتنفع ولا بتضر

thanx a lot for your decent reply although it is quite an insult if you are aware of the language.Anyway, the new chevy has many problems these days due to the Chinese parts that the factory install every day.Such as the fuel pump and other parts that weaken the performance of the car.Add to this the horrible breaks that you have to stand on the pedal to stop it. A friend of mine bought one last week and is unhappy at all.He has an issue with the fuel consumption and the brakes .There are many other disadvantages that I will tell you later if you are intrested

الموضوع: نويت - ان شاء الله - اجيب شيفروليه لانوس زيرو

LinkBack

أدوات الموضوع

عرض

-

-

-

-

-

-

-

المواضيع المتشابهه

نويت بإذن الله اجيب صب أو بازوكا فساعدوني والنبي

(زيرو)->شيفروليه لانوس ولا بروتون ساجا؟؟؟؟؟

ان شاء الله نويت اجيب لوجان basic

ان شاء الله نويت اجيب 2011 basic

ان شاء الله نويت اجيب البيكانتو

الكلمات الدلالية لهذا الموضوع

المفضلات

المفضلات

ضوابط المشاركة