نويت - ان شاء الله - اجيب شيفروليه لانوس زيرو

**alaafahmy** · 03-11-2011 08:36 AM

المشاركة الأصلية كتبت بواسطة mailo

"
مش معنى الكلام ده إنك مبتعرفش إنجليزي وباين من التوقيع بتاعك كده بس مش كل الناس استفادت من الكلام اللي كان مكتوب
واللي أعرفه إن اللي عنده معلومة بيحاول يوصلها لكل الناس عشان كله يستفيد زي ما هو بيستفيد

عندك حق طبعا.. انا قولتله انى فهمت الكلام اللى هو كتبه عشان كتب كتير وتعب.. بس بلاش تاخد الكلام على اعصابك ياباشا احنا كلنا اخوات فى الاخر

**alaafahmy** · 03-11-2011 08:58 AM

المشاركة الأصلية كتبت بواسطة MaZaGAngeE

و انا ماشي 180 و بيني و بينه مسافة 30 متر تقريبا و كان ماشي قدامي و العربية كان شكلها ثابت على الطريق و كان بينقل من حارة لحارة عادي ...
انا اندهشت جدا من انها ماشية لحد 180 و كنت فاكر آخرها 165 بالكتير د
بس كنت ماشي و جايب آخر العربية و مش قادر أقلل المسافة حتى بيني و بينه

كويس اهى بدأت تندع

انا كمان الفيرنا مش عاجبنى شكلها نهااااااااائى وناس كتير قالولى عليها انها خفيفه ومش ثابته فوق الـ 120 شكلى كده هتوكل على الله فى اللانوس

**mody3on** · 03-11-2011 09:21 AM

اللانوس جميلة بس فقيرة اوي اوي من جوه
ركبتها كتير جدا وتحس انك راكب عربية من 13 سنة مش زيرو
بص على التابلوه ولا العدادات بجد منظر شنيع
الفيرنا ممكن متكونش احسن اوي بس تابلوه احسن وخامات احسن شوية واجدد من اللانوس واسرع منها
بس زي ما الناس قالوا شوف احتياجاتك ايه وقرر
يعني مش تقولي عايز عربية عالية وانا اقولك هات فيرنا او لانوس مثلا

**alaafahmy** · 03-11-2011 09:29 AM

المشاركة الأصلية كتبت بواسطة mody3on

الفيرنا ممكن متكونش احسن اوي بس تابلوه احسن وخامات احسن شوية واجدد من اللانوس واسرع منها
بس زي ما الناس قالوا شوف احتياجاتك ايه وقرر
يعني مش تقولي عايز عربية عالية وانا اقولك هات فيرنا او لانوس مثلا

طيب ايه العيوب الشائعه فى الفيرنا ؟
انا امكانياتى لحد 70 الف بس زيرو لانى مش هقعد اجرى ورا مستعمل تانى

**tarek_2005** · 03-11-2011 10:34 AM

المشاركة الأصلية كتبت بواسطة m0hsen

اختلف معاك يا استاذ طارق بودى الفيرنا اقوى من بودى اللانوس وده باختبارات التصادم وقوة الصاج

سامحني يبقي انتا لم تري حوادث للفرنا علي الطبيعة

المشاركة الأصلية كتبت بواسطة MaZaGAngeE

امبارح كنت رايج بني سويف من طريق الجيش و قابلت لانوس عند بوابة الكريمات و كان راكب فيها 4 شباب و فضلت ماشي وراه لحد ما دخلنا على بوابة بني سويف و انا ماشي 180 و بيني و بينه مسافة 30 متر تقريبا و كان ماشي قدامي و العربية كان شكلها ثابت على الطريق و كان بينقل من حارة لحارة عادي ...
انا اندهشت جدا من انها ماشية لحد 180 و كنت فاكر آخرها 165 بالكتير
انا كنت راكب عربيتي البطة لوحدي و كنت لسه عاملها حملة صيانة جامدة .... و حاطط بنزين 92 و معود العربية عليه و طقم الكهربا جديد و الكاوتش جديد
بس كنت ماشي و جايب آخر العربية و مش قادر أقلل المسافة حتى بيني و بينه

دا طبيعي جداً انا واخد الطريق ده من البوابة للبوابة الثانية في 20 دقيقة بسرعة 180 كم / ساعة دون اي تهدئة وكنا خمس انفار في السيارة

المشاركة الأصلية كتبت بواسطة alaafahmy

كويس اهى بدأت تندع

انا كمان الفيرنا مش عاجبنى شكلها نهااااااااائى وناس كتير قالولى عليها انها خفيفه ومش ثابته فوق الـ 120 شكلى كده هتوكل على الله فى اللانوس

جبت الفرق بينهم كدا انت استفدت من رصة المعلومات الي في الموضوع

المشاركة الأصلية كتبت بواسطة alaafahmy

طيب ايه العيوب الشائعه فى الفيرنا ؟
انا امكانياتى لحد 70 الف بس زيرو لانى مش هقعد اجرى ورا مستعمل تانى

خفت الوزن علي الطريق السريع
داخل البلد عفشة سيئة جداً كل المطبات حتحس بيها طبعاً ممكن في اللانوس بتحس بمطبات بردوا بس مش زي الفيرنا

**mailo** · 03-11-2011 10:45 AM

المشاركة الأصلية كتبت بواسطة alaafahmy

عندك حق طبعا.. انا قولتله انى فهمت الكلام اللى هو كتبه عشان كتب كتير وتعب.. بس بلاش تاخد الكلام على اعصابك ياباشا احنا كلنا اخوات فى الاخر

ياباشا أنا مش واخد كلام على اعصابي بالعكس أنا هادي جدا وبأتكلم عادي يمكن بس عشان إنت مش شايفني وأنا باكتب

أنا رديت عليك في أول الموضوع بس بعد كده كان ردي على جملة أنا لما قريتها لو كنت مكانك ماكنتش هاشتري العربية أصلا ومش هاخلي حد يشتريها
حسيت إنها بلاعة بصراحة
بس الآخِر طلع إن العربية عيوبها معروفة للكل ومش تحت ظروف القيادة الطبيعية بتظهر العيوب دي وفيه ناس عاملين بالعربية دي 130 ومعملوش فيها اللا الصيانة وناس مجابوش ال 50 ومطلعة عنهم وأي عربية كده

المهم فالاخر إنت بعد ماتجيب عربية حتى لو تكتك تكون جايبه عن اقتناع وحاببها والأهم إنك تكون عارف إيه المتوقع منها عشان متلقيهاش افقر من اللي إنت عايزه وتكرهها بعد كده

المشاركة الأصلية كتبت بواسطة mody3on

اللانوس جميلة بس فقيرة اوي اوي من جوه
ركبتها كتير جدا وتحس انك راكب عربية من 13 سنة مش زيرو
هي فعلا من 14 مش من 13 يعني دا واقع مش إحساس :)
بص على التابلوه ولا العدادات بجد منظر شنيع
دي أذواق
الفيرنا ممكن متكونش احسن اوي بس تابلوه احسن وخامات احسن شوية واجدد من اللانوس واسرع منها
الخامات واحدة تقريبا الفرق في التصميم يعني متقدرش تقول دي خامتها أحسن عشان الأحسن وحش برده
أسرع إزاي ؟ لو قصدك تسارع من 0 ماشي بس على سرعة عاليَّا lanos أسرع
بس زي ما الناس قالوا شوف احتياجاتك ايه وقرر
يعني مش تقولي عايز عربية عالية وانا اقولك هات فيرنا او لانوس مثلا
الله ينور عليك

**shaddadfalcon1** · 03-11-2011 11:58 AM

العربيه ممتازه وان كان علي جوده التقيل فالحاجات دي بتتظبط وان كان علي طرمبة البنزين ياسيدي لما تبوظ ابقي هات واحده استيراد
طرمبة المياه انا معيرها علي 220 الف كيلو وعمرها ماعملت مشاكل معايا
استهلاك البنزين ممتاز 14 كيلو في الطوالي
الفرامل لو استخدمت التيل الأصل هيبقي حلوه قوي ولو حابب تظبط يبقي 2000 جنيه علي حد علمي او 3 هتبقي فرامل بي ام

انا عربيتي موديل 99 وكل اسبوع رايح جاي القاهره الاسكندريه وجبت بيها 175 وفي ملف وانت داخل علي القاهره وعمري ماحسيت بمشاكل في الثبات او الأداء

بصراحه كان نفسي احبها اكتر واجيبلها موتور 1600 واروقها بس التكييف خنقني وعايز اغير حاجه تانيه

**shaddadfalcon1** · 03-11-2011 12:45 PM

العربيه ممتازه وان كان علي جوده التقيل فالحاجات دي بتتظبط وان كان علي طرمبة البنزين ياسيدي لما تبوظ ابقي هات واحده استيراد
طرمبة المياه انا معيرها علي 220 الف كيلو وعمرها ماعملت مشاكل معايا
استهلاك البنزين ممتاز 14 كيلو في الطوالي
الفرامل لو استخدمت التيل الأصل هيبقي حلوه قوي ولو حابب تظبط يبقي 2000 جنيه علي حد علمي او 3 هتبقي فرامل بي ام

انا عربيتي موديل 99 وكل اسبوع رايح جاي القاهره الاسكندريه وجبت بيها 175 وفي ملف وانت داخل علي القاهره وعمري ماحسيت بمشاكل في الثبات او الأداء

بصراحه كان نفسي احبها اكتر واجيبلها موتور 1600 واروقها بس التكييف خنقني وعايز اغير حاجه تانيه

**alaafahmy** · 03-11-2011 01:05 PM

المشاركة الأصلية كتبت بواسطة mailo

ياباشا أنا مش واخد كلام على اعصابي بالعكس أنا هادي جدا وبأتكلم عادي يمكن بس عشان إنت مش شايفني وأنا باكتب

أنا رديت عليك في أول الموضوع بس بعد كده كان ردي على جملة أنا لما قريتها لو كنت مكانك ماكنتش هاشتري العربية أصلا ومش هاخلي حد يشتريها
حسيت إنها بلاعة بصراحة
بس الآخِر طلع إن العربية عيوبها معروفة للكل ومش تحت ظروف القيادة الطبيعية بتظهر العيوب دي وفيه ناس عاملين بالعربية دي 130 ومعملوش فيها اللا الصيانة وناس مجابوش ال 50 ومطلعة عنهم وأي عربية كده

المهم فالاخر إنت بعد ماتجيب عربية حتى لو تكتك تكون جايبه عن اقتناع وحاببها والأهم إنك تكون عارف إيه المتوقع منها عشان متلقيهاش افقر من اللي إنت عايزه وتكرهها بعد كده

الحمد لله اهم حاجه انك تكون مش متضايق ياباشا احنا مقدرين تعبك :018a1d~146:
فعلا اهم حاجه لما تجيب عربيه ماتسمعش لكلام حد يقعد يقولك ليه طب ماكان ممكن تجيب مش عارف ايه ؟
انتا عارف كمان انا عربيتى القديمه ماسالتش حد عليها وعشان كده جبتها بسهوله جدا جدا لكن المره دى عشان قعدت اخد اراء اتلخبطت اكتر والدنيا اتكحولت

الموضوع: نويت - ان شاء الله - اجيب شيفروليه لانوس زيرو

LinkBack

أدوات الموضوع

عرض

-

-

-

-

-

المواضيع المتشابهه

نويت بإذن الله اجيب صب أو بازوكا فساعدوني والنبي

(زيرو)->شيفروليه لانوس ولا بروتون ساجا؟؟؟؟؟

ان شاء الله نويت اجيب لوجان basic

ان شاء الله نويت اجيب 2011 basic

ان شاء الله نويت اجيب البيكانتو

الكلمات الدلالية لهذا الموضوع

المفضلات

المفضلات

ضوابط المشاركة