الموضوع: اثنين حينفصلوا او بمعني اوضح حيطلقوا بسبب.......

mariammarum
اللى واصلنى انك عايز تنهى بس كنت محتاج حد يديك دفعة يحسسك ان عندك حق 100 % من غير ولا ذرة ندم او شك ده من مشاركاتك اللى كاتب فيها انك انثى وكل ما حد يهجم عليها تقول مش كده برضه ما انا بقوله كده طب انا هخليه يقرا مشاركاتكو واقنعه

احيانا يبقى القرار جوه الأنسان بس محتاج دفعة صغيرة اخيرة
مش واصلنى خالص انك عايز تحل الا بطريقة واحدة لو حصلت كده بالصدفة تبقى جت منهم بقى وامرك لله تجرب كمان شوية وهى انك ترجع تلاقيها فى البيت وانك مش هتقبل اى اقتراحات او حلول وسط مع انك قلت نحكم الدين والدين بيقول حكم من الأهل هنا وهنا وكان بيقول تهجرها فى الفراش وخطوات كتير من اول ما لقيتها بتعمل حاجات مش راضى عنها

احيانا بناخد من الشرع الحاجات اللى تيجى على هوانا
ومكنتش عارف قبل الجواز انها خايبة فى شغل البيت -اشك ده انت سألتها فى كل حاجة ولا كذبت فى دى كمان طب كنت خليها تأكلك حاجة من ايدها
وطالما انتو اغنيا كده وهى مرتبها بتشترى بى حاجات كتير لنفسها يعنى ممكن تجيب ولو على حسابها واحدة تعمل حاجات فى البيت تساعدها مؤقتا لغاية ما تتعود لأن دى مسئولية كبيرة حتى لواحدة كانت بتشتغل فى بيت اهلها مش ما بتشيلش الياسمينة من الأرض واللى مكانتش بتعمل فى بيت اهلها دى محطتش معاها قواعد ليه وانت عارف الشرع بيقول متعملش فى بيتك كمان طالما كانت مخدومة-على اى الأوضاع لو عندك اى استعداد حل الست اللى تساعدها ده كويس بصفة مؤقتة وناس كتير جدا بتعمله وممكن تاخد اجازة بدون مرتب 3 شهور بس مبدئيا تجرب نفسها وتقرا شوية بحيث تعرف تنظم وقتها وامور بيتها ازاى خصوصا فهمها انه عشان كمان تعب الحمل وطبيعى بعد الولادة هتاخد 3 شهور وضع وسنة رعاية طفل ولا حاجة

وبالنسبة لأنها جرحتك يبقى لك يا سيدى فى حسابها كلمة جارحة او تصرف جارح مفروض تسامحك عليه بسهولة زى ما انت هتسامحها على اتهامها ليك والقوة انك تتحمل اذاها وانت الأقوى واللأعقل والأكبر

وقصة المرواح لأهلها قلنا هنحط قواعد لا يسمح بتكسيرها بعد كده وان كسرتها ابقى سيبها والله الطلاق مبيخلص متخافش

بس الرك فى المرحلة الجاية عليك اكتر لأنك لازم تبقى حمش تحسسها ان القواعد الجديدة غير قابلة للتغيير وان دى اخر فرصة بجد
ولو اتصلح حالها انت الكسبان انت وابنك
بس انبهك برضه ان مفيش زرار متركب هتدوس عليه تتصلح زى اكيد ما انت فيك عيوب برضه مانتش عارف تصلحها مهما حاولت

بس حكاية انها تصر تصرف على نفسها دى وراها انه سامحنى يعنى مش طبيعية اكيد بسبب حاجة بينكو وبرضه مقلتش ليه مخبى عليها فلوسك

(انت لسه بتقول مينفعش نقول لأنها تجارب واسرار ناس لازم افسر لسيادتك شفت وعاشرت ازاى دى حاجة غريبة جدا وانت مالك ؟؟!! ولازم اكون اتجوزت واتطلقت كمان عشان اعرف طب احذفوا بقى من الموضوع كل المشاركات للأى حد مش مطلق ومعاه ابن لو سمحتو ويسمح لدول وابناء المنفصلين بس بالحوار

لا يا فندم مش لازم تفسرى ( لسيادتى ) اى حاجة
وفعلا انا مالى وانا استاهل انى رديت على مشاركة ( سيادتك )

وانت بقى مطلق وعندك ابن وحتى لو وده يخليك ابو العريف فى المشكلة!!!

معلش دى غلطتى من الاول انى ما عرفتش نفسى أخوكى الصغير حمؤه (الشهير بأبو العريف )

وبعدين انا اتخانقت معاك ولا جيت ناحيتك

وكل ده وما اتخانقتيش معايا ولا جيتى جنبى ( طب حد يقولها حاجه يا خوننا بلاش انا اتكلم )

عاشرت اكتر من 7 حالات ولسنين طويلة ومش مطالبة اقولك درجة قربهم منى ولا علاقتهم بيا ولا انت تعرف تقدر مين شاف اكتر من مين ولا حاسس اكتر من مين

واذا كان زميلك قال لك ازاى تتعلق بابن مش بتشوفه اصلا فده بيثبت كلامى عن العذاب اللى الأبن حيشوفه لأن فى الوقت للى ابوه هيخلف غيره وينساه ويستبدله هو مش هيعرف يجيب اب تانى وهيفضل محتاج لأبوه مهما كانت صفاته السيئة ومفتقد حنانه وهيفضل مش فاهم هو ليه مبيسألش عليه وليه مش بيحبه وهيفتكر ان دى غلطته او عيب فيه ومش هيفهم هو ليه بيحب اخواته التانيين اكتر منه وليه اخواته دول مش بيحبوه وليه مرات ابوه بتكرهه وكمان جوز امه بيكرهه يعنى اتكتب عليه ميبقاش ليه مكان فى الدنيا لا هنا ولا هنا ك ومش هيفهم اشمعنى هو محروم وزمايله كلهم ليهم اب بيحنو عليهم ويحضنهم ويجى ياخدهم من المدرسة ومش هيعرف يرد لما اصحابه يسألوه انت مبتحكيش عن باباك خالص ليه هو فين صوره معاك وهيتعلم يكذب ويألف قصص يهرب بيها من الواقع وهيكبر بدرى قوى

مش هيعرف يفسر لأطفال حواليه ليه اسم اخواته مختلف ولا باباه اللى مع مامته ده اسمه مختلف عن شهادة الميلاد ومش هيعرف يفسر هو ليه عايش مع جدته ولا ليه اخواته لابسبن احسن منه وبيجى لهم كل حاجة هو محروم منها
ومش هيفهم الأب اللى محسش بيه ده ليه مكتفاش انه حرمه العمر كله من رحمته ومكانش موجود فى اى لحظة احتاج له فيها لأ كمان قرر يكمل انتقام من امه فيه وقرر يحرمه من الميراث
مش هيفهم ليه امه بتضطر تقف قدام ابوه فى المحكمة لأنه مستكتر يصرف عليه ملاليم بالنسبة له لكن بالنسبة لأبنه بيتأكد انه بيفتكره غصب عنه كل شهر لما بيروح يدفع النفقه طالما رافض يفتكره بالذوق
عمره ما هيفهم ليه مينفعش يشوف ابوه غير بقوة القانون وفى اماكن عجيبة وبيقابله ببرود ولما يجرى عليه يحضنه بيلاقى نفسه بيحضن ركبه ه عشان هو طويل ومهانش عليه يوطى يشيله لأن مش حاسس بيه زى مانت بتقول خلف ورمى وطوى صفحة من حياته وعاش
مش هيفهم لما ابوه يحاول يخطفه عشان يضغط على امه فى القضايا
مش هيفهم مخه البرىء الاعيب المحامين القذرة ولا عند الكبار ممكن يوصلهم فين
مش هيفهم ان ابوه لحمه ودمه هو مجرد اسم فى ورقة ملوش قيمة هيشيله معاه بس للقبر ومش هياخد اكتر من كده وانه مش مهتم بأى الم نفسى او عقد وجروح تتحفر جواه للأبد

مش هيفهم موقفش جنبه ليه ولو صورة قدام الناس يوم فرحه ولا فى موقف كان مهم جدا جدا يكون جنبه فيه ولا جاي لها عريس ولا رايح يتقدم لعروسة وليه رفض يساعده بأى شكل وفضل اخواته

اذا كان الأب معندوش احساس وهينسى فى ناس تانية هتدفع تمن العند والختيار اللط هى الناس اللى فعلا ملهاش اى ذنب

.....................................
.......................................

طريقة كلامك مش لطيفة فمتكلفش نفسك عناء الرد لأنك نهيت الحوار ومش هرد عليك

......................
.............................
...........................

ما صاحب المشكلة نفسه قال على نفسه انثى ويمكن مكانش اعترف بحقيقته حاجة تخنق

مبسوط كده يا باشا اديك خنقتها
شوف بقى يا باشا وكلامى لصاحب الموضع
لو مراة حضرتك من النوع اللى فى بالى وانت دلوقتى اكيد عارفه
نصيحه لوجه الله وانا والله بحبك
طلقها بالتلاته
بالتلالالالالالالالالالال الالالالالالالالالالالاته
ده الحريم اللى بالشكل ده
تحرم
:)

وزميلنا اللى بيضحك على تعليقاتى وانا كنت السبب فى النكد عليه
المفروض انك تكون اتعلمت من خطأك وقافل على نفسك الباب قبل ما تقرا الرد ده



انذار ووقف اسبوع لمخالفة 13
يرجى مراجعة قواعد المنتدى
11:21pm 13/11/2011
م.ع.10