أشكرك يا مشرفنا العزيز و ان شاء الله تعم الفائدة على الجميع .
عرض للطباعة
أشكرك يا مشرفنا العزيز و ان شاء الله تعم الفائدة على الجميع .
يا استاذ حسام
ممكن تتكرم وتتفضل تنضم لرابطة الاسبيرانزا؟؟؟؟
اول موضوع في القائمة :evil:
ودلوقتى اكلكم عن السيارة شوية ..
واحب اقول انها فعلا خطيرة بكل المقاييس
ماشاء الله تبارك الله صالون واسع جداً جداً و فرش جلد من النوع المحترم اللى تحس و انت جالس فيه بالفخامة
جميع المواصفات المذكورة فى الموضوع هنا مظبوطة عدا انها مفيهاش وحدات رفع و دى حاجة بسيطة جداً لو حبيت تركبها و فى التوكيل رحبو جدا انهم يركبوهالى مجانا بس القطع على حسابى و مش غالية .
درجة الثبات ماشاء الله تعادل بى ام و مرسيدس لانها كبيرة و تقيلة لكن مع الموتور 2000 سىسى زى الرهوان
متعة و فخامة و راحة اثناء القيادة و سهولة و مرونة عند استخدام اى اوبشن فيها
الستارة الخلفية كهربائية بذر منفصل لو حبيت ترفعها او تنزلها و لو رافعها و ماشى و حبيت تركن مثلاً و ترجع لورا فأول ما تحط التعشيق على R تنزل اوتوماتيك و بصوت ناعم وهادى و سلاسة جميلة جداً و ترجع تطلع تانى اذا حطيت التعشيق على Dبس لازم تتحرك شوية و تمشى خوفاً من انك تكون بتركن لسه و تضايقك كل شوية طلوع و نزول.. يعنى اهتمام بادق التفاصيل لخدمة اللى بيسوق و راحته.
اما الجيربوكس .. ياعينى عليه بيسموه Tip tronic يعنى اتوماتيك و ممكن تحوله مانيوال لو عاوز.. و عشان مطولش اكلمك عليه و على الباقى مرة تانية ان شاء الله و كان لى عمر .. يعنى نوع من الاثارة و التشويق و فى نفس الوقت حاسس انى لو استرسلت حاملا كل صفحات المنتدى و محدش حيوقفنى.
اشوف موضوع الرابطة بيتكلم عن ايه و حارجع لحضرتك تانى باذن الله.اقتباس:
المشاركة الأصلية كتبت بواسطة aamerbebo
مشرفنا العزيز موضوع الرابطة جامد جداً و فكرة هايلة وربنا يوفقك
انا قرأت الشروط و معنديش مشكلة فيها غير ان حكاية الاجتماعات دى حتكون صعبة شوية بالنسبة ليا لأنى من سكان الاسكندرية .. لكن لو مفيش مشكلة ممكن حأفيد فى موضوع زيارات التوكيل و المشاكل (وربنا يبعدنا عنها) لو فرض و كان فى مشاكل لأنى متفائل جداً من كلام الأخوة الأعضاء اللى سبقونى و اشترو السيارة.
اولا يا سيدي الفاضل الاجتماعات ليست من الشروط دي من النشاطات بس ثانيا ان شاء الله في اجتماع في الاسكندرية علشان اهالي الاسكندرية حبايبي. ثالثا اكيد انت بتنزل مصر يوم ولا حاجة نبقى نتقابل ساعتها.
ادخل الرابطة ولا يهمك
أحب أقول حاجة مهمة جداً ..
كنت قولتلكم ان التكييف مكنش بيبرد و كنت مستنى صيانة 1000كم عشان اشوف حيعملوا ايه .. و امبارح خرجت بالسيارة و كان الجو حر شوية فاتصلت بواحد حبيبى قريبى و له فى موضوع التكييف و التبريد هواية وقالى نبص عليه .. على طول رحتله و بص على التكييف و لقى العيب بسيط جداً هو ان البلف كان مفكوك شوية و هرب فريون .. ربط البلف و شحن السيارة و ماشاء الله تلاجة و قالى جربه كام يوم و ان شاء الله ميكونش فى تنفيس من مكان تانى.. بس الكلام دا كان بالليل متأخر وطبعا لسه تحت التجربة ..
اللى عجبنى فى الموضوع كله انه لما فك البلف و شافه قاللى دا بلف مرسيدس محترم يعنى السيارة مش اى كلام .
مش حاوصيكم محدش يجيب سيرة للتوكيل لحسن يسقطولى الضمان........!!!
ادخل الرابطة ولا يهمك[/quote]
ماشى كلام الجدعان أروح و أملأ الاستمارة.
استاذ حسام تحياتى
انا من حاجزين السياره ال A620 لكن قريت حاجه استغربتلها شويه ان اقصى سرعه
للسياره 190 كم فهل هذا الكلام صحيح ؟
دى مش دعوه للتجربه ربنا يخليك ...
و ال 190 حلوه ومحدش حيمشى عليها انا بس باكمل معلوماتى
تحياتى لحضرتك و لمشرفين المنتدى و جميع اعضائه
رجائى
طيب ممكن سؤال بعد إذنك يا أستاذ حسام
أنا بفكر أشتري الاسبيرانزا الصغيرة و محتارة ما بينها و بين الشاريد أو البيكانتو
ممكن رأيك و أنا ليه حطيتهم في مقارنة عشان السعر ده هوا اللي أقدر عليه في الوقت الحالي
في انتظار ردك