أول هام امبارح كان اول يوم اركب فيه السيارة بعد ما قرأت ملاحظاتك عن مشكلة السحب و حاولت ادقق فى النقط اللى حضرتك شرحتها لكن للاسف ملقيتش عندى منها حاجة الحمد لله سحب السيارة ماشاء الله ذى الفل و فعلاً زى ما سبق و قلت تحس فعلاً بموتور مستسوبيشى 2000 سى سى .. و اعتقد ان على كلامك فعلاً عندك مشكلة فى السحب .. لكن فى نقطة احب حضرتك تجربها و تتأكد منها الاول قبل ما تحكم و معرفش اذا كنت عارفها و لا لأ .. و هى ان السيارات الاوتوماتيك الحديثة فيها تكنولوجى يخليك تمشيها مانيوال حتى لو هى مش Tip Tronic بمعنى انك لو ماشى بعجلة منتظمة مثلاً على سرعة عادية و لتكن 80 كم او ايا كانت و حبيت مرة واحدة تشد و تعطى عزم للسيارة فبتضغط على دواسة البنزين للآخر فترة حتلاقى الجيربوكس نقل لوحده على الغيار الاقل و السيارة معاك عزمها ذاد و تفضل مدياك عزم الغيار اللى نقلت عليه طول ما انت دايس و تشد بيها و مش حتنقل للغيار اللى بعده الا فى حالة انك ترفع رجلك شوية عن دواسة البنزين او الـ RPM يوصل لأاقصى عدد لفات مسموح بيها ايهما أقرب و هكذا على كل غيار طول ما بتدوس على البنزين لآخره .. جرب الحركة دى و حتوضحلك سحب سيارتك شكله ايه و استجابتها عاملة ازاى و رد على و اتمنى ان فعلاً ميكونش عندك مشكلة . و الرسالة اللى جاية حتكلم عن الصيانة.