فيلوستر سودا vs اكس 6

**Omar_H** · 30-10-2011 06:23 PM

هو أنا كمان شايف إن صاحب الموضوع مش غلطان قوي هو الراجل بيشد و بيفادي عربية هي بقى اللي غلطانة و لازقة فيه ومش عاملة حساب حاجة زي كده ده غير إنها شايفة إن عربيته عالية و هي مش شايفة حاجة قدامه يبقى لازم تعمل حسابها إنها مش عارفة قدامه إيه ولا ممكن يعمل إيه ... وبعدين لو حد طلعله فجأة أو حاجة وهو فرمل جاممد وش كانت لبست فيه هو لقيناها ولا هتبقى شايفة في إيه قدامه فجأة هتلاقيهـا لبست فيه

**r0xer** · 30-10-2011 06:25 PM

مية مية يازعيم......عشان تعرف انه مش كل العربيات تتشد معاها...

والراجل بتاع الباسات هيدفعها حق تصليح شنطة عربيته واكصدامها طبعا يعني هيسيبها مثلا؟ واهي يمكن تتربى وتبطل تشد مع الغلابة....

ذنب ناس بتخلصه ناس و انت مية مية و اكيد هي اتربت بعد العلقة دي ومش هتلبس الناس بعد كدا.

ربنا يسترها على عربيتك ان شاء الله و حاول متشدش الايام الجاية لحسن الموضوع دا يكون خلى الناس تفتح عينيها عليك هههههههههههههههه

**mazagngi2010** · 30-10-2011 06:27 PM

احترم صاحب الموضوع بصراحه

**Ashraf_Ibrahim** · 30-10-2011 07:42 PM

المشاركة الأصلية كتبت بواسطة SE_coralsea

أخي الكريم / أستاذ أشرف

أولا.. واحشني جدا و نفسي في مقابلة تانية علشان اشوفك و أشوف الاخوة الاعزاء

ثانيا .. أحنا ليه واخدين المسألة انها حرب و يعذبني و اعذبه و يعديني و اعديه و ليه نسينا أن القيادة "فن - ذوق - أخلاق"

ليه مش بنراعي بعض و نقدر ظروف بعض و نخاف علي بعض في الطريق ؟؟
هو ده السؤال المهم اللي لازم كل واحد فينا يجاوب عليه بنفسه

الصديق الحبيب سمير
والله انت كمان واحشني جدا وان شاء الله رتب انت مقابلات بس وملكش دعوة انا راشق على طول باذن الله
واديها المرة الجاية خارج القاهرة بقا :D

اما عن الفن والذوق والأخلاق فموجود موجود متقلقش

الفكرة بس يا حج سمير انك بتبقا ماشي في امان الله ومراعي العربيات كلها وماشي اشارات وبالسرعة القانونية -انا تقريبا مبتجاوزش السرعة القانونية الا نادرا- وتلاقي حد جاي من وراك طيارة -ماشي حقه مش هنقول انه مقيد بسرعة الطريق- بس لما افتح ليه الطريق والطريق فاضي ميستاهلش انه يضرب غرزة او ما شابه والاقيه يا دوب بوز عربيته عداني ويقوم رامي عليا رمية وحشة تقريبا العربية كانت هتأمر مني نتيجة رد الفعل بس ربنا ستر ساعتها بتحس ان الشخص دا ميعرفش حاجة في السواقة غير بنزين وفرامل بس وبتحب انك تديله درس
دا اللي انا عملته مع بتاع التريلا ليس الا كنت بديله درس مش اكتر
منكرش ان كل اللي كانوا راكبين معايا كانوا مرعوبين وان اللي عملته غلط بس ساعتها فعلا بتكون متنرفز جدا
ربنا يقينا شرور الطريق يا رب كلنا اللهم امين

اما عن احترام الغير ومراعاتهم انا دايما مقتنع بأني لما أحافظ على اللي ورايا وعلى الي معايا في الطريق اكيد هتتردلي وهلاقي اللي يحافظ عليا
يعني طريق البلد بيكون فيه قطعة حوالي 16 كم رايح جاي ومطبات فجائية فكان قدامي نقل فعديته ووانا قدامه فليشر قبل المطبات وكدة رغم ان هو لما كان قدامي معملش كدة
في احدى مراحل الطريق عداني هو لقيته شغالبرده فليشر وكدة فانبسطت جدا ان الفليشر بتاعي أثر فيه وخلاه اشتغل بالاشارات
وخد من دا كتير يا حج سمير
نحافظ على بعض نوصل مع بعض

**Kareem.ElAraby** · 30-10-2011 10:47 PM

يا كريسبو مش قصدي عليك نهائي بقي انا كان قصدي علي صاحبه الفلوستير هي صاحبه سمعه التلبيس مش انت بدليل انك قولت انك فتحتلها السكه !
و بأعتذرلك عن الالفاظ بس انا بأكره موضوع اتلبيس ده ولا سيما ان الناس ساعات بتفتكرها شطاره
و بأعتذرلك تاني يا كريسبو
و ربنا يبعدهم عننا

**Dawns_Mist** · 30-10-2011 11:39 PM

والله يا عم كريسبو انت برنس ..
هو أنا مش من طبعي إني أنفسن من حد طول مانا سايق .. لو مستعجل بشد علشان ألحق أوصل بدري عموما .. مش مستعجل خلاص بمشي عادي جدا زيي زي غيري ...
لكن برضه لما حد يستفزك أوي أوي كده .. لازم تعلم عليه الأول ، و بعد كده تكمل طريقك ..
وبعدين المعتوهه دي تستاهل .. فيه حد يشد مع x6 ..!! تعرف لو كان معاها مثلا دودج اتشارجر ، أو كرايزلار 300 أقولك ماشي تعالى نشد .. لكن مش هيونداي يعني ..!!!
وكمان الفيولستر دي أنا حاسس الناس مدينها أكتر من حقها .. يعني بثمنها الواحد يجيب مازدا 3 الجديدة ، أو فيات برافو ولا تقولي بقى هيونداي ولا أي عربية كوري ..
عموما .. أنا جيت أديك التحية و السلام ، و بقولك البيبسي على حسابي يا سيدي ..

**Abo_Lina** · 30-10-2011 11:53 PM

أي حد يحاول يشد مع x6 بعربية زي الهيونداي يبقى مختل
ال x6 كانت قدامي ماشية على ١٣٠ و لما كبس العجل فرك و هيا على ١٣٠ !!
هيونداي إيه اللي أنت جاي تقول عليه
أنت عارف قبلا معنى x6 إيه

**Chrispo** · 31-10-2011 12:31 AM

المشاركة الأصلية كتبت بواسطة horas3000

واضح ان البنت دي متعرفش مقوله
لا تلعب مع الوحش و لا تخلي الوحش يلعب معاك

و سؤال جانبي
انت 50i و لا 35i

50 يا حبى ونورت الموضوع

-

-

الموضوع: فيلوستر سودا vs اكس 6

LinkBack

أدوات الموضوع

عرض

-

-

-

-

المواضيع المتشابهه

دخنه سودا

جبت ريو 2013 ..سودا

هيونداى فيلوستر

دخانه سودا

جين 2 سودا

الكلمات الدلالية لهذا الموضوع

المفضلات

المفضلات

ضوابط المشاركة