عزيزى م/ حساماقتباس:
م/ طارق أهلاً بيك و مبروك العربية و اختيارك فعلاً موفق وربنا يديك خيرها و يكفيك شرها .. فى الحقيقة مش فاهم سعادتك فى ايه هى مشكلة السحب عندك و ليه معملتهاش مع صيانة 1000كم ؟!! بالنسبة لى لسة مضغطش على العربية فى السحب عشان التليين لكن اديتها كام مرة كدا تكتين على الماشى و حسيت بالـ 2000 سىسى فعلاً و بيتهيأ لى مفيش مشاكل فى السحب .. عموماً لو وصفت بالظبط ايه بيحصل عندك يمكن نقدر نفيدك.
شاكر لك إهتمامك و ردك الجميل، بخصوص مشكلة الشاشة فقد تم حلها و الحمدلله.
أما بخصوص مشكلة السحب أو التسارع بمعنى أدق تتلخص فى التالى (إقتباس من مشاركة سابقة لى فى موقع كونتاكت):
رد الفعل المتوقع لتسارع السيارة لا يتناسب أبدا مع الضغط الواقع على دواسة البنزين و المشكلة فى التسارع من الأول الى الثالث يعنى من صفر الى 60 كم/س و بعد كدة التسارع ممتاز جدا.
للأسف صيانة الألف كيلو لم تحل المشكلة بل بالعكس زادت المشكلة مع تشغيل التكييف و تظهر بصورة أوضح للأسف.
تكون المشكلة فى الجيربوكس أو التصميم أو وزن السيارة الكبير كل دة ممكن.
ولكى نكون واقعيين وموضوعيين لازم أوضح التالى عن تجربة:
1 التوكيل لا يعترف بالمشكلة وشايف إنها ممتازة.
2- صيانة الألف لن تحل المشكلة بالعكس هاتزيد جدا عند تشغيل التكييف.
3-فى صيانة الألف قابلت إثنين أخرين بيشتكوا من نفس الموضوع و مستائين جدا و لكن كان هناك إثنين تانيين أيضا مش حاسين إن فيه مشكلة عندهم فى السحب لكن بيشتكوا من حاجات تانية.
4- مقارنة الإسبيرانزا بالميسوبيشى ال 1600 أكيد مش فى صالح الإسبيرانزا من حيث القوة و السحب (على فكرة أنا كمان جربتها على ميتسوبى جديدة و مش نادم على الإسبرانزا بالعكس لا أزال سعيد بيها جدا).
طيب و الحل؟؟؟؟؟
للأسف ما فيش حل فورى أو سحرى بس فى إقتراحات:
1- معرفة عدد اللذين عندهم نفس الشكوى و نسبتهم للضغط على التوكيل لحل المشكلة. لكن للأسف لا يوجد كثرين من حائزى الA620 بالمنتدى.
2- التكيف و التأقلم مع السيارة و تجنب الغرز و السواقة الشبابية و الصبرعند المنحنيات وعند الإنطلاق عند فتح الإشارة خاصة فى حال تشغيل التكييف.
رأيى الشخصى بعد ال 1300 كم:
السيارة ممتازة بإمكانيتها و شكلها و سحبها و سعرها و غير نادم بالمرة عليها بالعكس سعيد بها جدا و أدعوا ربنا يحفظها من العين لأنها تتحسد بصراحة. لكن المصداقية و الأمانة تحتم عليا أن أذكر عيب السحب للأخرين المقدمين على الشراء حتى تكون الصورة واضحة للجميع.
تحياتى
م/ طارق زياد