استاذ حسام هو حضرتك جربت الاسبيرانزا الصغيره وحضرتك تقضل الكبيره عليها في ايه؟ وهل فعلا الكبيره منخفضه عن الأرض خالص زي الهوندا وشكرا
عرض للطباعة
استاذ حسام هو حضرتك جربت الاسبيرانزا الصغيره وحضرتك تقضل الكبيره عليها في ايه؟ وهل فعلا الكبيره منخفضه عن الأرض خالص زي الهوندا وشكرا
أولاً اسف جداً لتأخرى فى الرد و ذلك بسبب ظروف خارجة عن ارادتى نتيجة لعطل فنى بجهاز الحاسب عندى مما استدعى تغيير الهارد و اعادة تنزيل ويندوز جديد مما استلزم وقت و مجهود .اقتباس:
المشاركة الأصلية كتبت بواسطة ragaiy
ثانياً بالنسبة للسرعة القصوى للسيارة فأنا حتى الان لا اعلمها و لا اوعدك بانى ساعلمها مستقبلاً و ذلك لان طرقنا فى مصر لا و لن تستوعب السرعات العالية مع العلم ايضاً ان سيارتى مازالت بالتليين فى 1000 كم الاولى و اقصى سرعة مشيت عليها كانت 100 كم .. انشاء الله تستلم قريب و تجرب و تقولى مبروك مقدماً و اختيارك فعلاً موفق السيارة محترمة بكل المقاييس
للاسف لم اجرب السيارة الصغيرة لأنى منذ رايت الكبيرة وقع الاختيار عليها و لذلك لم اهتم بالصغيرة .. يوجد مواضيع كتيرة فى المنتدى بتتكلم عن الموديل الصغير لان اغلب الاعضاء من مالكيها او حاجزيها يمكنك الطلاع عليها .. اما بالنسبة للانخفاض فانا لم اشعر باى مشاكل حتى مع اقصى حمولة ركبت معايا و كان عددها (5) اشخاص كبار و طفلين صغيرين (4) ركبوا بالخلف مع طفل مرتاحين (الصالون ماشاء الله واسع) و فرد بالامام مع طفل .. المنظر الخارجى اثناء هذه الحمولة يبدو ان السيارة منخفضة نوعاً ما .. ولكن لم تحدث اى مشاكل مغ المطبات اثناء السير كما ان الثبات للسيارة كان ممتاز جداً.اقتباس:
المشاركة الأصلية كتبت بواسطة baher
لا اكذب عليك لا اعلم عن المودلين اللى بتقول عليهم سوى المظهر الخارجى فقط و لذلك مش حاقدر اقارن بينهم و حتى لو قارنت فانا متحيز متعصب للاسبرانزا و ربنا يرزقك ان شاء الله و تقدر تجيب الموديل الكبير.اقتباس:
المشاركة الأصلية كتبت بواسطة zayyoda
استاذ حسام
اوصيك خيرا مركبش ناس كتير في العربية لسببين
اولا: انت راكب عربية زيرو وفي التليين وده طبعا غلط على الموتور جدا جدا جدا اثناء التليين.
ثانيا: عاهد نفسك على عدد معين لا تزيد عنه انا مثلا ميركبش العربية اكثر من 4 بالسائق وممكن لو حبكت اوي اوي اوي يبقوا 5 وتبقى مرة ولا اثنين في العمر.
نفس اللى حصلك بالضبط كأنك بتحكى على لسانى مع إنى كنت رافض فى الأول (الإختيار أساسا بتوصية من القيادة العسكرية- المدام) بس فعلا بهرتنى و نزلتلها أجازة مخصوصة. بس للأسف عندى مشكلة فى السحب، غير كدة فعلا عربية تتحسد. و تقريبا دة حصل لأنى لقيت الشاشة الخلفية اليمين الصورة فيها معكوسة و مقلوبة ...إزاى معرفش وللأسف حصلت بعد صيانة الألف و مباشرة قبل السفر.
طمنتنى على التكييف أنا برضه جربته لقيته ضعيف بس كدة إطمنت إنها مشكلة فريون. الأتوماتك دة قصة تانية خالص و رائع فعلا المشكلة إنى مش عارف أرجع تانى أتأقلم مع سيارتى المانيوال... الولاد فرحتهم بالشاشات اللى ورا عندى بالدنيا.....
كويسة جدا فكرة روافع الزجاج دى فعلا ممتازة لو التوكيل ينفذها. بخصوص مثبت السرعة و غلق المرايات كهربائيا و سنسور الباركينج قالولى فى الصيانة إنه محسوب حسابها فى السيارة وهم طالبين إكسسوارتها من الصين للتركيب حسب الطلب (كماليات)...
ربنا يبارك للجميع و يحفظها من العين... أمين يا رب
تحياتى
م/طارق زياد
الف مبروك عليك العربية يا استاذ طارق وان شاء الله ربنا يديك خيرها ويكفيك شرها وفي انتظار انضمامك الى رابطة الاسبيرانزا.
الف مبروك عليك العربية يا استاذ طارق وان شاء الله ربنا يديك خيرها ويكفيك شرها
مشرفنا العزيز انا معاك جداً فى كل اللى قلته لكن متقلقش لأن من مميزات الموديل الكبير نظام " حمل و طير " و عاوز اقول لسعاتك ان الجنة بلا ناس ما تنداس و احنا بندفع فلوس ليه و نجيب عربيات عشان الفسح و الرحلات والجمعات و متنساش ان احنا فى مصر شعب بياخده العشم جامد اوى .. وعموماً طول ما النية خير الستار بيسترها .. وخليها على الله.اقتباس:
المشاركة الأصلية كتبت بواسطة aamerbebo
م/ طارق أهلاً بيك و مبروك العربية و اختيارك فعلاً موفق وربنا يديك خيرها و يكفيك شرها .. فى الحقيقة مش فاهم سعادتك فى ايه هى مشكلة السحب عندك و ليه معملتهاش مع صيانة 1000كم ؟!! بالنسبة لى لسة مضغطش على العربية فى السحب عشان التليين لكن اديتها كام مرة كدا تكتين على الماشى و حسيت بالـ 2000 سىسى فعلاً و بيتهيأ لى مفيش مشاكل فى السحب .. عموماً لو وصفت بالظبط ايه بيحصل عندك يمكن نقدر نفيدك.اقتباس:
المشاركة الأصلية كتبت بواسطة TAREK ZIAD
ثانياً : حكاية الصورة المقلوبة فى الشاشة دا مش عيب و لا حاجة اطمن دا اوبشن فى الـ Setting بتاع الشاشة و تقدر تظبطه من الريموت .. و انا شفتها بنفسى .. جرب و اذا معرفتش قولى و انا اجيبلك الخطوات بالظبط.
ثالثاً : التكييف طالما الكمبروسور شغال يبقى اى حاجة بعد كدا سهلة و على فكرة طالما حصل تسريب فريون يبقى لازم فى تنفيس فى مكان معين و انا بالنسبة لى كان التنفيس بسبب ان البلف كان مفكوك .
بالنسبة للجيربوكس بتاع العربية قالولى انه صناعة المانى بس معرفش صح و لا لأ لكنه فعلاً حكاية و حاتكلم عنه المرة الجاية لأن فيه حاجات فى نظام الـ Tip tronic انا متأكد ان كتير ماخدوش بالهم منه .
بالنسبة للاكسسورات معلومات قيمة فعلاً و انا كنت ناوى اسأل عليها لما ازور التوكيل لكن حضرتك سبقتنى .. و عموماً شكراً على اهتمامك و ربنا يطرحلك البركة فيها و متقلقش خالص من اى حاجة لأن العربية فعلاً ممتازة و يمكن افضل من الموديل الصغير.مع احترامى لكل الاعضاء المالكين و الحاجزين لكن مجرد رأى شخصى.