الموضوع: اثنين حينفصلوا او بمعني اوضح حيطلقوا بسبب.......

المشاركة الأصلية كتبت بواسطة m000dy

هأوأوأوأوأوأوأوأأأأأأأأأأ أأأأأأأأو
واقعد انا جنبها واسمع الشباب بيعاكل مراتى
انتى عاوزاها تترمل بدرى ولا عايزانى ابقى اوروبى وابتسم اما اسمع مراتى بتتعاكس
العربيه زى البيت يا فندم
الراجل سايق ومراته جنبه
لكن بما ان الشوارع بقت زى الزفت
فانا مش هاهين اهل بيتى واركبهم مواصلات دة كلها بلاوى
كفايه عليها بيكانتو بردو
تقعد جوه عربيتها
تكييفها شغال
مسوجرها مقفول
تخبط حد ولا تدوس بنى ادم حتى تفضل كما هى لحد انا ما جى
يا ادفه تمن الخبطة واصلح العربيتين
يا اتحبس مكانها لو موتت بنى ادم
غير كده ما عنديش واوعى يغرك التيشرت والجينز
تحت منهم فى صديرى صعيدى ما بقلعوش واصل :)

لا عداك العيب
كفاية عليها حتة بيكانتو مش مشكلة انا راضية
وبعد الشر عليك م الحبس
هيا دي الرجالة ولا بلاش

المشاركة الأصلية كتبت بواسطة m000dy

يا ثبحان الله
يا ثبحان الله
فجأه كده الشفه طارت وبقيت رياض البنطلونى :)
وفجأه اول ما بصيتى على خانة العربيات قمتى مديانى لقب عريس بنتى رسمى
ههههههههههههههههههههههه
والله وبقيت من قطعية ده عريس ما يترفضش :)

ههههههههههههههههههههههههه ههههه
حرام عليك بطني وجعتني م الضحك اللي عماله اكتمه
يقولوا عليا ايه لو لاقوني باضحك بصوت عالي
تيجي البنت تقرا
تقول لي عرييييييييييييس يا مااااااااااي
وانت ما ترضاش تكسر بخاطرها وهيا لسة عود اخضر

اضحك الله سنك

بس كويس نخرج صاحب الموضوع من مشكلته
وما تزعلش من الخناقة اللي حصلت ياما بيحصل بين الاعضاء

المشاركة الأصلية كتبت بواسطة eng_hatemfathy

طب انا لو اتكشفت محلوله طب لو العروسة سمعت من مامتها الاخت نونيتا حاجه من الكلام ده هتعمل ايه
لازم تحافظ على صورتك امام العروسه -حماتك مهمه اه لكن هتحميك لالالالالالالا

والله وبقى لينا هيبة يا ولاد
تصدقوا احساس جميل اوي

المشاركة الأصلية كتبت بواسطة m000dy

هو الرجالة بقت كلها كده محتاجين حماية دولية :)
عموما انا هاتفق مع حماتى نونيتا على اتفاق
هى تحمينى من بنتها
وانا احميها من كل حاجه تانيه الا حاجه واحده بس هى تتعامل فيها
البرص
ما بحبوووووووووووووووووووووو وش
مره والدتى طلعت تصرخ من المطبخ
برررررررررررررررررص يالهوووووووووووووووووى
وماكانش حد غيرى فى الشقه
قمت انا زى الباشا عشان احفظ ماء الوجه بس وروحت على المطبخ
بس للاسف الماء اتبخر وماعادش فى حاجه الواحد يبقى عليها :)
قمت قفلت عليه باب المطبخ وسديت تحت عقب الباب بمشاية
وقولتلها حد يعمل كده عشان حتت برص بردو
سيبيه ياكل ويشرب المطبخ مطبخه واعتبريه ضيف يعنى :)
انما انا مؤدب ما اطردش حد ( طبعا هى كانت واقفه هاتتشل من ردودى:) )
قالتلى نعم وهو انت هاتطرده
اقتلللللللللللللللله
قولتلها واعيش ازاى وانا ايديا غرقانة بدمه :(
وسبت المطبخ لحد ما الحاج جه ودخل اتعامل بقى ويومها ماكانش فى وجبة غدا لان الحاجه ما دخلتش المطبخ لحد بالليل اما جه الحاج طبعا ( ونعم الرجالة انا مش كده ) والنعمه يا عم كنت بجرى ناحية ضرب النار ايام الثورة انما ما قدرتش اتقدم ولو خطوة قدام برص
بعد ما الحاج قتله قاللى هاتعمل ايه لما تتجوز ومراتك تقوللك الحقنى فى برص
قولتله ها خدها واقفل الشقه عليه واجى اقعد عندكو يومين لحد ما يزهق هو أما يلاقى نفسه قاعد فى البيت لوحده ويمشى :)
ملحوظة بس عشان محدش يفهمنى غلط
انا ما بحبووووووووووش ولا بحب شكله لكن مش بخاف منه
احب الفيران :) خصوصا لو صغير
كان فى واحد فى اوضتى وانا صغير كنت احطله المصيده اخر الليل وفيها الجينه ومارضاش اعلقها واقعد اتفرج عليه وهو بياكل
عسسسسسسسسسسسسسسسسسوله
لحد ما طلع لماما فى يوم وراح الحاج قافشه
قاللى خده غرقه فى البانيو وهو فى المصيدة ( طبعا البانيو بتاعى - اصل انا محتفظ بالبانيو بتاعى وانا صغير - وعلى الله حد يتريأ ماشى )
سهيته وقمت خارج بره وفتحتله المصيدة وسيبته يخرج

بالنسبة للبرص
مش مشكلة انا سدادة
صحيح انا بقرف منه جدا
بس مستحيل اسيب حاجة تؤذيني او تؤذي بيتي في البيت ممكن اتعامل
بس اعتقد انه مش بينزل دم
وبعدين اول مرة اشوف حد يحب الفيران
خلاص جيب لك حتة هامستر صغنن يسليك في اوضتك

المشاركة الأصلية كتبت بواسطة eng_hatemfathy

مش عارف زوجة المستقبل هتتعامل مع الحنية المفرطة دى ازاى اكيد قلبك مش هيطاوعك تخرج دبانه دخلت يوم التنفيض او تموت ناموسه واقفه على الحيطه وهى على لحم بطنها اكيد هتعزمها على بقين دم

فكرتني بحكاية قريتها على احد المنتديات ضحكتني جدا
واحدة بتكتب طلبات عشان تديها لجوزها يشتريها وكانت عاوزة فراخ وبط
قالها مش قادر كسلان
قالت له مش مشكلة خليهم عايشين يوم كمان؟
قال لها تصدقي نبهتيني صعبوا عليا
انا مش هاشتري فراخ ولا بط تاني
حرام يتدبحوا بسببي
هاشتري مجمد الفكرة انهم ما يتبحوش بسببه