الموضوع: فيلوستر سودا vs اكس 6

والله انا حقول انه كان سبها تعدى وكبر دماغه وكانت زمانها فرحانه و بتحكى انها طلعت من x6 بس بينى و بينكم الواحد فى الموقف ده الدم بيغلى فى دماغه و بتحول لواحد تانى بس لو لا قدر الله حصل موقف زى اللى حصل للبنت ده كنت حضايق عشان صاحب الباسات و عشانها هى شخصيا كان ممكن تموت او تعيش بعاهه بس برضه ساعتها صعب الواحد يفكر فى الكلام ده انا يوم الجمعه اللى فاتت كنت جاى من اسكندريه و الدنيا كانت بتمطر و الطريق مزحلق و كنت بالبولو ماشى 120 تقريبا و بطلع من العربيات عادى جد مش بزنق على حد ولا حاجه و
لقيت واحد بنوبيرا طاير جنبى و عمال يعدى من يمين الطريق و هارى نفسه كاننا فى سبق و كان معايا مراتى و بنتى جيت قارص انا كمان و هريته غرز هو حب يعدينى من يمين عربيه جنبى و يقفل الشمال قدامى كنت انا قبله فيها عامت منه العربيه و كان حيلبس فيا و فى العربيات اللى حولينا و قعد يلعب يمين شمال و انا ولا اتحركت من الحاره بتاعتى و بعدين احترم نفسه و مشفتوش ورايا بقيت الطريق

المشاركة الأصلية كتبت بواسطة chrispo

بص حضرتك انا رديت قبل كده انى مش حد مستهتر ولا حاجة بس فى كتاب اسمو لماذا من حولك اغبياء والناس ردت فى الموضوع وقالت طالما هى حمارة ومتعرفش تسوق لازقة فيا ليه وهل تفتكر وسيبك من الشد او اى حاجة لو انا ماشى عادى
وهى لازقة فيا برضو عادى
ولقيت عربية قدامى مش المفروض افاديها ؟ طب نفترض انى مكنتش قاصد البسها وفاديت عربيتى وهى لبست اعملها ايه مهى حمارة بس بينى وبينك ...... كنت قاصد لانى قربت اوى من الباسات وحودت قلت اشوف هيحصل ايه لقيت العربيتين باسو بعض ههههههههههههههه

اولا متشكر علي ردك ..

بس لنفترض حسن النية و لو حسيت أنها مابتعرفش تسوق و لازقة فيك يبقي الواجب عليك أنك تساعدها مش تلبسها

ساعات كتير التصرف بهدوء و نبل بيكون له مردود كويس من الجهة المقابلة و لو اننا لاننتظر مقابل من الاشخاص بقدر مانحتاجه من الله اللي بنكون محتاجين له علشان يسترها معانا في المواقف الصعبة اللي لا بتنفع فيها شطارة و لا امكانيات عربية

يا باشا انا لو مكانك و معايا x6 كنت حسبها تعدى و تفرح اية المشكلة!!!! بالعكس كنت حفضل اضحك طول الطريق عليها. بعدين انت بتقول من اول ثانيتن كانت فى ضهرك خلاص يعنى فهمتها غلطها اية لازمة انها عايزة تطلع من اليمين تقوم تقفل اليمين عليها تطلع من الشمال تقفلة عليها!!!
بص يا باشا انا معايا فيرنا و لما احب اشطر على حد بعربيتى مش حشطر على ماروتى علشان اعرفة مقامة, حتى لو بتاع الماروتى هرانى كلاكسات.