الموضوع: اثنين حينفصلوا او بمعني اوضح حيطلقوا بسبب.......

المشاركة الأصلية كتبت بواسطة nonetta

انا دلوقتي متأكدة ان m000dy مش هيدخل الموضوع دة تاني
يا راجل حرام عليك
دة كلنا اتعذبنا مش هوا بس
الحاجات دي مناظرها بشعة ربنا يعافينا

لااا Objection مش كلنا :D ، ايه البشاعة فى كدة.

المشاركة الأصلية كتبت بواسطة m000dy

اخويا وحبيبى Mount
بعد مشاركتك الروعة اللى ادخلت البهجة والسرور لقلبى بصراحه
احب اقولك
ربنا يبارك فيك ويخليك ، انا مش عارف اشكرك ازاي

اى خدمة يا مودي ، يا راجل وصديري تحت الجينز ، ونار من تحت الارض وانابيب غاز وافلام رعب :DD
بس روق بالك كدة وخدلك وجبة صراصير على حتتين عقارب وهتبقي تمام من غير بريل ولا ديو ،
متخفش الصراصير بتاعه الصين حلوة مش زي هنا :DD ، ها إيه رأيك ؟!!










لو مش عاجبك الصراصير كمان ، ايه رأيك تربي لهم برص ياكلهم ؟! ،
هو مش ممكن ياكل الصراصير بردو ؟!! ههههه

المشاركة الأصلية كتبت بواسطة marimmarum

اولا شكرا علي مشاركتك بس اسمحلي اوضح نقطة
الشغل ممكن يسبب تقصير وممكن لا ,علي حسب الشخصية
انا كنت بقولها طالما الشغل محترم وكويس وميقصرش علي البيت في حاجة فخلاص لكن لو اثر مينفعش.
وانا عارف ان كدة كدة حتاخد اجازة علشان الوضع والرضاعة وكدة والاجازات دي,ممكن تطول فمش مشكلة استحمل شوية لحد ما تاخد اجازة طفل واستحمل علشان مش عايزها تكون زهقانة وهي في البيت لوحدها ولازم اراعي نفسيتها واجي علي نفسي شوية
لكن تعالي بقي,اقولك فين الطامة الكبري????
تدخل اهلها في شئون حياتنا بشكل فظيع ويارتهم بيدخلوا علشان المركب تمشي لاسف ادخلوا وخلوا المركب تتخرم وتبدا المية تعبيها من كل حتة ولو فضل الحال كدة حتغرق لا محالة

اقول لك على نقطة بسيطة
البنت اول ما بتتجوز بتبقى لسة مرتبطة اوي بأهلها وببيتها اللي عاشت واتربت فيه
وبتبقى محتفظة بحاجتها اللي كانت بتستعملها فيه
وبترتاح اكتر في السرير بتاعها في بيت باباها
وكمان اتعودت انها تشور مامتها وباباها في كل شئ وترجع لهم في كل الامور
وكمان حسب ارتباطها بامها وصحوبيتها ليها

انا اول ما اتجوزت كنت باحكي بعض حاجات لمامتي لكن طبعا مش كله لاني كدة كدة مكنتش باحكيلها حاجة قبل ما اتجوز
لكن لاحظت ان ممكن يتحاملو على زوجي ويبقوا زعلانين منه عشان زعلني
وانا بابقى بين نارين مش عاوزة ازعل جوزي ومش عاوزة ازعل اهلي
فكنت باطحن في النص عشان اصحح وجهات النظر
كنت ادافع عنه ادامهم والدتي تقول لي ما تدافعيش عنه
ادافع عنهم ادامه هوة يقول لي بتفضلي اهلك عليا
لان والدتي عاطفية جدا وطبعا هتنحاز لبنتها
عكس بابايا .. واقعي وكان بيغلطني لو كنت غلطانة

حابة افهمك ان الدنيا علمتني

بس
بعدها اخدت عهد على نفسي ما احكيش حاجة نهائيا
لحد الان
حتى لو زعلنا ولو حصل ايه
احط همي في نفسي
وباذن الله مكانش بيستمر ولا بيوسع

زوجتك بأذن الله الدنيا هتعملها وبعد كدة حبة حبة هتحس ان مالهاش الا جوزها وبيتها واولادها
امها وابوها تبرهم بس مالهمش دعوة بحياتها
وهتلاقيها من نفسها ما تقدرش تبات برة بيتها ابدا
دي سنة الحياة
صبر جميل
عارف ايه اللي دايما بيكبر المشاكل
لما الاتنين محدش فيهم بيتنازل عشان التاني
لكن لو كل واحد يتنازل مرة
المركب هتمشي

حاول معاها تاني بالتليفون واختار وقت يكون بالليل اوي مثلا وهما نايمين
عشان ما يبقاش في تاثير من حد عليها
تبعت لها رسالتين حلوين تفكرها بحاجة كويسة بينكو اوذكرى حلوة
بعيد عن العند
وبلاش عتاب في اي كلام

يمكن ربنا يهديها وتلين
وتبقى دي اخر محطة
تسيبها بعدها لضميرها
لحد ما ترجع لعقلها

وتبقى انت عملت اكتر من اللي عليك
اسفة اني طولت عليك

المشاركة الأصلية كتبت بواسطة شريف

كلامك جميل جدا يا اخت نونيتا
بس انا ليه استفسار بعد اذن اخي صاحب الموضوع
لان كلامك جالي في نقطه في بالي و اتعرضتلها قبل كدة
لما البنت بتاخد كلام من اهلها و غصب عنها تنقلة لخطيبها
زي مثلا يقولولها انتي لسه صغيرة علي الجواز او هو انتي حمل الجواز و قرفه او تبقي شايفه مواقف مش لذيذة من قريباتها المتزوجات او غيرة مما يثير الشكوك علي قدرتها علي بدايه حياة جديدة مع شخص ما
قوم ايه تنقل الكلام دة لخطيبها انا مش قد الجواز و انا مش حمل الجواز و مالذ وطاب من ذلك الكلام
ايه اللي بتبقي متوقعاة منه بعد نقلها لهذة الاحاسيس الحقيقيه ساعات و المكتسبه ساعات اخري
1- هل يصمت و يعدي الموقف بدون اي نقاش
2- هل يحتويها و يقول الدنيا مشاركه و و و
3- هل يستنكر الكلام و بمعني ادق يعلمها ان مش كل حاجه بتنقال
4- عليك و علي المهدئات

احب اسمع رأيك مادام قلتي البقين دول في الكلام

الاهل بيقولوا الكلام دة لبنتهم عشان متدلعة ومش بتعمل حاجة في بيت اهلها خالص
وكل ام بتبقى متصورة ان بنتها المفروض تبدأ حياتها زي ما هيا انتهت اليه
وبتبقى متخيلة انها مش هتعرف تشيل بيت ولا مسئولية
ودة بيبقى غلطة الام اللي ما شركتش بنتها معاها في مسئولية البيت على اعتبار انها صغيرة وبكرة تشيل الهم
بنسبة 90% حتى لو البنت مش بتعرف تسلق بيضة
الحياة بتعلمها.. غصب عنها
هيا بتقول لك الكلمتين دول عشان تدلعها وتريحها وتعرفك انها اد ايه مرتاحة في بيت اهلها
مش قصدها انها تنقل كلام
هيا نقلت لك الكلام اللي فيه رسالة عاوزة توصلهالك

وللاسف فهمها على ادها
بتعتقد ان الشاب بيحب البنت الرقيقة البسكوتاية
ودي حقيقة لكن واقع الحياة بيغير كل دة

لما تقول لك كلمتين زي دول تاني
تعرفها ان كل البنات بيبقوا كدة وبيتعلموا حبة حبة

وما تتوقفش عند الموضوع كتير
وما تعيرهوش اهمية

بس يكون هيا عندها الرغبة في التعلم
وحتى لو معندهاش الرغبة
بردو غصب عنها هتتعلم

واحب اطمنك
صديقة ليا
مكانتش بتعرف البسلة من الفاصوليا من القلقاس
والله العظيم بجد
ودلوقتي ماشاء الله فوق الممتازة وعزايم على اعلى مستوى
واولادها ماشاء الله ادب وتفوق
وبيتها قمة في الجمال والنظام
ما تقلقش