السيراتو اتقلبت اربع مرات

**ahmadm** · 11-11-2011 11:22 PM

اولا الف حمدلله على السلامة و تصدق بالله انت لو كان حصلك اى حاجة نتيجة الحادثة دية كنت هاتقول يا ريت كانت العربية ولعت و انا سليم اصل العربية ممكن تتعوض انما انت لا يمكن تتعوض و بجد احمد ربنة دا الاستاذ محمد غازي دة طلع من الحادثة مدغدغ و فضل شهور يتعالج و سبحان الله يا اخى اللى حصلة بالظبط بالظبط هو اللى حصلك انا كنت مستغرب و انا بقرا قصتك و حاسس انك بتعيد قصة محمد غازي سبحانك يا رب انا كنت داخل هنا بقرا شوية عن السيراتو عشان كنت يشاور عقلى اجيبها المشكلة ان من شهرين كدة زميل لية فى العمل اتقلب بيها فى طريق السخنة فى الرمل و طلع سليم هو و اللى معاة فا قلتلة حصل اية قاللى كان فية زيت فى الارض قلتلة و فرامل ال abs ؟ قاللى ولا الهوا فرملت و اتقلبت يمكن فعلا المشكلة كانت فى الزيت بس قلت احكة القصة للإفادة و انا والله سعيد ان ربنة اكرمك و نجاك امانة عليك تدبح حاجة لله على انك سليم معافى :)

الكوري لا دين له هاهاه انا فطست على روحى من الضحك لما شفتها :) كل عام و انتم بخير

بس على فكرة يا جماعة مش كل الكوري كدة يعنى هو اكيد فية مشكلة فى السيراتو بالذات عشان الكارينز و السول محدش سمع عنهم حوادث كدة لاكن السيراتو الحادثة بتاعتها بتحصل بنفس الطريقة حدفة شمال فقدان سيطرة قلب بعنى بلاش التعميم ولا انتو اية رايكم ؟؟

**AHMED1718** · 12-11-2011 01:12 AM

القصد من ردى مش دفاع عن العربية ولا دخول فى مخاصمة مع الاعضاء اللى سلخو امها

القصد توضيح حاجة بس
* حوار الجنط اللى اتفلق نصين ده حصل قدامى ف ميجان ستيت (فرنساوى بالكامل ) بدون مطب او اى مشكلة ف طريق وبيحصل كتير ف كل الماركات انا جبت مثال لموقف امامى

* حوار عيوب السيراتو الباقية اذا كانت نشوفية او غيرو فميش عربية كاملة
اللى انا شايفه بس وكلنا شفناه وحسناه ان العربية دى مينفعش فيها الجنط ال 17 لمشاكله ونشوفيته وعدم ملائمته للطرق المصرية

بالنسبة لكتر حوادث السيراتو اللى انتو شايفنها
انا شايف معدل طبيعي بالنسبة لعددها وخصوصا ان معظم ملاكها من الشباب وما ادراك

مانا مشوفتش اى جيتا عاملة حادثة مش والعة واخرها كانت قبل العيد باسبوعين تقريبا على طريق السخنة ومشوفتش عربية ابيزا مش مدعوكة قبل كده مرتين وراشة كل حاجة وزىها زى الجولف والجولييت وكل اللى بيركبو

مشوفتش هوندا مغيرتش ماتور مرة او اتنين على الاقل وكذلك بي ام البانة والموديل اللى قابله (معنا كده ان مواتيرها وحشة )
مشوفتش واحد بيمشى على زيت ويجرب على اي بى اس
اساسا انت لو مدوستش فرامل مش هتعرف تتحكم فيها

الهوجة دى نفس الهوجة اللى حصلت للانسر بوما والانترا ايام منزلت الشكل اللى قبل ده من 2006 تقريبا (بتتقلب لوحدها ودريكسيون فيه مشكلة(علشان مش بيفصل على سرعات ) واى كلام من ده )

انا من كارهى اللانسر بوما معنى كده انها وحشة ؟؟
كارها لانها موتت ناس كتير اعرفهم وكانت قلبات غريبة الشكل و السبب

مش معنى كرهى لعربية معنى كده انها وحشة

هنقعد ف الدوامة دى علشان احنا غاويين كده مش اكتر
كل واحد يعمل حادثة بعربية بيتعقد منها
ربنا يستر طريق الجميع كلنا راكبين هوا

ساعة القدر بيعمى البصر
واخر نداءء يارجالة المنتدى الكرام
اللى بيجي ويحكى تجربة لحادثة ليه مش محتاج حد يقوله دى عربية زبالة ---------------- وكان فين مخك وانتا بتشتريها

محتاج حد يواسيه يساعده ويفيده بمعلومة لاصلاحها
مش يقعد يأتته ويكرهه ف نفسه
اكيد يعنى اللى عمل الحادث مش ناقص وكفايا الهم اللى فيه

يرجى اختيار الالفاظ المناسبة للتعبير عن وجه نظرك
مشرف 3ب
13/11/2011
12.27pm

**محمد فريد** · 12-11-2011 02:29 AM

اولا حمدا لله على السلامة وربنا يعوضك خير

فعلا اى عربية ممكن تتقلب ده قضاء وقدر انا ليا ناس اعرفهم شابين اتقلبوا بالنترا 2010 كانت زيرو وفى اللى بكيا عصفورة عومت منه ودخل بيها تحت مقطورة وطلع سليم الحمد لله بس السقف طار
والله انا بشوف اكثر اللى راكبين سيراتو ماشيين براحة مش عارف ليه مع انى بشوف شباب كثير بيطير بيها ربنا يهدى كل الشباب بما فيهم انا - انا بجرى برضو بأى عربية بس محبش اركب مع حد بيجرى وبخاف جدا

ربنا يستر طريق الجميع

**bmw3m007** · 12-11-2011 02:40 AM

الحمد لله انك سليم - قدر الله و ما شاء فعل
و الحمدلله

**wael ahmed** · 12-11-2011 04:08 AM

حمد لله على سلامتك وربنا يعوض عليك

**alkingwr** · 12-11-2011 06:15 AM

قدر الله وماشاء فعل .... الف سلامة عليك و الحمد لله انك طلعت منها سليم

**mohamedbook** · 12-11-2011 07:14 AM

الحمد لله انك بخير وما اخطاءك لم بكن اليصيبك وما اصباك لم يكن ليخطئك
كلها اقدار

**AHMED1718** · 12-11-2011 11:13 PM

المشاركة الأصلية كتبت بواسطة ahmadm

يعنى حضرتك كدة تنصح بشرائها من غير خوف لو انا مقدم على الشراء؟

لو عجباك العربية اتكل على الله
فكك من الاشااعات اللطيفة

**SAMEH_FOUAD** · 12-11-2011 11:20 PM

المشاركة الأصلية كتبت بواسطة ahmadm

بس على فكرة يا جماعة مش كل الكوري كدة يعنى هو اكيد فية مشكلة فى السيراتو بالذات عشان الكارينز و السول محدش سمع عنهم حوادث كدة لاكن السيراتو الحادثة بتاعتها بتحصل بنفس الطريقة حدفة شمال فقدان سيطرة قلب بعنى بلاش التعميم ولا انتو اية رايكم ؟؟

هية المشكلة ان الناس عارفة ان الكارينز والسول ثباتهم وحش فمحدش بيجرى بيها

كمان السول مش كتير فى مصر زى السيراتو

والكارينز اللى بيجيبها بيبقى عايزها عائلة يعنى ولا شد ولا غيرة

ربنا يسترها علينا جميعا ويكفينا شر الحوادث

-

الموضوع: السيراتو اتقلبت اربع مرات

LinkBack

أدوات الموضوع

عرض

-

-

-

-

-

-

المواضيع المتشابهه

العربية اتقلبت

مساعده فى شوية حاجات بعد ماتقلبت اربع مرات

العربية اتقلبت اربع مرات بيا و ربنا ستر أرجو المساعدة

عربيتي اتقلبت

الكلمات الدلالية لهذا الموضوع

المفضلات

المفضلات

ضوابط المشاركة