أحمد باشا مش هادخل معاك فى تفاصيل ما حدث لكن هادخل فى المفيد
عليك و على شكوى حلوة لهيئة الرقابة على التأمين و إن شاء الله فلوسك ترجع فى أقل من إسبوع ده على حد علمى من خبرات سابقة لمعارف و أصدقاء
رقم العضوية : 517
تاريخ التسجيل : 07May2007
المشاركات : 843
النوع : ذكر
الاقامة : Alexandria
السيارة: Prado VX V6
السيارة[2]: Yaris
دراجة بخارية: لا
الحالة :
السلام عليكم
كنت مستني لحد ما أتأكد من مستوى الخدمة قبل ما أكتب رأي في شركة التأمين إللي مأمن معاهم.
الشركة: الجمعية المصرية للتأمين التعاوني
العربية: تويوتا ياريس
النسبة: 1.5 % من تمن العربية
سمسار التامين: الأستاذ ممدوح العربي وهو عضو معانا في المنتدى
طبعا من خلال المنتدى وخبرات الأعضاء جمعت بعض المعلومات عن شركات التأمين والنسبة ولكن لم يجزم أحد على مستوى الخدمة.
المهم الأستاذ ممدوح العربي كان فتح موضوع في المنتدى عن شركات التأمين يعني سؤال وجواب وبصراحة الراجل فاهم شغله كويس وعنده كل الأجوبة ... متدرب كويس!
بعتله على الخاص وأخذت رقم تليفونه وكلمته والراجل منتهى الذوق والتفهم وبالفعل عملت معاه البوليصة وهو في القاهرة وبعتهالي على إسكندرية .... كل ده تمام.
عملت حادثة بعد الإستلام بأسبوعين وصلحت على حسابي في التوكيل وقدمت التقارير والمعاينة وخلافة .... لحد دلوقتي داخل في 3 (ثلاثة) أشهر ولم أسترد فلوسي.... وكل يوم عدي علينا بكرة معلش بعده لا الإسبوع إللي بعده..... طيب الأستاذ ممدوح إللي انا وثقت فيه علشان عضو وزميل في المنتى؟؟؟ لا يرد على مكالماتي وكبر دماغه.
وهو ده شغل سماسرة التأمين او القروض في مصر..... كلا ناعم ووعود لحد ما توقع العقد وبعد كدة خلااااااص .... وكحال مصر كلها خدمة ما بعد البيع زي الزفت او تكاد تكون معدومة!
بيحضرني بعض الأسئلة إللي سألتها للأستاذ ممدوح قبل ما أأمن معاه علشان بردة عقلي يرتاح ومنها:
1- هو إنتم لية عندكم نسبة تأمين أقل من باقي الشركات؟
أصل إحنا نازلين بسعر تنافسي وعاوزين ناخد السوق كله عندنا
2- طيب الرشاوي والكلام إللي الواحد بيسمعه؟
ياباشا إحنا سمعتنا زي الفل ودي إشاعات
3- طيب لو واجهتني مشكله أعمل إية؟
تكلمني وأنا حكون معاك خطوة بخطوة لحد ما فلوسك ترجعلك ... وهو فعلا كان معايا خطوة بخطوة لحد ما صلحت ودفعت وبعد كدة إختفى!
4- حضرتك انا عرفتك عن طريق المنتدى ودي سمعة بردة ودعاية ليك وللشركة فياريت تكون عند حسن ظني؟
يا خبر .... متقولش كده انا تحت امرك وفي طبعا معاملة خاصة لأعضاء المنتدى.
اخيرا وليس بأخر
1- لا تثق في إعلانات المنتدى او أي شخص بيعمل دعاية لنفسة او لشركته على المنتدى "ما لم تكن" هذة الدعاية عن طريق او من خلال القائمين على المنتدى لأنهم بيدونا خدمة وهما مسؤلين عنها.
2- تدفع رخيص حتاخد خدمة سيئة ورخيصة وهو ده إللي حصل في الجمعية المصرية للتأمين التعاوني!
على فكرة ممكن تروحوا فروع الشركة وتشوفوا الخناقات على ودنه!
اللهم قد بلغت.
لاتظلمن إذا ما كنت مقتدراً *** فالظلم آخره يأتيك بالندم
نامت عيونك والمظلوم منتبه *** يدعو عليك وعين الله لم تنم
رقم العضوية : 1
تاريخ التسجيل : 15Apr2007
المشاركات : 3,507
النوع : ذكر
الاقامة : Nasr City
السيارة: ----
السيارة[2]: ---
دراجة بخارية: ....*
الحالة :
أحمد باشا مش هادخل معاك فى تفاصيل ما حدث لكن هادخل فى المفيد
عليك و على شكوى حلوة لهيئة الرقابة على التأمين و إن شاء الله فلوسك ترجع فى أقل من إسبوع ده على حد علمى من خبرات سابقة لمعارف و أصدقاء
http://www.nilemotors.com/images/Nile_Audi_Memo_2.gif
Dont Exhaust UrSelf in Thinking...Just Do what U have 2 Do...God Will Never Forget & Never Neglect
رقم العضوية : 1626
تاريخ التسجيل : 30Jul2007
المشاركات : 179
النوع : ذكر
الاقامة : المقطم
السيارة: Sirion
السيارة[2]: Sirion
الحالة :
استاذ Goodwave
فكرتني بالذي مضي
انا كنت عملت حادثة في يناير اللي فات و مش عايز اقولك ان اللي حصلي من التأمين مع الشركة دي كان افظع من الحادثة نفسهاز لدرجة اني بقيت مقتنع تماما ان الم الحادثة بتحس ب 5% منه ساعة الخابطة و 95% الباقي بتحس بألمها مع الجمعية دي.
اما طلع عين اللي جابوني معاهم و كنت ببقي كاره حياتي في كل مرة ابقي صاحي الصبح و رايحلهم. ربنا معاك و تخلص منهم
رقم العضوية : 1294
تاريخ التسجيل : 02Jul2007
المشاركات : 250
النوع : ذكر
الاقامة : MOKATTM,CAIRO
السيارة: Matrix
السيارة[2]: sunny 2008 M/T
دراجة بخارية: لا
الحالة :
تجربتى معاهم سيئة جدا
رقم العضوية : 3478
تاريخ التسجيل : 28Nov2007
المشاركات : 1,656
النوع : انثى
الاقامة : الهــــــــــــرم
السيارة: تويوتا ياريس
السيارة[2]: هوندا سيفك
دراجة بخارية: لا يوجد
الحالة :
السلام عليكم
انا حصل معايا كذا موقف بصراحه لكن لم اتعرض الحمد لله لاى من الامور اللى اتعرضت لها يا جود ويف
انا امنت على عربيتى عن طريق نفس الشخص واخدت رقمه من المنتدى ومش عاوزه احكيلك انا عربيتى اتخبطت كم مره وديتها التوكيل تتصلح عشان التامين ولما لا قدر الله بيحصل شى بتصل بالاستاذ ممدوح وجزاه الله كل خير بيخلص لى الاوراق بسرعه ومش بيتاخر بصراحه بمجرد استلم منه الاوراق بتاعه المعاينه وبكمل مع التوكيل
وكان عندى اختيارين
اما انى اصلح العربيه فى اى مركز صيانه تابع للتوكيل وادفع فاتوره التصليح وبعدين احصل الشيك من الجمعيه وده المفروض فى خلال 21 يوم
الاختيار الثانى انى اصلح فى توكيل متعاقد مع الجمعيه بحيث انى مدفعش تكلفه التصليح وادفع فقط 5% من اجمالى الفاتوره
عشان مدخلش فى موال تحصيل شيك اختارت انى اروح توكيل متعاقد مع الجمعيه وهو تويوتا العبور والحمد لله مفيش مشاكل صلحت عربيتى مرتين مره غيرت فانوس خلفى ومره الرفرف الامامى اخرها امبارح لسا مستلمه عربيتى من التوكيل دفعت 50% من اجمالى الفاتوره
مشكلتى كلها كانت مع توكيل العبور فى جوده الخدمه فقط
واعتقد يا جود ويف انت غلطت انك ما رحتش مكان متعاقد مع الجمعيه بالنسبه لتكاليف التصليح
رقم العضوية : 5153
تاريخ التسجيل : 02Feb2008
المشاركات : 251
النوع : ذكر
الاقامة : at work
السيارة: BMW 320
السيارة[2]: BMW 320
دراجة بخارية: no
الحالة :
السلام عليكم
اولا هو حضرتك قصدك 5% ولا 50%
و ثانيا انا برضه حصل معايا حاجه شبه كده كان الزجاج الخلفى اتكسر
وغيرته فى مركز صيانه تبعهم وكان عندى حلين يا ادفع وأخد العربه فى يوميها وكنت هعمل كده بس خفت من الجرى وراء الشركه عشان هى مصر كلها ده
فقلتلهم لأ انا مش دافع فقلولى هتسيب العربيه 3 او 4 ايام
عملت مشكله وبرضه خدت 3 ايام وأخدتها فى الرابع
بس نا مدفعتش حاجه خالص ولا حتى 5%
رقم العضوية : 3478
تاريخ التسجيل : 28Nov2007
المشاركات : 1,656
النوع : انثى
الاقامة : الهــــــــــــرم
السيارة: تويوتا ياريس
السيارة[2]: هوندا سيفك
دراجة بخارية: لا يوجد
الحالة :
رقم العضوية : 5153
تاريخ التسجيل : 02Feb2008
المشاركات : 251
النوع : ذكر
الاقامة : at work
السيارة: BMW 320
السيارة[2]: BMW 320
دراجة بخارية: no
الحالة :
رقم العضوية : 1970
تاريخ التسجيل : 30Aug2007
المشاركات : 729
النوع : ذكر
الاقامة : El Manial
السيارة: Murano
السيارة[2]: Sunny
دراجة بخارية: CBR400
الحالة :
انا بارضو اتعاملت مع الجمعية لما فانوسين اتكسروا و رحت عاينت في الجمعيه و بعدين طلعت على السبع غيرت الفانوسين و دفعت 5% استهلاك دا لو هيا 2008
لو 2007 يبقا 10% و ماخدش ساعه في التوكيل
بس مش فاكر مين قالي دلوقتي خلاص بتطلع على التوكيل ايلي بتتعامل معاه من غير ماتروح تعاين و يصور و الكلام دا بس مش عارف صحة الكلام دا
رقم العضوية : 3478
تاريخ التسجيل : 28Nov2007
المشاركات : 1,656
النوع : انثى
الاقامة : الهــــــــــــرم
السيارة: تويوتا ياريس
السيارة[2]: هوندا سيفك
دراجة بخارية: لا يوجد
الحالة :
مش عارفه والله بس هو الاستاذ ممدوح قالى انه فيه 5% من قبل ما يعمل لى وثيقه التامين وانا وافقت على دفع ال نسبه دى
ليه حضرتك مش بتدفع مش عارفه بس ده كويس
المفضلات