معانا م طارق زياد .. و تحت امرك فى اى وقت .
عرض للطباعة
معانا م طارق زياد .. و تحت امرك فى اى وقت .
أعزائنا أ/رجائى و أ/طارق شعير و كافة مالكى ال620 الأعزاء
برجاء موافاتنا بإنطباعاتكم الإيجابية والسلبية تباعا عن السيارة و ضمن هذا الموضوع إن أمكن للتسهيل على الجميع فى متابعة ومعرفة و تقييم السيارة من مالكيها.
مع التحية للجميع
م/طارق زياد
طارق بك . هستلم بكره إن شاء الله .. تعليماتك ياباشا
طبعاً ياجماعه بعد الإنطباعات بتاعتكم صعبتوا العمليه معايا اوى لأنكم كتبتم بأسلوب جميل ومزاج عالى أوى ومغطيين الموضوع تماماً ومع ذللك أحاول .. نقتبس الأول حاجه كنت كنبتها فبل كده .
مبدئياً :
إحساس العربيه الكبيره فى القياده متعه ثانيه خالص رغم إنى كنت مركز أوى لأنًى مش حافظ أبعادها لسًه وكنت ماشى من غير نمر كمان ومشيت بيها مسافه صغيره ( من سبورتنج حتى رشدى ) . ومع ذلك مع الحجم الكبير راحه أكثر متعه أكبر . على فكره ياجماعه بالإضافه إن السعر هيزيد من 5 : 8 % قريباًً كمان فيه معلومه بالنسبه للـ 620 قالها لى المهندس محمد سمير مدير التوكيل بالإسكندريه .. قال لى سوق على سرعات متفاوته يعنى 100 وبعدين تزود مثلاً 130 : 150 وبعدين تنزل تانى يعنى متسوقش على سرعه واحده بره البلد طبعاً فلت له إمَال تليين إيه وسرعة 100 إيه قاللى مفيش الكلام ده ..بس نسيت أسئله أنا والدكتور إيهاب ليه تغيير السرعه ده لننا ركزنا فى موضوع التليين
حذفت للتكرار
ايهاب بدر
فيه حاجه غريبه .. لما بدوس حفظ بيدخل على سايت تانى .. أرجو الدكتور إيهاب أن يحذف المكرر .
النهارده كان يوم الترخيص العالمى . المهندس محمد سمير مدير التوكيل إتفق لى مع مندوب التراخيص يقابلنى النهارده وكلمته فى التليفون فى بيته يوم الخميس أكدت عليه ورحت يوم الجمعه جبت نمر تجاريه وكلمته النهارده الصبح فى بيته .. مردش خالص أكتر من 10 مرات .
رحت نازل مع نفسى ورحت أخذت العربيه من الجراج وكلمت الدكتور إيهاب علشان أعرف منه خط السير فى المرور وصحيت الراجل من النوم وقاللى على الخطوات بسرعه . ورحت ومشيت فى الإجراءات وكان الترتيب كالتالى :
1 - البصمه وشراء الطفايه وعلى فكره ثمن طفاية العربيه الـ2000 سى سى 197 جنيه وعلى فكره الراجل مدقش رقم العربيه علي الطفايه لأنى كنت لسَه مخدتش نمر ياترى ده صح ولآغلط ياريت تقولولى لأنى مخدتش بالى من الحكايه دى .
2 - رحت تراخيص الملاكى الجديده إدونى شويه طلبات وهى كالآتى :
2 صورة بطاقه - 2 ورقة كمبيوتر - 2 أمر صرف بخصوص النمر - إعتماد المبايعه - دوسيه - 10 جنيه دمغة شرطه - 5 جنيه دمغه عاديه - التأمين الإجبارى 88.00 جنيه .
عملت كل ده وأخذت النمر وبعدين رجعت دفعت الضريبه وعملتها 3 سنين بمبلغ 555.70 جنيه .
وأخذت نمره مش وحشه ورحت بيها دهنتها علشان قديمه شويه وهى 342118 ملاكى اسكندرية طبعاً وركبتها .
ده الترخيص رحت بعد كده جبت دوسات بس معجبتنيش فهحطها فى الـ 128 وعاوز أجيب دوسات تانيه كبيره ومحتاج أستفيد من خبرة أصحاب الـ 620 فى الموضوع ده .
يعنى الموضوع دخل فى ألف جنيه تقريباً .
بالنسبه للعربيه أول حاجه لفتت نظرى مع الإستعمال إن مفيش مكان حوليك وإنت سايق تحط فيه الموبايل بتاعك أو أى حاجه من متعلقاتك الشخصيه فحطيته فى مكان الأكواب .. ورخصتى جيت أحطها فى الشماسه موجدتش حته . طبعاً أنا بدأت بالحاجات إللى مريحتنيش . العربيه مش مصفحه من تحت وده بيحمى تمام ولكن قتحت الكبوت وبصيت لقيت الكرتير عالى وبعيد خالص ووضعه يعتبر محمى كويس والعربيه عاليه وعلى العتبه إللى أمام الراديتير فيه قطعة ألومنيوم مكتوب عليها رقم الشاسيه والموتور واللون .
العربيه واسعه بشكل فظيع ويعطيك إحساس بالراحه والرفاهيه ووضع جلوس السائق .. مرسيدس .. من حيث الراحه ومتعة القياده وأسلوب السيارة فى الإنطلاق ( أقصد بكلمة مرسيدس أنها رائعة وليس وضع السيارتين فى مستوى واحد طبعاً ) ولكنها ممتعه فعلاً .
المناورة فى السيارة ممتازه رغم كِبر حجمها على عكس ماكنت متوقع وعلى فكره تسخين كرسى السائق ملغى وده موجود عند حسام بك مكاوى . برضه الشىء المهم إللى لازم يركب هوه وحدات رفع الزجاج لأنى كل مره أبطل وأخرج من العربيه وبعدين أرجع تانى أفتح كونتاكت وأقفل الزجاج وطبعاً السنسور علشان فى المرشيدير مش بكون شايف الشنطه خالص لأن العربيه كبيره ...
أحبائى إلىلقاءٍ آخر إن شاء الله
انا قلت لك الصبح جيب الطفايه 1 كجم الراجل ضحك عليك و اعطاك 1.5 بعداد صح؟ أصله حب يعملها فيا فحرقت دمه و جبت 2 ك بدون عداد ب 165
ثانيا الراجل بتاع المرور بيدق رقم الشاسيه مش رقم العربيه و ده النظام الجديد
ثالثا موضوع التليفون ده كارثه كبيره و ده أول موضوع تختص بيه الرابطه :lol:
بالنسبه للطفايه أنا سئلت الراجل إللى بيدق رقم الشاسيه هيه الطفايه مش بـ 96 جنيه فقالى إنت كام سى سى وبص فى الورق وقاللى إنت 2000 سى سى يبقى كده صح قلت له هوه الطفايه تبع السى سى قاللى أيوه طبعاً .
بالنسبه للتليفون إيه رأيك أحطه فى الطفاية وخصوصاً إنى مش هستعملها فى حاجه . :wink: :wink:
لعلمك ال2 كجم أرخص من ال1.5 كيلو علشان العداد وواضح ان فيه قسمه للفلوس بين الناس دى